كەزدەسۋ بارىسىندا تاراپتار قازاقستان مەن ەو ىنتىماقتاستىعىنىڭ وزەكتى ماسەلەلەرىن, سونىڭ ىشىندە ەۋروپالىق كەڭەستىڭ پرەزيدەنتى دونالد تۋسكتىڭ 2019 جىلعى مامىر ايىنداعى نۇر-سۇلتانعا ساپارى شەڭبەرىندە قول جەتكىزىلگەن ەكىجاقتى ۋاعدالاستىقتاردىڭ جۇزەگە اسىرىلۋىن تالقىلادى.
تاراپتار قر-ەو كەڭەيتىلگەن سەرىكتەستىك جانە ىنتىماقتاستىق تۋرالى كەلىسىمدى جانە ەو-نىڭ ورتالىق ازيا بويىنشا جاڭا ستراتەگياسىن, ونىڭ ىشىندە بىرلەسكەن دامۋ باعدارلامالارىن ازىرلەۋدى ۋاقىتىلى ىسكە اسىرۋدىڭ ماڭىزدىلىعىن اتاپ ءوتتى.
«جاڭا ستراتەگيا ءبىزدىڭ ءوزارا ءىس-قيمىلىمىزعا قۋاتتى سەرپىن بەرەدى, سونىمەن قاتار ءاربىر ەلدىڭ جانە جالپى ءوڭىردىڭ يگىلىگى ءۇشىن ناقتى پراكتيكالىق ناتيجەلەرگە قول جەتكىزۋگە باعىتتالعان تىعىز جانە ۇيلەستىرىلگەن ىنتىماقتاستىقتىڭ باستاۋى بولادى دەپ ەسەپتەيمىز», - دەدى ب.اتامقۇلوۆ.
«قازاقستان 2015 جىلى كەڭەيتىلگەن سەرىكتەستىك پەن ىنتىماقتاستىق تۋرالى كەلىسىمگە ورتالىق ازيا ايماعىنداعى قول قويعان العاشقى ەل بولدى. كەلىسىمنىڭ ءتيىمدى يمپلەمەنتاتسياسى ءوزارا مۇددەلەردىڭ بارلىق سپەكترى بويىنشا قارىم-قاتىناستارعا ساپالى سەرپىن بەرەدى» دەپ اتالىپ ءوتىلدى.
ساۋدا-ەكونوميكالىق ىنتىماقتاستىقتى دامىتۋ پەرسپەكتيۆالارى بويىنشا قر پرەمەر-ءمينيسترىنىڭ ەو مۇشە-ەلدەرى ەلشىلەرىمەن ەكونوميكالىق جانە ىسكەرلىك ماسەلەلەر جونىندەگى كەزدەسۋلەردىڭ جاڭا فورماتىنا ۇلكەن ءمان بەرىلۋدە. ءبىرىنشى كەزدەسۋ ۇستىمىزدەگى جىلعى 1 شىلدەدە وتكەن بولاتىن.
سىرتقى ساياسات ۆەدومستۆوسىنىڭ باسشىسى ف.موگەرينيگە قازاقستان مەن ەو اراسىنداعى دوستىق قارىم-قاتىناستاردى دامىتۋعا قوسقان جەكە ۇلەسى ءۇشىن العىس ايتىپ, قر پرەزيدەنتى قاسىم-جومارت توقاەۆتىڭ تاپسىرماسى بويىنشا جوعارى لاۋازىمدى ەۋروپالىق ساياساتكەرگە I دارەجەلى «دوستىق» وردەنىن تابىس ەتتى. ف.موگەريني ەو-نىڭ قازاقستان مەن ورتالىق ازيامەن ىنتىماقتاستىق جونىندەگى ستراتەگيالىق قۇجاتتارىن ازىرلەۋگە قوماقتى ۇلەس قوستى.
ءوز كەزەگىندە, جوعارعى وكىل مەملەكەت باسشىلىعى مەن قازاقستان حالقىنا ونىڭ قىزمەتىنە جوعارى باعا بەرگەنى ءۇشىن شىنايى العىسىن ءبىلدىرىپ, الداعى ۋاقىتتا دا ەو مەن قر اراسىنداعى ءوزارا ءتيىمدى ىنتىماقتاستىقتى نىعايتۋ بويىنشا قىزمەت اتقاراتىنىنا سەندىردى.
انىقتاما:«دوستىق» وردەنى حالىقتار اراسىنداعى بەيبىتشىلىكتى, دوستىق پەن ىنتىماقتاستىقتى نىعايتۋعا قوسقان ۇلەسى ءۇشىن شەتەل ازاماتتارىنا بەرىلەتىن قازاقستان رەسپۋبليكاسىنىڭ جوعارى مەملەكەتتىك ماراپاتى بولىپ تابىلادى. 2019 جىلعى 2 شىلدەدە ف.موگەرينيدى ماراپاتتاۋ تۋرالى قر پرەزيدەنتىنىڭ №48 جارلىعىنا قول قويىلدى.
