بوكستان الەم چەمپيوناتىنىڭ تۇساۋى وسىدان تۋرا 45 جىل بۇرىن كەسىلگەنىن كوزى قاراقتى كورەرمەندەر ۇمىتا قويعان جوق. 1974-1991 جىلدار ارالىعىندا ايتۋلى جارىستىڭ جالاۋى التى مارتە جەلبىرەدى. ول كەزدەرى كسرو قۇراماسى ساپىندا قازاقستاننىڭ ساناۋلى عانا بىلعارى قولعاپ شەبەرلەرى ونەر كورسەتكەن ەدى. سولاردىڭ اراسىنان ۆالەري راچكوۆ (1978 جىل، بەلگراد) پەن يگور رۋجنيكوۆ (1989 جىل، ماسكەۋ) التىن تۇعىرعا كوتەرىلسە، سەرىك قوناقباەۆ (1982 جىل، ميۋنحەن) پەن الەكساندر ميروشنيچەنكو (1989 جىل، ماسكەۋ) كۇمىس مەدالدى مويىندارىنا ءىلدى.

كەڭەس وداعى كەزىندە دە قازاقستاندىق بوكسشىلاردىڭ وتە قارۋلى بولعانى ءمالىم. بارلىق 15 رەسپۋبليكانىڭ وكىلدەرى باس قوسقان اسا جاۋاپتى جارىستاردا جەرلەستەرمىز ۇنەمى ۇزدىك ۇشتىكتىڭ قاتارىندا ءجۇردى. تىپتەن، جالپى كوماندالىق ەسەپتە كوش باستاعان كەزدەرىمىز دە از ەمەس. بىراق ءىشتارلىق تانىتقان ماسكەۋلىك ماماندار ءبىزدىڭ جىگىتتەردى ۇنەمى شەتتەتىپ كەلگەنى تاعى بەلگىلى. ماسەلەن، كسرو داۋىرىندە بار-جوعى جەتى جەرلەسىمىز عانا الەم چەمپيوناتىندا كۇش سىناسۋ قۇرمەتىنە ءبولەندى. سونىڭ تورتەۋى جەڭىس تۇعىرىنا كوتەرىلگەنى جايىندا جوعارىدا ايتتىق. ولاردان ءبولەك، سەرىك نۇرقازوۆ 1982 جىلى ميۋنحەندەگى جارىستىڭ شيرەك فينالىندا قاباعى جارىلىپ، امەريكالىق بەرنارد گرەيگە جول بەردى. 1986 جىلى رەنودا دا ونىڭ جولى بولمادى. سەرىك 1/8 فينالدا كانادالىق بيلل داۋنيدەن ۇتىلدى. ءدال سول جارىستىڭ سول مەجەسىندە بەيبىت ەسجانوۆ تا ءسۇرىندى. قانداسىمىز كۋبالىق پەدرو ورلاندو رەيەستەن جەڭىلدى. 1991 جىلى سيدنەيدە بولات تەمىروۆ باستاپقى باسەكەلەردىڭ بىرىندە بوستاندىق ارالىنىڭ وكىلى حوسە راموسقا ەسە جىبەردى.
