ايماقتار • 07 شىلدە، 2019

جاستاردى جىگەرلەندىرگەن – «زەرەن-2019»

970 رەتكورسەتىلدى

اقمولا وبلىسى زەرەندى كەنتىندە اقپارات جانە قوعامدىق دامۋ مينيسترلىگىنىڭ ۇيىمداستىرۋىمەن «زەرەن-2019» رەسپۋبليكالىق تانىمدىق جاستار لاگەرى ءوتىپ جاتىر. 7 شىلدە كۇنى اقپارات جانە قوعامدىق دامۋ ءمينيسترى داۋرەن اباەۆ، اقمولا وبلىسى اكىمىنىڭ ورىنباسارى اينا ءمىسىرالىموۆا جانە «قازاقستاننىڭ ازاماتتىق اليانسى» زاڭدى تۇلعالار بىرلەستىگىنىڭ پرەزيدەنتى اسىلبەك قوجاحمەتوۆ لاگەر قاتىسۋشىلارىمەن پىكىر الماستى.

مينيستر د.اباەۆ جاستاردىڭ مەملەكەت قام­قور­لىعى مەن مۇمكىندىكتەرىن ءتيىمدى پايدالانىپ، ەل ەرتەڭىنە جاۋاپكەرشىلىكپەن قارايتىنىنا سەنىم ءبىلدىردى. «بۇل جولدا قازاق جاستارىنىڭ بىرلىگى مەن ىنتىماعى شەشۋشى ءرول اتقارادى. بىرلىكتى تۋ ەتكەندە عانا ماقساتىمىزعا جەتەمىز. ءبىلىم الۋ جولىندا جالعان ۇرانداردى قولدانباي ناقتى قادامدار جاساۋ كەرەك. جاستارعا بەرىلگەن مول مۇمكىندىكتەردى كەڭىنەن پايدالانعان جاس قانا جارقىن بولاشاقتىڭ يەسى اتانادى»، – دەدى ول.

ۆەدومستۆو باسشىسىنىڭ ايتۋىنشا، وسى الاڭ ەلىمىزدىڭ ءار وڭىرىنەن جانە جاقىن شەتەلدەن كەلگەن ەڭ دارىندى ءارى باستاماشىل جاستاردىڭ باسىن قوسىپ وتىر. «ارقايسىڭىز ءوز جوبالارىڭىزدى تا­نىس­تىرىپ، ونىڭ مۇمكىندىكتەرى مەن الەۋەتتەرى تۋرالى ايتىپ قانا قويماي، سونىمەن قاتار تاجىريبە جيناپ، ۇزدىك بيزنەس-تالىمگەرلەردەن، ساراپشىلاردان ءبىلىم الاسىزدار. لاگەردەگى قارقىندى ءبىلىم الۋ كۇندەرى ءوز جولدارىڭىزدى تابۋعا جانە وزدەرىڭىزگە دەگەن سەنىمدەرىڭىزدى ارتتىرۋعا كو­مەك­تەسەدى. «زەرەن-2019» ويلارىڭىزدان شىعىپ، جاڭا جوبالار مەن باستامالارىڭىزدى جۇزەگە اسىرۋعا مۇمكىندىك بەرەتىنىنە سەنىمدىمىن»، – دەگەن داۋرەن اباەۆ جاس كاسىپكەرلەرگە ساتتىلىك تىلەدى.

كەزدەسۋ بارىسىندا اقمولا وبلىسى اكىمىنىڭ ورىنباسارى اينا ءمىسىرالىموۆا ءسوز الىپ، قاتىسۋشىلارعا جىلى لەبىزىن ءبىلدىردى. «وسى جوبا جاستار جىلى اياسىندا جالعاسىن تاۋىپ، ەلىمىزدىڭ بارلىق وڭىرىندەگى جاستاردىڭ باسىن قوسقان تاريحي وقيعاعا اينالدى. جاستار ءۇشىن اقمولا وبلىسى كوپ جاعداي جاساپ جاتىر. 2020 جىلى وبلىسىمىزدا قازاقستان مەن رەسەي اراسىندا ىنتىماقتاستىق فورۋمى وتەدى. كوكشەتاۋ قالاسىندا كوپ سالالى جاسوسپىرىمدەر مەن بالالار سارايىن سالۋدى جوسپارلاپ وتىرمىز. ارقايسىڭىز تۋعان ەلدىڭ دامۋىنا ۇلكەن ۇلەس قوسىپ، قازاقستاننىڭ ابىرويلى ازاماتى بولۋلارىڭىزدى تىلەيمىن. العا قويعان بارلىق ماقساتقا جەتىڭىزدەر»، دەدى اكىم ورىنباسارى.

