قر پرەمەر-ءمينيسترى اسقار ءماميننىڭ توراعالىعىمەن وتكەن ۇكىمەت وتىرىسىندا قر تۇڭعىش پرەزيدەنتى - ەلباسى نرسۇلتان نازارباەۆتىڭ قازاقستان حالقىنا ارناعان جولداۋىندا قويىلعان حالىق تۇتىناتىن تاۋارلاردىڭ وتاندىق ءوندىرىسىن ارتتىرۋ بويىنشا مىندەتتەرىن ورىنداۋ جانە مەملەكەت باسشىسى قاسىم-جومارت توقاەۆتىڭ ەل وڭىرلەرىندە جۇمىس ساپارلارى كەزىندە ەكونوميكانى ءارتاراپتاندىرۋ بويىنشا بەرلىگەن تاپسىرمالارىن ىسكە اسىرۋ اياسىندا «قاراپايىم زاتتار ەكونوميكاسىن» دامىتۋ ماسەلەلەرى قارالدى.
جەڭىلدىكپەن نەسيەلەندىرۋدى جۇزەگە اسىرۋ باعدارلاماسىن ىسكە اسىرۋ بويىنشا جوبالىق كەڭسە جۇمىسى, «قاراپايىم زاتتار ەكونوميكاسى» تاۋارلارىن ساتىپ الۋدا جەرگىلىكتى قامتۋ ۇلەسىن ارتتىرۋ بويىنشا شارالار تۋرالى قر پرەمەر-ءمينيسترىنىڭ ورىنباسارى ج. قاسىمبەك, «اتامەكەن» قر ۇكپ توراعاسى ا. مىرزاحمەتوۆ باياندادى. نۇر-سۇلتان قالاسىنىڭ اكىمى ا. كولگىنوۆ پەن اتىراۋ وبلىسىنىڭ اكىمى ن. نوعاەۆ تىڭدالدى.
«قاراپايىم زاتتار ەكونوميكاسىن» دامىتۋ ارقىلى جاڭا جۇمىس ورىندارىن قۇرىپ, شاعىن جانە ورتا بيزنەستى دامىتۋ, حالىقتى جۇمىسپەن قامتاماسىز ەتۋ ماسەلەلەرىن شەشەمىز, - دەدى اسقار مامين. - مۇنىڭ ءبارى جالپى مەملەكەتىمىزدىڭ ەكونوميكاسىنا وڭ اسەرىن تيگىزەدى».
جوبالىق كەڭسە جۇمىسىندا «قاراپايىم زاتتار ەكونوميكاسىنىڭ» 1 ترلن تەڭگەدەن استام سوماعا 1500-دەن استام جوباسى بار.
«قاراپايىم زاتتار ەكونوميكاسى» جوبالارى بويىنشا بيزنەستىڭ جوعارى بەلسەندىلىگى اقمولا, ماڭعىستاۋ, پاۆلودار, قىزىلوردا وبلىستارىندا بايقالىپ وتىر. ءوز كەزەگىندە, اتىراۋ, قوستاناي, باتىس قازاقستان وبلىستارى, نۇر-سۇلتان قالاسىنىڭ اكىمدەرىنە حالىق تۇتىناتىن تاۋارلار ءوندىرىسىن ۇلعايتۋ بويىنشا جۇمىستاردى كۇشەيتۋ, ونىڭ ىشىندە شىعارىلاتىن ءونىم كولەمى مەن قۇنىنا باسا نازار اۋدارۋ تاپسىرىلدى.
قر ۇكىمەتىنىڭ باسشىسى بيزنەس-قوعامداستىق پەن مەملەكەتتىك ورگانداردىڭ ۇسىنىستارىن ەسكەرە وتىرىپ, «قاراپايىم زاتتار ەكونوميكاسى» جوبالارىن دامىتۋ ءۇشىن جەڭىلدىكتى قارجىلاندىرۋ شارتتارى وزگەرتىلگەنىن ايتتى. اتاپ ايتقاندا, پايىزدىق مولشەرلەمەسى 6%-عا دەيىن تومەندەتىلدى, قارىزدى تولەۋدىڭ جەڭىلدىكتى كەزەڭى ەنگىزىلدى, شىعارىلاتىن ءونىمنىڭ 45 جاڭا ءتۇرى قوسىلدى. قابىلدانعان شارالار ءبىرشاما كومپانيالارعا جەڭىلدىكتى قارجىلاندىرۋ مۇمكىندىگىن بەرەدى.
وسى جۇمىستاردى ودان ءارى بەلسەندىرۋ ماقساتىندا قر پرەمەر-ءمينيسترى اسقار مامين اۋىل شارۋاشىلىعى ونەركاسىبى كەشەنىنىڭ جوبالارىنىڭ اينالىم قاراجاتىن تولىقتىرۋ ءۇشىن سۋبسيديالاردى ۇلعايتۋعا قاراجات ءبولۋ ماسەلەسىن قاراستىرۋدى تاپسىردى.
بۇدان باسقا, ورتالىق جانە جەرگىلىكتى اتقارۋشى ورگاندار, باسقارۋشى حولدينگتەرگە «قاراپايىم زاتتار ەكونوميكاسىنىڭ» ساتىپ الىناتىن وتاندىق تاۋارلارى مەن قىزمەتتەرىندە جەرگىلىكتى قامتۋ ۇلەسىن ۇلعايتۋ بويىنشا كرI-عا قول جەتكىزۋدى قامتاماسىز ەتۋ تاپسىرىلدى.
«قاراپايىم زاتتار ەكونوميكاسىن» دامىتۋ باعدارلاماسى كاسىپكەرلىكتى دامىتۋدىڭ جانە جۇمىسپەن قامتاماسىز ەتۋدىڭ ماڭىزدى قۇرالى, - دەپ اتاپ ءوتتى اسقار مامين. - جوبالاردىڭ ءبارى وڭىرلەردە ىسكە اسىرىلادى. اكىمدەر باعدارلامانى ىسكە اسىرۋعا بەلسەنە اتسالىسىپ, جاڭا جوبالاردى ۇسىنۋى, ءتيىستى ءتۇسىندىرۋ جۇمىستارىن جۇرگىزۋى كەرەك».
