رۋحانيات • 09 شىلدە، 2019

مۋزىكا يندۋسترياسىنداعى جاڭا بەلەس

195 رەت كورسەتىلدى

بۇگىندە زاماناۋي مۋزىكا نارىعى ەڭ ىقپالدى ءارى تابىستى سالالاردىڭ بىرىنە اينالدى. ەۋرازيا قۇرلىعىنىڭ مۋزىكا نارىعىنىڭ ەكسپورتى مەن world music جانرىنداعى ىسكەرلىك بەلسەندىلىكتى دامىتۋ ماقساتىندا مۋزىكانتتار، پروديۋسەرلەر مەن حالىقارالىق مۋزىكا فەستيۆالدارىنىڭ ديرەكتورلارى ەلوردا تورىندە باس قوستى.

نۇر-سۇلتان قالاسى اكىمدىگىنىڭ قولداۋىمەن وتكەن Eurasia Music Hub كونفەرەنتسياسىنىڭ باس مەنەدجەرى – راۋشان جۇمانيا­زوۆا. ونىڭ ايتۋىنشا، باستى ماقسات – ەۋروپا مەن ازيانىڭ ءتۇرلى ەلدەرىنەن كەلگەن الەمدىك مۋزىكا فەستيۆالدارىنىڭ جە­تەك­شى ديرەكتورلارى اراسىندا ءبىلىم مەن پراكتيكالىق داع­دىلاردى الماسۋ ءۇشىن كاسىبي پلاتفور­ما قۇرۋ. وڭتۇستىك كورەيا، ماروك­كو، گەرمانيا، سلوۆەنيا، ەستو­نيا، پولشا مەن فرانتسيا، قىر­عىزستان، وزبەكستاننان كەلگەن مۋزىكا يندۋسترياسىنىڭ دەلەگاتتارى مەن سپيكەرلەرى مۋزىكا نارىعىنىڭ الەۋەتى مەن كەلەشەك دامۋىن جەكە تاجىريبەلەرىمەن بايلانىستىرا وتىرىپ، ءوزارا پىكىر الماستى. 

Seoul Music Week شوۋ­كەيس فەستيۆالىنىڭ ديرەكتورى جانە Ulsan Jazz Festival شارا­سىنىڭ نەگىزىن قالاۋشى، ديرەك­تورى يۋنگ حۋن لي مۋزىكا ين­دۋسترياسىنداعى تەندەنتسيا­لار مەن يننوۆاتسيالاردى دا­مى­تۋعا ارنالعان كوپتەگەن حا­­لىق­ارالىق تاجىريبەلەردى مىسالعا كەلتىردى. حالىقارالىق فەستيۆالداردى ۇيىمداستىرۋدا تابىستى ەڭبەك ەتىپ جۇرگەن مامان پلەنارلىق سەسسيادا «GloMMnet جانە حالىقارالىق شوۋكەيس فەس­تيۆالداردى ۇيىمداستىرۋ» تاقىرىبىندا وي ءبولىستى. 

قازىر Seoul Music Week شوۋ­كەيس فەستيۆالى كورەياداعى ەڭ ءىرى ارت-الاڭ بولىپ سانالادى. بيىلعى شوۋعا ءوز ەلىمىزدىڭ ءارتىس­تەرى مەن شەت مەملەكەتتەردەن كەلگەن 23 ونەر جۇلدىزى، 30-عا جۋىق دەلەگات قاتىستى. شوۋكەيس وتكىزۋدە ءوزارا تاجىريبە الماسۋ، جاڭا كەلىسىم قۇرۋ وتە ماڭىزدى، – دەيدى يۋنگ حۋن لي. 

ال ماروككو مادەنيەت ءجا­نە كوممۋنيكاتسيالار مينيس­ترلىگىنىڭ حالىقارالىق سەرىك­تەس­تىك ءبولىمىنىڭ جەتەكشىسى فا­­تيما ايت محاند ماروككو مادە­نيەتىن ايشىقتايتىن Mawazine فەستيۆالىنىڭ تابىس­تى جەتىستىكتەرى تۋرالى ايتا كە­­لىپ، قازاقستاندىق تاراپتى را­بات­تاعى ءداستۇرلى مەرەكەلىك شوۋ­عا اتسالىسۋعا شاقىردى. 

جيىنعا قاتىسۋشى ليۋبليانا قالاسىنداعى كانكاەۆ دوم مادەني ورتالىعىنىڭ ديرەكتورى بوگدان بەنگيار (سلوۆەنيا)، Music Estonia حالىقارالىق جوبالارىنىڭ جەتەكشىسى مار­تينا پۋتنيك (ەستونيا)، Urkult Festival ديرەكتورى كەن دەي (شۆە­تسيا) سىندى پروديۋسەرلەر حالىقارالىق نارىققا كىرۋ جانە قارجىلاندىرۋدى جەڭىلدەتۋ، مادەنيەت ەكوجۇيەسىندە جەرگىلىكتى جانە ايماقتىق نارىقتا قولايلى جاعدايلار جاساۋ، مادەني جوبالاردى حالىقارالىق كونتسەرت الاڭدارىندا تانىمال ەتۋ تۋراسىندا كەڭەيتىلگەن باياندامالار جاسادى. بۇدان بولەك 17 جىلدىق تاجىريبەسى بار مۋزىكا اگەنتى يۋليانا ۆولوج ناقتى نۇسقاۋلىقتاردان قۇرىلعان «الەمدىك مۋزىكا الەمى جانە ونى باعىندىرۋ جولدارى» اتتى ءدارىس وقىدى. 

سونداي-اق ايماقتاردان كەلگەن مۋزىكالىق ۇجىم 25 مي­نۋتتىق ارنايى باعدارلاما اياسىندا ورتالىق ازيا ءۇشىن جاڭا فورمات شوۋكەيستەر سەرياسىن كورەرمەن نازارىنا ۇسىنىپ، ەتنوستىق مۋزىكا جانرىنىڭ جاڭا بۋىندارى روك ەكسپرەسسياسىن دجاز بەن جەڭىل پوپ-مۋزىكامەن تاماشا ۇيلەستىرە ءبىلدى. ەكونوميكالىق جانە ستراتەگيالىق مۇددەلەردى توعىستىراتىن حالىقارالىق زاماناۋي پلاتفورما مۋزىكا يندۋسترياسىنا جاڭا قارقىن، ورتاق جوبالار سىيلارى انىق.

سوڭعى جاڭالىقتار

دوللار ارزاندادى

ەكونوميكا • بۇگىن، 16:52

قوسشىدا جاڭا مەكتەپ اشىلادى

ءبىلىم • بۇگىن، 16:25

ۇقساس جاڭالىقتار