پارلامەنت سەناتىنىڭ دەپۋتاتى رىسقالي ابدىكەروۆ جۇمىس ساپارىمەن قاراعاندى وبلىسىنىڭ ۇلىتاۋ اۋدانىندا بولدى. سەناتور ساپار بارىسىندا اۋدان اكتيۆىمەن كەزدەسىپ, پرەزيدەنت قاسىم-جومارت توقاەۆتىڭ ساياساتىنىڭ باسىم باعىتتارىن ءتۇسىندىردى جانە اۋداندىق جۇمىسپەن قامتۋ ورتالىعىنىڭ جۇمىس جوسپارىمەن تانىستى.
سەناتور اۋىل تۇرعىندارمەن اڭگىمە بارىسىندا تومەن پايىزبەن بەرىلەتىن اۋىل شارۋاشىلىعىنا ارنالعان نەسيەلەردى ءتيىمدى پايدالانۋ, از قامتاماسىز ەتىلگەن وتباسىلارعا مەملەكەتتىك كومەك كورسەتۋ ماسەلەلەرىنە ەگجەي-تەگجەيلى توقتالدى. سەنات دەپۋتاتى تۇرعىنداردىڭ سۇراقتارىنا جاۋاپ بەرە كەلىپ اۋدانداعى وزەكتى ماسەلەلەردىڭ شەشىمىن تابۋعا اتسالىساتىنىن جانە ءتيىستى دەپۋتاتتىق ساۋالدار جىبەرىلەتىنىن جەتكىزدى.
ر.ابدىكەروۆ ساپار بارىسىندا «حان ورداسى» تاريحي ورنىن ارالادى جانە «كوكمايسا» دەمالىس ورنىنىڭ جۇمىسىمەن تانىستى. سەناتور سونداي-اق كوپ بالالى انا سىمبات ەسماعانبەتوۆا مەن اقساقال تاكانا شىنبەرگەنوۆتىڭ وتباسىندا بولدى.