تاۋەلسىزدىكتىڭ تاڭى اتقاننان سوڭ قازاقستاننىڭ بوكسشىلارى ءۇشىن شارشى الاڭدى ارمانسىز شايقاپ، وزدەرىنىڭ مىقتىلىعىن تۇبەگەيلى مويىنداتۋعا تاماشا مۇمكىندىك تۋدى. بۇل مۇمكىندىكتى ءبىزدىڭ جىگىتتەر قالت جىبەرگەن جوق. 1993-2007 جىلدار ارالىعىندا الەم چەمپيوناتى 13 مارتە ۇيىمداستىرىلسا، سونىڭ بارلىعىندا ەلىمىزدىڭ تۋى كوكتە جەلبىرەدى. ەڭ كەرەمەت تابىسقا 2013 جىلى الماتىدا قول جەتكىزدىك. بالۋان شولاق اتىنداعى سپورت سارايىندا وتكەن بايراقتى باسەكەدە 4 التىن، 2 كۇمىس جانە 2 قولا مەدالدى قورجىنعا سالىپ، كوماندالىق ەسەپتە باس جۇلدەنى ولجالادىق. 2003 جىلى بانگكوكتا، 2005 جىلى مينياندا جانە 2017 جىلى گامبۋرگتە ۇزدىك ۇشتىكتىڭ ساناتىنا قوسىلدىق. 1999 جىلى حيۋستوندا جانە 2007 جىلى چيكاگودا وزىق بەس كوماندانىڭ قاتارىنان كورىندىك. وزگە جارىستاردا دا قول جەتكىزگەن تابىسىمىز ەلەۋلى. ال 1993، 2001 جانە 2009 جىلدارداعى دودادا جالعىز جۇلدەنى قاناعات تۇتتىق. بۇل – وتاندىق بىلعارى قولعاپ شەبەرلەرىنىڭ ايتۋلى باسەكەلەردەگى ەڭ ناشار ناتيجەسى. ەندى ءار جىلدارى وتكەن الەم چەمپيوناتتارىنا جەكە-جەكە توقتالايىق:
1993 جىل. تامپەرە (فينليانديا). الەم چەمپيوناتىنا تۇڭعىش رەت قاتىسقان قازاقستان قۇراماسى جالعىز قولا مەدالدى قاناعات تۇتتى. ونىڭ يەگەرى – 75 كيلو سالماقتاعى ۆاسيلي جيروۆ. جارتىلاي فينالدا «بالقاش بارىسى» تۇركيالىق اقىن قۇلوعلىدان (2:9) جەڭىلدى.
1995 جىل. بەرلين (گەرمانيا). 81 كيلو سالماق دارەجەسىنە اۋىسقان ۆاسيلي جيروۆ سۋومي ەلىندەگى ناتيجەسىن قايتالادى. ول امەريكالىق انتونيو تارۆەردەن (6:9) ۇتىلدى. 51 كيلو سالماقتاعى بولات ءجۇمادىلوۆ اقتىق سىنعا دەيىن القىنباي جەتكەنىمەن، شەشۋشى تۇستا رينگ قوجايىنى زولتان لۋنكاعا (6:11) جول بەردى.
1997 جىل. بۋداپەشت (ۆەنگريا). 71 كيلو سالماقتاعى ەرماحان ىبىرايىموۆ كۇمىس السا، 51 كيلو سالماقتاعى بولات جۇمادىلوۆ قولاعا قول سوزدى. ەرماحان كۋبالىق الفرەدو ديۋۆەرحەلگە (7:9)، بولات رەسەيلىك يلفات ريازاپوۆقا (10:16) ەسە جىبەردى.
1999 جىل. حيۋستون (اقش). تاۋەلسىز قازاقستاننىڭ جانە قازاق بوكسشىلارىنىڭ اراسىنان تۇڭعىش الەم چەمپيونى اتانۋ باقىتى بولات جۇمادىلوۆكە بۇيىردى. ءوزىنىڭ ۇيرەنشىكتى سالماعىندا ونەر كورسەتكەن جۇدىرىعى التىن جىگىت فينالدا ارگەنتينالىق ومار نارۆاەزدەن (6:4) باسىم ءتۇستى. اسا اۋىر سالماقتاعى مۇحتارحان ءدىلدابەكوۆ پەن سينان ساميل سان اراسىنداعى فينالدىق سايىس 4:4 ەسەبىمەن تەڭ اياقتالدى. بىراق تورەشىلەر تۇركيالىق بوكسشىنىڭ قولىن كوتەردى. قازاقتىڭ نار تۇلعالى ازاماتى كۇمىسپەن كۇپتەلدى. جارتىلاي فينالدا كۋبا قابىلانى حورحە گۋتەرەستەن ءبىر عانا ۇپايمەن ۇتىلعان ەرماحان ىبىرايىموۆ (11:12) قولا مەدالدى يەلەندى.
