- بقو قازاقستان حالقى اسسامبلەياسى, وبلىستىق دەنساۋلىق ساقتاۋ باسقارماسى جانە بقو اكىمى اپپاراتىنىڭ «قوعامدىق كەلىسىم» مەكەمەسى وتكىزگەن بۇل شارانىڭ ماقساتى – قازاقتىڭ ۇلتتىق اسپابى – دومبىرانى دارىپتەۋ ارقىلى ۇلتتىق مادەنيەتتى ساقتاۋ جانە وركەندەتۋ يدەياسىنىڭ اينالاسىنا قوعامدى ودان ءارى بىرىكتىرۋ, حالىقتىڭ داستۇرىنە جانە ۇلتتىق دومبىراعا قۇرمەتتى كوتەرمەلەۋ, - دەيدى بقو قحا توراعاسىنىڭ ورىنباسارى, حاتشىلىق مەڭگەرۋشىسى عايسا قاپاقوۆ.
اتالعان شاراعا وڭىردەگى ەتنومادەني بىرلەستىك توراعالارى مەن وكىلدەرى دە قاتىستى. اسسامبلەيا مۇشەلەرى جارىق دۇنيەگە پەرزەنت اكەلىپ, ادامزاتتىڭ ۇلى ميسسياسىن اتقارعان اسىل انالار الدىندا دومبىرامەن əۋەلەتىپ ءان سالىپ, شاعىن كونتسەرت قويىپ بەردى. انالار الدىندا ءسوز العان عايسا قاپاقوۆ بۇگىنگى مەرەكەنىڭ ماڭىزىن ءتۇسىندىرىپ, كيەلى ونەر ۇرپاققا ميراس بولىپ قالاتىنىن ايتتى. 17 انانىڭ قۇشاعى گۇلمەن كومكەرىلىپ, پەرزەنتتەرىنىڭ قۇلاعىنا قاسيەتتى دومبىرا ءۇنى سىڭەتىن بولدى.
جالپى, اق جايىق وڭىرىندە دومبىرا كۇنى جاقسى ۇلىقتالادى. بىلتىر ورال قالاسىندا ءبىر مەزەتتە 1700 دومبىراشى قاتىسقان الامان شوۋ وتكىزىلىپ, رەكورد جاسالعان بولاتىن. ول ناتيجە قازاقستان رەكوردتار كىتابىنا تىركەلدى. بيىل دا باتىسقازاقستاندىقتار ءوڭىردىڭ ءار جەرىندە ۇلتتىق اسپاپتىڭ مەرەيىن كوتەرەر شارالار وتكىزۋدە. ماسەلەن, بايتەرەك اۋدانىنىڭ ورتالىعى پەرەمەتنىي اۋىلىندا «دومبىرا – داستان» سالتاناتتى شاراسىنا 150 دومبىراشى قاتىسىپ, كۇي اۋەلەتكەن.
سۋرەتتى تۇسىرگەن رافحات حالەلوۆ
باتىس قازاقستان
