جەتىمدەردىڭ اۋزىنان جىرىپ جەگەن بالالار ءۇيىنىڭ 9 قىزمەتكەرى جازاعا تارتىلدى
سەيسەنبى, 28 مامىر 2013 2:59
بۇل – بالالار ۇيىندەگى ورەسكەلدىك. اشىپ ايتقاندا, ساندىقتاۋ بالالار ءۇيىنىڭ اكىمشىلىگى مەن پەداگوگتارى «قازاقستان رەسپۋبليكاسىنداعى بالالار قۇقىعى تۋرالى» زاڭدى قاپەرگە المايتىندىعى انىقتالىپ وتىر. ماسەلەن, قر دەنساۋلىق ساقتاۋ مينيسترلىگىنىڭ 2009 جىلعى №685 بۇيرىعىنا سايكەس, تاربيەلەنۋشىلەر جىلىنا ەكى رەت سكرينينگتىك تەكسەرۋدەن ءوتۋى ءتيىس بولسا, بىلتىر 91 بالانىڭ 31-ءى عانا پروفيلاكتيكالىق بايقاۋعا تارتىلعان.
سەيسەنبى, 28 مامىر 2013 2:59
بۇل – بالالار ۇيىندەگى ورەسكەلدىك. اشىپ ايتقاندا, ساندىقتاۋ بالالار ءۇيىنىڭ اكىمشىلىگى مەن پەداگوگتارى «قازاقستان رەسپۋبليكاسىنداعى بالالار قۇقىعى تۋرالى» زاڭدى قاپەرگە المايتىندىعى انىقتالىپ وتىر. ماسەلەن, قر دەنساۋلىق ساقتاۋ مينيسترلىگىنىڭ 2009 جىلعى №685 بۇيرىعىنا سايكەس, تاربيەلەنۋشىلەر جىلىنا ەكى رەت سكرينينگتىك تەكسەرۋدەن ءوتۋى ءتيىس بولسا, بىلتىر 91 بالانىڭ 31-ءى عانا پروفيلاكتيكالىق بايقاۋعا تارتىلعان.
رەسپۋبليكامىزدىڭ «ءبىلىم تۋرالى», «نەكە جانە وتباسى تۋرالى» زاڭدارى دا بۇل مەكەمەنى اينالىپ وتكەندەي ەكەن. پروكۋرورلىق تەكسەرىس بارىسىندا وسىنداعى ۇستازداردىڭ 30 پايىزى ليتسەنزيالىق تالاپتارعا سايكەس بولماي شىقتى. ونىڭ ۇستىنە, 2012 جىلدىڭ قاراشاسىنان بەرى پسيحولوگ پەن ادىسكەردىڭ ورنى بوس تۇر. مۇنداي جاعدايدا ءبىلىم بەرۋ مەن تاربيە ءىسىنىڭ ساپاسى جايلى كوڭىل كونشىتەرلىك اڭگىمە بولماسى حاق.
تاعدىردىڭ تالكەگىنە ءتۇسىپ, ونسىز دا جۇرەگى جارالانعان بالالاردىڭ كوڭىلىنە قاياۋ تۇسىرەتىن مىناداي جاعدايلارعا نە دەر ەدىڭىز؟ زاڭ تالاپتارى بويىنشا بالالار ءۇيىنىڭ اكىمشىلىگى ءسابيلەرىنەن باس تارتقان اتا-انالاردى قۇقىعىنان ايىرۋ جونىندە ءتيىستى ورگاندارعا ۇسىنىس جاساۋى قاجەت. بۇل ورايدا دا نەمقۇرايدىلىق ەتەك العان. مىسالى, 1997 جىلى تۋعان ف.-ءنىڭ اناسى سابيىنەن باس تارتاتىندىعى جونىندە 2003 جىلعى 8 مامىردا جازعان ارىزى ءالى كۇنگە قوزعاۋسىز جاتىر. ال, م.-نىڭ اناسى انالىق قۇقىعىنان 2005 جىلى ايىرىلسا دا, ونىڭ كامەلەتتىك جاسقا تولماعان ستاتۋسى جەتى جىل بويى بەلگىلەنبەگەن. ونىڭ اناسى بىلتىر قايتىس بولعانىمەن, اكەسى تۋرالى ەشقانداي قۇجات جوق. سونداي-اق, جاقسى اۋدانىنداعى العاباس اۋىلىنىڭ تۇرعىنى 2012 جىلعى 11 قازاندا س.-نى اسىراپ العانىمەن, ەكى ايدان كەيىن كوزىن جاۋدىرەتىپ قايتا اكەلىپ تاستاپتى. بۇل تاربيەلەنۋشىنى وزگەنىڭ قامقورلىعىنا بەرمەستەن الدىن الا ءتيىستى كەشەندى زەرتتەۋ جۇمىستارى جۇرگىزىلمەگەندىگىن ايگىلەيدى.
وبلىس پروكۋراتۋراسى وسىنداعى 84 بالانىڭ بىرەۋى عانا اليمەنت الاتىندىعىن دابىل ەتىپ كوتەردى. بۇعان قوسا ن. دەگەن الەۋمەتتىك پەداگوگ كامەلەتتىك جاسقا تولماعان ك.-ءنىڭ ەسەپشوتىنداعى 11700 تەڭگەنى جەكە باسىنا پايدالانعانى انىقتالدى.
پروكۋرور پارمەنىمەن وبلىستىق ءبىلىم باسقارماسى ساندىقتاۋ بالالار ءۇيىنىڭ ديرەكتورى م.مولداحمەتوۆ پەن 8 لاۋازىمدى تۇلعانى اكىمشىلىك جاۋاپكەرشىلىككە تارتتى.
باقبەرگەن امالبەك,
«ەگەمەن قازاقستان».
اقمولا وبلىسى.