2001 جىل. بەلفاست (سولتۇستىك يرلانديا). كەشەندى جارىس بولعاندىقتان ەلىمىزدىڭ بەلدى بوكسشىلارى شىعىس ازيا ويىندارىنا اتتاندى دا، الەم چەمپيوناتىنا ەكىنشى ءنومىرلى بىلعارى قولعاپ شەبەرلەرى باردى. وسى جارىستا گاليب جافاروۆ كۇمىس مەدالدى كەۋدەسىندە جارقىراتتى. 57 كيلو سالماقتا باق سىناعان ول تۇركيالىق راماز پاليانيدەن جەڭىلىپ قالدى.
2003 جىل. بانگكوك (تايلاند). ەل بوكسى تاريحىندا تۇڭعىش رەت قوس ورەنىمىز التىن تۇعىردان قول بۇلعادى. گاليب جافاروۆ بەلفاستتاعى كۇمىسىن بۇل جولى باس جۇلدەگە الماستىردى. اقتىق سىندا وتانداسىمىز قازاقستاندا تۋىپ-ءوسىپ، كەيىننەن گەرمانياعا قونىس اۋدارعان ۆيتالي تايبەرتتى (43:35) تىزە بۇكتىردى. 75 كيلو سالماقتاعى گەننادي گولوۆكين ۋكراينالىق ولەگ ماشكيندى فينالدىق ايقاستىڭ ەكىنشى راۋندىندا ۇرىپ جىعىپ، تورتكۇل دۇنيەنىڭ تەڭدەسسىزى اتاندى.
2005 جىل. مينيان (قىتاي). دۇنيەجۇزىلىك دودادا تاعى دا ءانۇرانىمىز ەكى مارتە شىرقالىپ، مەرەيىمىز ءوستى. قىتايدا سەرىك ساپيەۆ پەن ەردوس جاڭابەرگەنوۆتىڭ جۇلدىزى جارقىراي جاندى. شەشۋشى تۇستا 64 كيلو سالماقتاعى سەرىكتىڭ وزبەكستاندىق ءدىلشود ماحمۋدوۆتان (39:21) مەرەيى ۇستەم بولسا، 81 كيلو سالماقتاعى ەردوس حورۆاتيالىق ماريو سيۆوليجانى (27:12) سان سوقتىردى. ءبىرجان جاقىپوۆ (48 كيلو)، ميرات سارسەنباەۆ (51 كيلو) جانە باقتيار ارتاەۆ (69 كيلو) ءۇشىنشى ورىنعا تابان تىرەدى. وسىلايشا، تۇڭعىش رەت ءبىر جارىستا قازاقتىڭ بەس بىردەي قايسار ۇلى جەڭىس تۇعىرىنا كوتەرىلدى.
2007 جىل. چيكاگو (اقش). سەرىك ساپيەۆ ءوز سالماعىندا تاعى دا قارسىلاس شاق كەلتىرمەدى. قاراعاندىلىق بوكسشىنىڭ امەريكاداعى ونەرىنە جانكۇيەر بىتكەننىڭ بارلىعى ءسۇيسىندى. تۇساۋكەسەر كەزدەسۋىندە ول سەربيالىق سپورتشىعا 22:6 ەسەبىمەن سان سوقتىردى. نيكاراگۋا، كانادا، يران جانە جاپونيانىڭ جىگىتتەرىنە قارسى جەكپە-جەكتەرىن سەرىك مەرزىمىنەن بۇرىن نوكاۋتپەن اياقتادى. فينالدا رەسەيلىك گەننادي كوۆالەۆتى 20:5 ەسەبىمەن تاس-تالقانىن شىعاردى. 75 كيلو سالماقتاعى باقتيار ارتاەۆ پەن 81 كيلو سالماقتاعى ەركەبۇلان شىناليەۆ قولا مەدالدى يەمدەندى. باقتيار ۆەنەسۋەلالىق الفونسو بلانكودان (7:15)، ەركەبۇلان ءوزبەكستاندىق ابوش اتوەۆتان (8:17) عانا ايلالارىن اسىرا العان جوق.
