ءۇمىتىمىزدى ۇكىلەپ وتىرمىز
جۇما, 18 قاڭتار 2013 7:17
مەن جاڭا جىلداعى ءسوزىمدى جەرمەن جۇمىس ىستەيتىن شارۋا ادامى رەتىندە ءوزىمدى, ءارى اگروقۇرىلىمداردا قىزمەت ىستەيتىن بارلىق ارىپتەستەرىمدى قۋانتىپ, ۇمىتتەندىرىپ وتىرعان ماسەلەدەن باستاعىم كەلەدى. وتكەن جىلدىڭ قاراشا ايىندا رەسپۋبليكا اۋىل شارۋاشىلىعى مينيسترىنىڭ ورىنباسارى اقجايىقتاعى شارۋا قوجالىقتارى جەتەكشىلەرىمەن كەزدەسىپ 2013-2020 جىلدارعا ارنالعان ارگوونەركاسىپ كەشەنىن دامىتۋدىڭ اۋقىمدى باعدارلاماسى ازىرلەنگەنىن اڭگىمەلەپ بەردى.
جۇما, 18 قاڭتار 2013 7:17
مەن جاڭا جىلداعى ءسوزىمدى جەرمەن جۇمىس ىستەيتىن شارۋا ادامى رەتىندە ءوزىمدى, ءارى اگروقۇرىلىمداردا قىزمەت ىستەيتىن بارلىق ارىپتەستەرىمدى قۋانتىپ, ۇمىتتەندىرىپ وتىرعان ماسەلەدەن باستاعىم كەلەدى. وتكەن جىلدىڭ قاراشا ايىندا رەسپۋبليكا اۋىل شارۋاشىلىعى مينيسترىنىڭ ورىنباسارى اقجايىقتاعى شارۋا قوجالىقتارى جەتەكشىلەرىمەن كەزدەسىپ 2013-2020 جىلدارعا ارنالعان ارگوونەركاسىپ كەشەنىن دامىتۋدىڭ اۋقىمدى باعدارلاماسى ازىرلەنگەنىن اڭگىمەلەپ بەردى.
مينيسترلىك وكىلى بۇل ماقساتتا, اسىرەسە, استىق وسىرۋمەن اينالىساتىن ازاماتتارعا تۇتاس ەل بويىنشا قوماقتى نەسيە بولىنەتىنىن دە ايتقان ەدى. ەڭ باستىسى, بىزدەردى بۇل قاراجاتتاردىڭ وتە ءتيىمدى تۇردە ءارى ۇزاق مەرزىمگە بەرىلەتىنى, ءتىپتى وسى ارقىلى بۇرىنعى قارىزداردىڭ ورنىن تولتىرۋعا دا بولاتىندىعى قۋانتتى. جاڭا جىلدا ۇكىمەت ەلگە اسا قاجەتتى وسى باعدارلامالىق جوبانى بەكىتسە, بۇل ءبارىمىز ءۇشىن ۇلكەن قولداۋ بولادى دەپ ەسەپتەيمىن.
ەندى مەنى شارۋا باققان ادام رەتىندە جاڭا جىلدا نە تولعاندىرادى, نە ويلاندىرادى دەگەن ساۋالعا توقتالسام – رەسپۋبليكادا مال وسىرۋمەن اينالىسقىسى كەلەتىندەرگە دە وسىنداي قارجىلاي قولداۋ تەتىكتەرى جاسالسا ەجەلدەن مال باعۋدى كاسىپ ەتىپ كەلگەن قازاق ەلى ءۇشىن بۇل باعا جەتپەس كومەك بولماق. ءبىز رەسەيمەن كورشىلەس قونىستانعاندىقتان وندا مال شارۋاشىلىعى كەشەنىن دامىتۋ ىسىندە تاۋار وندىرۋشىلەر ءۇشىن وتە ءتيىمدى باعدارلاما ىسكە اسىپ جاتقانىنىڭ كۋاگەرى بولىپ ءجۇرمىز. بۇل باعىتتا كورشىلەر ءبىر-بىرىنەن ۇيرەنىپ, تاجىريبە الماسقانىنىڭ ەشقانداي ارتىقشىلىعى جوق دەگەن ويدامىن.
كەرىسىنشە, رەسەيلىك ارىپتەستەرىمىز قازاقستاننىڭ اگرو-قارجى جۇيەسىندەگى ىلكىمدىلىك پەن جەدەلدىلىككە ءتانتى, تاڭ-تاماشا بولىپ كەتكەنى بار. جاعداي بىلاي بولعان ەدى. وسى جۇيە ارقىلى بىزدەر ەگىن وراعى قارساڭىندا «ۆەكتور-410» دەپ اتالاتىن بۇگىنگى زامانعى الىمدى دا شالىمدى استىق جينايتىن كومباينعا قول جەتكىزە الدىق. ءتىپتى, ولار ەگىن وراعى ناۋقانىنىڭ ماڭىزىن ەسكەرە وتىرىپ ارتىق-اۋىس قۇجاتتاردى دا سۇراماستان جەتى جىلعا ليزينگتىك تاسىلمەن بەرە سالدى.
ارينە, قۋانىشىمىزدا شەك بولمادى. ونىڭ ۇستىنە قازاگروقارجىلىقتار ءار كومبايىننان 1,5 ميلليون تەڭگەنى كەم الىپ تاعى دا قارجىلاي جەڭىلدىك جاسادى. جاڭا تەحنيكانىڭ ويداعىداي ءونىم جيناۋعا تيگىزگەن اسەرى ايتارلىقتاي. ورال وڭىرىندە قۇرعاقشىلىق ورىن العان وتكەن جىلدىڭ وزىندە قوجالىقتا ءار گەكتاردان ورتا ەسەپپەن 13 تسەنتنەردەن ءونىم جينالدى. شارۋا ادامىنىڭ ىڭعايىنا قاراي يكەمدەلۋ دەگەن وسى ەمەس پە؟
اناتولي دوتسەنكو,
زەلەنوۆ اۋدانىنداعى
شارۋا قوجالىعىنىڭ جەتەكشىسى.
باتىس قازاقستان وبلىسى.
