ەرلان ومار
"قۇرمەتتى وتانداستار! قۇرمەتتى قاۋىم! ەڭ الدىمەن بارشاڭىزدى ۇلكەن, بىرەگەي مەرەكەمەن, ۇلتتىق دومبىرا كۇنىمەن شىن جۇرەكتەن قۇتتىقتايمىن. بۇل مەيرامدى ۇلتتىق رۋحانياتقا دەگەن زور قۇرمەت, بارشامىزعا ورتاق قۇندىلىقتى ۇلىقتاۋ دەپ ءتۇسىنۋىمىز كەرەك. تاريحتا حالقىمىزدىڭ ءوز سالتى مەن داستۇرىنەن الشاقتاپ, اجىراپ قالعان ساتتەرى بولعانى جاسىرىن ەمەس. الايدا ەلباسىمىز نۇرسۇلتان ءابىش ۇلى نازارباەۆتىڭ كورەگەن باستاماسىنىڭ ارقاسىندا بۇگىندە حالقىمىزدىڭ ءداستۇرلى ونەرگە دەگەن شىنايى ىقىلاسى ارتىپ كەلەدى", دەدى قازاقستان پرەزيدەنتى.
مەملەكەت باسشىسى ۇلتتىق دومبىرا كۇنى سونىڭ ايعاعى ەكەنىن ايتتى.
"بۇكىل حالقىمىز وسى شۋاقتى مەرەكەنى ايرىقشا قۋانىشپەن تويلايدى. سەبەبى قازاق پەن دومبىرا ەگىز ۇعىم. اقىن قادىر اعامىز قاسيەتتى دومبىرامىزدى "ناعىز قازاق" دەپ جىرلاعان. كۇمبىرلەگەن دومبىرانىڭ ءۇنى باتىرلارىمىزعا رۋح, اقىندارىمىزعا شابىت بەرگەن. دومبىرا ءاربىر قازاقتىڭ رۋحىن كوككە كوتەرەتىن قۇندى قازىنامىز بولا بەرۋى ءتيىس", دەدى قاسىم-جومارت توقاەۆ.