2009 جىل. ميلان (يتاليا). اپەننين تۇبەگىندە جالعىز قولاعا قولىمىز جەتتى. 69 كيلو سالماق دارەجەسىنە اۋىسقان سەرىك ساپيەۆ جارتىلاي فينالدا رەسەيلىك اندرەي زامكوۆويدان (10:16) ويدا-جوقتا ۇتىلدى. ال وزگە جەرلەستەرىمىز بۇل ساپاردان قۇر قول قايتتى.
2011 جىل. باكۋ (ازەربايجان). كاسپي تەڭىزى جاعالاۋىندا ءتورت بوكسشىمىز جەڭىس تۇعىرىنا كوتەرىلدى. فينالدا سەرىك ساپيەۆ ۋكراينالىق تاراس شەلەستيۋككە (10:16)، 81 كيلو سالماقتاعى ءادىلبەك نيازىمبەتوۆ كۋبالىق حۋليو سەزار دە لا كرۋزعا (13:17) جول بەردى. جارتىلاي فينالدا 60 كيلو سالماقتاعى عاني جايلاۋوۆ تاعى ءبىر كۋبا قابىلانى ياسنەر تولەدو لوپەستەن (9:21)، الىپتار ايقاسىندا يۆان دىچكو ازەربايجاندىق ماگومەدراسۋل مەدجيدوۆتان (9:16) جەڭىلدى.
2013 جىل. الماتى (قازاقستان). ءوز ەلىمىزدە، ءوز جەرىمىزدە، ءوز جانكۇيەرلەرىمىزدىڭ كوز الدىندا جۋان جۇدىرىقتى جىگىتتەرىمىز جاسىنداي جارقىراپ، 4 التىن، 2 كۇمىس جانە 2 قولانى ولجالادى. اقتىق ايقاستا ءبىرجان جاقىپوۆ (49 كيلو) الجيرلىك مۇحاممەد فليسسيگە، مەرەي اقشالوۆ (64 كيلو) مەن دانيار ەلەۋسىنوۆ (69 كيلو) كۋبانىڭ قوس جۇلدىزى – ياسنەر تولەدو لوپەس پەن اريسنويدە دەسپاينگە جانە جانىبەك ءالىمحان ۇلى (75 كيلو) يرلانديالىق دجەيسون كۋيگليگە شاڭ قاپتىرىپ كەتتى. ادىلبەك نيازىمبەتوۆ (81 كيلو) پەن يۆان دىچكو (+91 كيلو) ەكىنشى ورىندى ەنشىلەسە، قايرات ەراليەۆ (57 كيلو) پەن بەرىك ءابدىراحمانوۆ (60 كيلو) ءۇشىنشى ساتىعا تابان تىرەدى. وسىنداي وراسان زور تابىستىڭ ارقاسىندا قازاقستان قۇراماسى ءوز تاريحىندا تۇڭعىش رەت الەمدىك دودانىڭ كوماندالىق ەسەبىندە كوش باستادى.
2015 جىل. دوحا (قاتار). پارسى شىعاناعىنداعى «شايقاستا» دانيار ەلەۋسىنوۆ (69 كيلو) پەن يۆان دىچكو (+91 كيلو) اقتىق سىنعا دەيىن القىنباي جەتتى. ەكەۋى دە جارىستىڭ فاۆوريتتەرى سانالعانىمەن، ويدا-جوقتا ءوز قارسىلاستارىنا ەسە جىبەردى. فينالدا دانيار ماروككولىق مۇحاممەد رابيدەن جەڭىلسە، يۆان فرانتسيالىق توني يوكوعا ۇتىلدى.
