قر ۇكىمەتىنىڭ قاۋلىسىمەن شايىموۆا ايگۇل امانتايقىزى قازاقستان رەسپۋبليكاسى ۇلتتىق ەكونوميكا ۆيتسە-ءمينيسترى قىزمەتىنە جۇنىسبەكوۆا ءمادينا سەرىكقىزىنىڭ وقۋ دەمالىسى كەزەڭىنە تاعايىندالدى. بۇل تۋرالى قر پرەمەر-ءمينيسترىنىڭ ءباسپاسوز قىزمەتى حابارلايدى.
ايگۇل شايىموۆا 1979 جىلى تسەلينوگراد وبلىسىنىڭ مارينوۆ اۋىلىندا تۋعان. ل.گۋميلەۆ اتىنداعى ەۋرازيا ۋنيۆەرسيتەتىن, قارجى پوليتسياسى اكادەمياسىن, رف پرەزيدەنتى جانىنداعى رەسەي حالىق شارۋاشىلىعى جانە مەملەكەتتىك قىزمەت اكادەمياسىن بىتىرگەن.
ءتۇرلى جىلدارى قر قارجى پوليتسياسى اگەنتتىگىندە, ەكونوميكالىق جانە سىيبايلاس جەمقورلىق قىلمىستارى اگەنتتىگىندە, قر باس پروكۋراتۋراسىندا جۇمىس ىستەدى.
2013-2014 جىلدارى قازاقستان رەسپۋبليكاسى قاۋىپسىزدىك كەڭەسىنىڭ سيتۋاتسيالىق ورتالىعى مەڭگەرۋشىسىنىڭ ورىنباسارى قىزمەتىن اتقاردى.
2017-2016 جىلدارى قازاقستان رەسپۋبليكاسى مەملەكەتتىك قىزمەت ىستەرى جانە سىبايلاس جەمقورلىقپەن كۇرەس اگەنتتىگىنىڭ اپپارات جەتەكشىسى بولدى.
2016 جىلى قازاقستان رەسپۋبليكاسى مەملەكەتتىك قىزمەت ىستەرى ۆيتسە-ءمينيسترى قىزمەتىن اتقاردى.
2016 جىلدىڭ قىركۇيەگىنەن قازاقستان رەسپۋبليكاسى مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى توراعاسىنىڭ ورىنباسارى قىزمەتىن اتقارىپ كەلدى.
