ساراپتاما ءالى وتكەن جوق. قازىرگى ۋاقىتتا كونكۋرس بويىنشا سوت داۋلارى ءجۇرىپ جاتىر. كەيبىر جوبالار بويىنشا ءالى كۇنگە دەيىن كونكۋرستار جاريالانعان جوق. بۇل جاۋاپتى قۇرىلىمدار اراسىنداعى كەلىسىلمەگەن ءىس-ارەكەتتەرگە بايلانىستى. ورىنداۋشىلارعا قاراعاندا باستىقتار كوپ بولىپ وتىر.
جيىن بارىسىندا الداعى جىلىتۋ ماۋسىمىنا كومىر جەتكىزۋ, «استانا-ەنەرگيا» اق بالانسىنا «تەو-1 جانە تەو-2 كەڭەيتۋ جانە قايتا قۇرۋ» جوباسى اياسىندا سالىنعان جابدىقتاردى بەرۋ بويىنشا اعىمداعى ماسەلەلەر تالقىلاندى.
استاناداعى تەو ستانتسيالارىن گازداندىرۋ جوباسىنىڭ 1-كەزەگى 2019-2021 جىلدارى ىسكە اسىرىلۋى ءتيىس ەكەندىگى ايتىلدى. وسى كەزەڭدە قالانىڭ 633,67 ملن تەكشە مەترى گاز تۇتىنۋى جوسپارلانعان. بۇل جوسپارداعى جالپى مولشەردىڭ 96%-ىن (658,15 ملن تەكشە مەتر) قامتيدى.
اكىم قازاندىق اگرەگاتتارىنا NID تەحنولوگيالارىن ەنگىزۋ جۇمىستارىن باقىلاۋدى تاپسىردى. بۇل تەحنولوگيالار قورشاعان ورتاعا شىعارىلاتىن زياندى زاتتار مولشەرىن قىسقارتۋى ءتيىس.
«تەو-1 مەن تەو-2 - استاناعا ءومىر بەرىپ تۇرعان ستراتەگيالىق نىساندار. «استانا-ەنەرگيا» اق باسشىلىعى كەلىسىم جاسالماعان ماسەلەلەردى شۇعىل رەتتەۋى ءتيىس. ءبىز جىلۋ ەلەكتر ستانتسيالارىن گاز قابىلداۋعا دايىنداۋعا ءتيىسپىز. ءار بولىمشە اپتا سايىن اتقارىلعان جۇمىستىڭ ەسەبىن بەرەتىن بولسىن», - دەدى اكىم.
