"قۇرمەتتى ءبىلىم سالاسىنا بەيجاي قارامايتىن ازاماتتار. سوڭعى كۇندەرى الەۋمەتتىك جەلىدە ءبىلىم سالاسىنا قاتىستى بىرنەشە FAKE NEWS (جالعان اقپارات) تارالىپ جاتىر. ءتىپتى قيسىنعا كەلمەيدى. كەيبىر ازاماتتاردىڭ پىكىرىنشە, قر ءبىلىم جانە عىلىم مينيسترلىگى وقۋ اقىسىن 20%-عا كوتەرىڭدەر دەگەن تاپسىرما بەرىپتى. اشىعىن ايتايىن, بۇل ويدان شىعارىلعان وتىرىك اقپارات. مينيسترلىكتىڭ ونداي جوسپارى جوق. نەگىزسىز جانە فاكتىسىز اقپاراتتاردان اباي بولۋلارىڭىزدى سۇرايمىن. بىراق, ءبىر ماسەلەنى تۇسىنۋىمىز كەرەك. مەملەكەتىمىزدە 131 جوو بار, سونىڭ كوبى جەكەمەنشىك, ولار نارىقتىڭ ىڭعايىنا قاراي جۇمىس ىستەيدى. مينيسترلىك نارىق زاڭدىلىعىنا ارالاسا المايدى. بىراق, اقىلى وقۋدان بولەك گرانتتار دا بار ەكەنىن ايتقىم كەلەدى. گرانتتاردىڭ سانى وتكەن جىلى 20 مىڭعا كوبەيسە, بيىل تاعى پرەزيدەنتتىڭ تاپسىرماسىنا ساي 5 مىڭعا كوبەيدى", دەلىنگەن اقپاراتتا.
سونىمەن قاتار ول قازاقستانداعى جوو-نىڭ ورتاشا قۇنى 350-420 مىڭ تەڭگەنى قۇرايدى دەپ جازدى ول.
ء"بىراز جوو-دارىندا وسى جىلعى وقۋ اقىسى, كەرىسىنشە, ارزاندادى. مىسالى, قارمۋ-دا وقۋ قۇنى 7000 تەڭگەگە ازايسا, الماتى مەنەدجمەنت ۋنيۆەرسيتەتى وقۋ اقىسىن 7%-كە تومەندەتۋگە نيەتتى. تەك كەيبىر جوو-دارى وقۋ اقىسىن شامامەن 4-8%-عا ارتتىردى. (وقۋ اقىسىن ارتتىرعان جوو-دارى: جمۋ - 4%, ابىلاي حان اتىنداعى قازحقجاتۋ - 8-10%, كاسپي قوعامدىق ۋنيۆەرسيتەتى - 10%, اباي اتىنداعى قازۇپۋ - 1-2%, حقتۋ - 8%, قاراعاندى مەديتسينالىق ۋنيۆەرسيتەتى - 3%, قازۇقپۋ - 7%). ول ستۋدەنت پەن ۋنيۆەرسيتەت اراسىنداعى كەلىسىمنىڭ نورمالارىنا سايكەس. كوپتەگەن جوو-دارى وقۋ اقىسىن وزگەرىسسىز قالدىردى. مىسالى, ساتباەۆ ۋنيۆەرسيتەتى, پمۋ, ق.جۇبانوۆ اتىنداعى ءاومۋ, ءو.ا. بايقوڭىروۆ اتىنداعى جەزقازعان ۋنيۆەرسيتەتى, ەتۋ, شاكارىم اتىنداعى سمۋ, الماتى ەنەرگەتيكا جانە بايلانىس ۋنيۆەرسيتەتى, تۇران-استانا, ش.ءۋاليحانوۆ اتىنداعى كمۋ, قاراعاندى ەكونوميكالىق ۋنيۆەرسيتەتى, اۋەزوۆ اتىنداعى وقمۋ, قورقىت اتا اتىنداعى قمۋ, ح.دوسمۇحامەدوۆ اتىنداعى امۋ, ق.امانجولوۆ اتىنداعى شقمۋ, حالىقارالىق اقپاراتتىق تەحنولوگيالار ۋنيۆەرسيتەتى – IITU, سەمەي قالالىق مەديتسينا ۋنيۆەرسيتەتى, قازۇاۋ جانە ت.ب.", دەلىنگەن اقپاراتتا.
