كەزدەسۋ بارىسىندا قاسىم-جومارت توقاەۆ قازاقستاننىڭ حالىقارالىق كومپانيامەن جەمىستى ىنتىماقتاستىعىن اتاپ ءوتتى.
– قاشاعان بويىنشا جانە باسقا دا ەنەرگەتيكالىق جوبالار بويىنشا تابىستى ىنتىماقتاستىق ورناتتىق. جالپى, ءبارى جاقسى ءجۇرىپ جاتىر دەپ ويلايمىن, – دەدى قازاقستان پرەزيدەنتى.
ارنو برەياك مەملەكەت باسشىسىنا كەزدەسكەنى ءۇشىن العىس ايتىپ, «توتال» مەن قازاقستان اراسىنداعى, سونىڭ ىشىندە قاشاعان كەن ورنىن يگەرۋ كونسورتسيۋمى اياسىنداعى جەمىستى ىنتىماقتاستىقتىڭ جالعاسا بەرەتىنىنە سەنىم ءبىلدىردى.
– مەن اتالعان جوبا بويىنشا كوپ جىلدان بەرى جۇمىس ىستەپ كەلەمىن. ءبىز قازىر قاشاعانداعى ءوندىرۋ دەڭگەيىنىڭ جوعارى ەكەنىنە وتە قۋانىشتىمىز. دەگەنمەن, ءوندىرۋدى ارتتىرۋ ءۇشىن الەۋەتىمىز جەتكىلىكتى. جوبانىڭ قاۋىپسىز ءارى ءتيىمدى جۇمىس ىستەۋىنە ءوز ۇلەسىمىزدى قوسۋعا دايىنبىز, – دەدى كومپانيا باسشىسى.