2017 جىل. گامبۋرگ (گەرمانيا). نەمىس جەرىندە التى ءبىردەي جەرلەسىمىز جۇلدە الىپ، قازاقستاندىق جانكۇيەرلەردى قۋانىش پەن شاتتتىققا بولەدى. ەرجان جومارت (49 كيلو)، ابىلايحان ءجۇسىپوۆ (69 كيلو) جانە ۆاسيلي لەۆيت (91 كيلو) قولا جۇلدەگەر اتاندى. جارتىلاي فينالدا ەرجان مەن ءۆاسيليدىڭ كۋبالىق حوانيس ارحيلاگوس پەن ەريسلاندي ساۆونعا، ابىلايحاننىڭ وزبەكستاندىق شاحرام گياسوۆقا ءالى جەتپەدى. فينالدا ءابىلحان امانقۇل (75 كيلو) ۋكراينالىق الەكساندر حيجياكتىڭ، قامشىبەك قوڭقاباەۆ (+91 كيلو) ازەربايجاندىق ماگومەدراسۋل مەدجيدوۆتىڭ وسال تۇسىن تابا المادى. ال الەم چەمپيونى اتانعان قايرات ەراليەۆتى (56 كيلو) قالاي ماقتاساق تا جاراسادى. اسا شيەلەنىستى وتكەن شەشۋشى ايقاستا قازاق بوكسشىسى امەريكالىق ديۋك رەگاننان الىمدى كورىندى.
مىنە، قىسقا قايىرعاندا ءاڭگىمە وسىنداي. تاۋەلسىزدىك العاننان كەيىنگى كەزەڭدە قازاقستاننىڭ بوكسشىلارى الەم چەمپيوناتىندا 11 التىن، 12 كۇمىس جانە 17 قولا مەدالدى ولجالادى. بارلىعى – 40 جۇلدە! شارشى الاڭداعى وسى كورسەتكىشى جاعىنان جەرلەستەرىمىز ءتورتىنشى ورىندا تۇر. الدىمىزدا تەك كۋبا، رەسەي (كسرو-نى قوسا العاندا) جانە اقش سەكىلدى الپاۋىتتار. وسى ورايدا، ولاردىڭ الەم چەمپيوناتىنا 1974 جىلدان بەرى قاتىسىپ كەلە جاتقانىن ەسكەرگەن ءجون. ال قازاقستاننىڭ بوكسشىلارى تاۋەلسىز ەلدىڭ وكىلدەرى جانە دەربەس كوماندانىڭ مۇشەلەرى رەتىندە 1993 جىلى عانا قاتارعا قوسىلدى.
بيىلعى الەم چەمپيوناتىنىڭ باستالۋىنا از عانا ۋاقىت قالدى. ناقتىلاپ ايتساق، ول 7-21 قىركۇيەك ارالىعىندا رەسەيدىڭ ەكاتەرينبۋرگ قالاسىندا وتەدى. ايتۋلى جارىستا وليمپيادا باعدارلاماسىندا بار 8 سالماق دارەجەسى بويىنشا ءتۇرلى جۇلدەلەر ساراپقا سالىنادى. سول بايراقتى باسەكەدە وتانداستارىمىز جالپى كوماندالىق ەسەپتە ۇزدىك ۇشتىكتىڭ قاتارىنان كورىنۋدى كوزدەۋدە.