ەلىمىزدىڭ ءار ايماعىنان جينالعان لاگەر قاتىسۋشىلارى ازاماتتىق قوعامدى دامىتۋ، كاسىپكەرلىك داعدىلارى، جاسىل ەكونوميكا، كرەاتيۆتى ەكونوميكا جانە جاڭا مەديا سالالارى بويىنشا مەنتورلاردان ساباق الادى. 12 مەنتور 36 كوماندانىڭ ستارتاپ-جوبالارىن ازىرلەپ، باستاۋ الۋىنا كومەكتەسەدى. قازىر كوماندالار نارىقتى الدىن الا زەرتتەپ، ناقتى بيزنەس ۇلگىلەرىن قۇرۋدا. شىمكەنتتەن كەلگەن قاتىسۋشى يۋسۋپ بارزاحانوۆ جاستار لاگەرىنىڭ كوپتەگەن مۇمكىندىك سىيلايتىنىن ايتادى. 26 جاستاعى يۋسۋپ ەكو-پاكەتتەر دايىنداۋ بويىنشا بيزنەس-جوسپار ازىرلەگەن. «جوبا پوليەتيلەن پاكەتتەرىن پايدالانۋدى ازايتۋعا باعىتتالعان. ءاربىر وڭىردە ءىرى دۇكەندەر وسىنداي ءونىمدى پايدالانۋىن قامتاماسىز ەتۋ ءۇشىن ەكوونىمدى ەنگىزگىم كەلەدى. اتىراۋ قالاسىنىڭ گيپەرماركەتتەرىمەن كەلىستىك. ەكوسومكەلەر تابيعي تالشىقتاردان جاسالعان. ارينە ادەتتەگى پاكەتتەن قىمبات – 147 تەڭگە، بىراق ونى بىرنەشە رەت قولدانۋعا بولادى. ءبىزدىڭ سومكەمىز ورتا ەسەپپەن 10-12 كيلوعا دەيىنگى سالماقتاعى زاتتاردى كوتەرەدى. ەكوسومكە پوليەتيلەن پاكەتتەرى سياقتى زيان كەلتىرمەيدى. ءاربىر پاكەتتە بالالارعا ەكولوگيالىق ءبىلىم بەرەتىن پازلدار بولادى»، دەيدى يۋ.بارزاحانوۆ.

جاستاردىڭ بيزنەس-يدەيالارىنىڭ جۇزەگە اسۋىنا باعىت بەرىپ جۇرگەن مەنتوردىڭ ءبىرى – الماتى مەنەدج­مەنت ۋنيۆەرسيتەتىنىڭ اعا وقىتۋشىسى ءدىلمۇرات سابيروۆ. ونىڭ ايتۋىنشا، مەنتورلار مەن سپيكەرلەر نارىققا شىعارۋ جولدارىن كورسەتىپ، قانداي قۇرالدار قولدانۋ كەرەك ەكەنىن ايتىپ، كومەكتەسىپ جاتىر. «ەرەكشە جوبالار جاسىل ەكونوميكا سالاسىندا. مەنتور رەتىندە بيزنەستى قۇرۋ بارىسىندا نەدەن باستاۋ كەرەك، قانداي نارىققا شىعۋ كەرەك، قالاي ۇسىنۋ كەرەك ەكەنىن تۇسىندىرەمىز. كەيبىر قىزىق جوبالارىن ىسكە اسىرا الماي جاتقان جاستارعا تىعىرىقتان شىعۋ جولدارىن كورسەتەمىز. ال كەي جوبالاردا قاراجات ماسەلەسى تۋىنداپ وتىر. ولارعا مەملەكەت تاراپىنان قولداۋ بولادى دەپ ويلايمىن»، – دەيدى د. سابيروۆ.

ايتا كەتۋ كەرەك، «زەرەن-2019» جازعى لاگەرىنىڭ ءۇش اۋى­سىمىندا 18-29 جاس ارالىعىنداعى 600 قاتى­­سۋشى ءبىلىم الادى. رەسەي، قىتاي جانە موڭعو­ليا­دان 50-دەن اسا ساراپشى كەلگەن. ءۇش اۋىسىم­نىڭ قورىتىندىسى بويىنشا ۇزدىك 30 جوبا قار­جى­لان­دىرىلادى. جالپى، جۇلدە قورى – 15 ميلليون تەڭگە. جەڭىمپازداردىڭ ەسىمى 30 شىلدەدە بەلگىلى بولادى.

سوڭعى جاڭالىقتار

ىستىق تاماق تاراتتى

قازاقستان • بۇگىن، 17:59

جاقسى اكىم جالعىز جۇرەدى

تانىم • بۇگىن، 17:02

بەتپەردە كيگەن كوكتەم

تانىم • بۇگىن، 16:55

ۇقساس جاڭالىقتار