مۋز-تۆ تەلەارناسىنىڭ باس ديرەكتورى ارمان داۋلەتياروۆ ولەڭ وقۋ تاپسىرماسىن رينات گايسين مەن نۇربولات ابدۋلليننەن قابىلداعان. ول ابايدىڭ «قۇلاقتان كىرىپ بويدى الار» ولەڭىنەن ءۇزىندى وقىدى جانە ەستافەتانى رەسەيلىك ءانشى ۆالەرياعا, پروديۋسەر يوسيف پريگوجينگە, ەۆگەني پليۋششەنكو مەن انا رۋدكوۆسكاياعا, قازاقستاندا التاي كولگىنوۆ پەن باۋىرجان بايبەككە جولدادى.
ءوز كەزەگىندە تانىمال ءانشى ۆالەريا ۇلى اقىننىڭ «نە ۋپيۆايسيا پرازدنوي كراسوتوي» ولەڭىن ورىس تىلىندە وقىدى جانە ەستافەتانى لەرا كۋدرياۆتسەۆاعا جولدادى. پروديۋسەر يوسيف پريگوجين «اسەمپاز بولما ارنەگە» ولەڭىن ورىس تىلىندە وقىدى جانە كەزەكتى ا-ستۋديو توبىنىڭ جەتەكشىسى بايعالي سەركەباەۆقا جولدادى.
ايتا كەتەيىك, بۇعان دەيىن قر پرەزيدەنتى قاسىم-جومارت توقاەۆ 9 جاستاعى مەكتەپ وقۋشىسىنىڭ ەستافەتاسىن قابىل الىپ, ونى ءبىلىم جانە عىلىم ءمينيسترى اسحات ايماعامبەتوۆكە, مادەنيەت جانە سپورت ءمينيسترى اقتوتى رايىمقۇلوۆاعا جانە بۇكىل الەمدى مويىنداتقان تالانتتى ءانشى ديماش قۇدايبەرگەنگە جولداعان ەدى.
