دوستىق ءۇيىنىڭ ۇجىمى اتىنان «قازاق ءتىلى» حالىقارالىق قوعامىنىڭ سولتۇستىك-شىعىس ءوڭىرى بويىنشا ۆيتسە-پرەزيدەنتى ورال شارىپباەۆ ءسوز الىپ, اعالىق تىلەگىن, قازاقى ىقىلاسىن دا بىلدىرە كەلە, ءوز قولىمەن قازاقتىڭ قاسيەتتى دومبىراسىن ۇسىندى. ورال شارىپباەۆتىڭ قولىنان دومبىرا العانىنا قۋانعان جاس انا ريزاشىلىعىن ءبىلدىردى.
- ءبىز بۇنداي شارالاردى ءجيى ۇيىمداستىرامىز,-دەدى مەكەمە ديرەكتورىنىڭ ورىنباسارى انارگۇل داننانوۆا,-ناۋرىزعا, بالالاردى قورعاۋ كۇنىنە, 8 ناۋرىز, پرەزيدەنت كۇنىنە ورايلاستىرا قۇتتىقتاپ جاتامىز. بۇگىن دومبىرا كۇنىنە وراي د ارنايى اكتسيا ۇيىمداستىردىق. انالارعا سىي-سىياپاتتار كورسەتتىك. الميرانىڭ ۇلى تاڭعى 05.40-تا دۇنيەگە كەلەدى. وعان بالانىڭ توسەگىن سىيعا تارتتىق. ۇلىنىڭ دەنساۋلىعى قۇدايعا شۇكىر جاقسى.
بۇل الميرا راحمەتجانوۆانىڭ ءتورتىنشى بالاسى ەكەن. ول بولاشاقتا ۇلىنىڭ زاڭ سالاسىندا قىزمەت ەتكەنىن, سۋديا بولۋىن قالايدى. سوندىقتان وعان زاڭعار دەپ ات قويىپتى. پەريناتالدى ورتالىق قىزمەتكەرلەرى مەن دوستىق ءۇيىنىڭ وكىلدەرى زاڭعاردىڭ امان-ەسەن ۇلكەن ازامات بولىپ ءوسۋىن, ۇلتتىق سالت-ءداستۇردى قۇرمەتتەۋىن تىلەدى.
راۋشان نۇعمانبەكوۆا
«ەgemen Qazaqstan»
سەمەي
