مەملەكەتتىك قىزمەتشىلەر جارىسى ءوتتى

جاقىندا وسكەمەن قالاسىنىڭ اكىمى جاقسىلىق وماردىڭ باستاماسىمەن مەملەكەتتىك قىز­مەت­شىلەردىڭ سپورتتىق جارىسى بولىپ ءوتتى. ەڭ الدىمەن مەم­لەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى شىعىس قا­زاق­ستان وبلىسى بويىنشا دە­پارتامەنتىنىڭ باسشىسى جان­نا قابدولداقىزى ءسوز الىپ, سپورت پەن ەڭبەك ەگىز ەكەنىن, بۇگىنگى جارىستى ۇيىمداستىرىپ وتىرعان قالا اكىمى جاقسىلىق مۇقاش ۇلىنا العىسىن ايتتى. بۇدان كەيىن قالا اكىمى جاقسىلىق ومار مەملەكەتتىك قىزمەتتە ءجۇر­گەن جاستاردى مەرەكەسىمەن قۇت­تىقتاپ, دوحادا وتكەن ازيا ويىن­دارىنىڭ كۇمىس جۇلدەگەرى, قالالىق دەنە شىنىقتىرۋ جانە سپورت ءبولىمىنىڭ باسشىسى الماس اتاەۆ, قالالىق ءبى­لىم بەرۋ ءبولىمىنىڭ باس مامانى ەلميرا تىلەۋحانوۆا, جول پوليتسياسىنىڭ ينسپەكتورى ۆلاديمير كولەسنيكوۆقا, باسقا دا ءبىر توپ بەلسەندىگە قالا اكى­مىنىڭ قۇرمەت گراموتاسىن, العىس حاتتارىن تابىس ەتتى. ءوز كەزەگىندە جاننا قابدولداقىزى دا ءبىر توپ جاستى ماراپاتتادى. ۇزاق جىل مەملەكەتتىك قىزمەتتى جەمىستى اتقارعان, باسشى لاۋازىمداردا ەڭبەك ەتكەن ارداگەر ەرتاي بايباتشين دە قالا اكىمىنىڭ العىس حاتىنا يە بولدى.

بۇدان كەيىن سپورتتىڭ جەتى تۇرىنەن جارىس باستالدى. وعان 9 كوماندا قاتىستى. جۇگىرۋ, تور ىشىنە دوپتى ىسكەرلىكپەن قىسقا مەرزىمدە شىعارۋ, سپورتتىڭ باسقا تۇرلەرىنەن باسەكە تارتىستى ءوتتى. ناتيجەسىندە قايرات تانەكەنوۆ باسقاراتىن قۇرىلىس ءبولىمىنىڭ كومانداسى ءبىرىنشى ورىندى يەلەندى. ەكىنشى ورىندا – سامالبەك ساما­توۆ باسقاراتىن ءوزىن ءوزى باس­قا­رۋ كوميتەتىنىڭ كومانداسى. ال ءجۇل­دەلى ءۇشىنشى ورىنعا ەركىن تۇرا­روۆ جەتەكشىلىك ەتەتىن تۇرعىن-ءۇي كوممۋنالدىق شارۋاشىلىعى ءبولى­مىنىڭ كومانداسى تابان تىرەدى.