بيىل ەسىرتكىگە قاتىسى بار 1 400 قۇقىق بۇزۋشى ۇستالدى
قوعام • كەشە
كولىك كوميتەتىنىڭ توراعاسى قىزمەتىنەن بوساتىلدى
قازاقستان • كەشە
وڭتۇستىك كورەيا ەلشىسى قوستانايعا جۇمىس ساپارىمەن كەلدى
ەكونوميكا • كەشە
پەتروپاۆلدا جاس جىگىتتى كاماز قاعىپ كەتتى
ايماقتار • كەشە
اقمولا وبلىسىن دامىتۋعا 118 ملرد تەڭگە قاراستىرىلعان
ۇكىمەت • كەشە
تۇلكىباس اۋدانى اكىمىنىڭ ورىنباسارى ۇستالدى
ANTIKOR • كەشە
ەرلان قارين سولتۇستىك قازاقستان وبلىسىنىڭ جۇرتشىلىعىمەن كەزدەستى
ايماقتار • كەشە
تارازدا 84 ۇيىرمەسى بار وقۋشىلار سارايى اشىلدى
ايماقتار • كەشە
بالالاردىڭ ساۋىقتىرۋ ءىس-شارالارىنا 26،1 ملرد تەڭگەگە شارت جاسالدى
مەديتسينا • كەشە
بىرقاتار وڭىردە اۋا رايىنا بايلانىستى ەسكەرتۋ جاريالاندى
اۋا رايى • كەشە
پرەزيدەنت جوعارى ەۋرازيالىق ەكونوميكالىق كەڭەستىڭ وتىرىسىنا قاتىستى
پرەزيدەنت • كەشە
قازاقستان-ارمەنيا ۇكىمەتارالىق كوميسسياسىنىڭ وتىرىسى وتەدى
قازاقستان • كەشە
الماتىدا «ءال-فارابي - يقبال» حالىقارالىق فورۋمى ءوتتى
رۋحانيات • كەشە
پرەزيدەنت مادەنيەت قايراتكەرى ايتجان توقتاعانعا العىس حات جولدادى
پرەزيدەنت • كەشە
ەلوردادا ۆەلوسيپەدشىلەر شەرۋى وتەدى
ەلوردا • كەشە
232 ماڭعىستاۋلىق كولىك جۇرگىزۋشى كۋالىگىنەن ايىرىلدى
ايماقتار • كەشە
قارجى • كەشە
قاسىم-جومارت توقاەۆ پولشا پرەزيدەنتىمەن سويلەستى
پرەزيدەنت • كەشە
دەمالىس كۇندەرى 33 گرادۋسقا دەيىن ىستىق بولادى
اۋا رايى • كەشە
ۇلتتىق ستاتيستيكا بيۋروسى باسشىسىنىڭ ورىنباسارى تاعايىندالدى
تاعايىنداۋ • كەشە
اقتوبە وبلىسىندا جول اپاتىنان ەكى ادام قازا تاپتى
وقيعا • كەشە
رەفەرەندۋمعا لاتۆيالىق باقىلاۋشىلار كەلەدى
رەفەرەندۋم-2022 • كەشە
اۋىر اتلەتيكادان قازاقستان چەمپيوناتى باستالدى
سپورت • كەشە
ەلدەگى قىلمىس جاساعانداردىڭ 80 پايىزى جۇمىسسىزدار
قازاقستان • كەشە
قازاقستاندا ەلەكتروندى تەمەكىگە تىيىم سالىنۋى مۇمكىن
قوعام • كەشە
ارمەنيا العاشقى عارىش سپۋتنيگىن ۇشىردى
الەم • كەشە
شاردارادا بالىق اۋلاۋدان رەسپۋبليكالىق جارىس ءوتتى
ايماقتار • كەشە
دوسىن پىشاقتاعان قىلمىسكەرگە سوت ۇكىمى شىقتى
ايماقتار • كەشە
مۇناي تيەلگەن 17 ۆاگون وزەنگە قۇلادى
الەم • كەشە
ساياجايدان ەسىرتكى زەرتحاناسى تابىلدى
ايماقتار • كەشە
ۇقساس جاڭالىقتار