«QAZAQ promotions» پروموۋتەرلىك كومپانياسى ۇيىمداستىرىپ جاتقان بوكس كەشىندە قانات يسلام ورتا سالماقتاعى «WBO Inter-Continental» بەلبەۋى ءۇشىن حۋليو دە حەسۋسپەن جۇدىرىقتاسادى.
قاناتتىڭ قارسىلاسى 27 كەزدەسۋدىڭ 26-ىندا جەڭىسكە جەتكەن. 24 مارتە قارسىلاستارىن نوكاۋتپەن ۇتقان.
الماتى قالاسىنداعى بالۋان شولاق سپورت سارايىندا وتەتىن بوكس كەشىندە قازاقستاندىق ماديار اشكەەۆ NBA نۇسقاسىنداعى چەمپيوندىق اتاق ءۇشىن ەستونيالىق پاۆەل سەمەنوۆيچپەن ايقاسقا تۇسەدى. سونداي-اق, رۋسلان مىرزاتاەۆ تاجىريبەلى بريتاندىق سپورتشى دەنني ۋيليامسپەن كۇش سىناسادى. تاعى ءبىر جەرلەسىمىز ابىلايحان قۇسايىنوۆ WBA ساناتىنداعى NBA بەلبەۋى ءۇشىن جەكپە-جەك وتكىزەدى.
بوكس كەشىن «QAZSPORT» ارناسى نۇر-سۇلتان قالاسى بويىنشا 17:25-تەن باستاپ تىكەلەي ەفيردە ۇسىنادى. «QAZAQSTAN» ارناسى 21:30-دا نەگىزگى جەكپە-جەك - قانات يسلام مەن حۋليو دە حەسۋس كەزدەسۋى باستالعان ساتتەن تىكەلەي قوسىلىمعا شىعادى.
