ءتۇسىرىلىم جۇمىستارى تۇركىستان, الماتى جانە ىستانبۇل قالالارىندا وتكەن. فيلمدە اققان جۇلدىزداي جارق ەتىپ, از عانا عۇمىر كەشكەن سپورتشىنىڭ ءومىرى مەن سپورتتاعى جەتىستىگى سۋرەتتەلەدى. تۋىندىنىڭ سيۋجەتتىك جەلىسىندە بەكزات ساتتارحانوۆ ءومىرىنىڭ ءۇش كەزەڭى قامتىلادى. 90-جىلداردىڭ باسىنداعى قيىن-قىستاۋ كەزەڭگە تاپ كەلگەن بەكزاتتىڭ بالالىعى كوپ قيىندىقتارمەن وتەدى. تۇركىستان قالاسىنداعى تەمىر جولدى بويلاي ورنالاسقان شاعىن اۋىلدىڭ قاراپايىم تىرشىلىگى بالا بەكزاتتىڭ كوزىمەن بەينەلەنەدى. ونىڭ ارمانى, نامىسقوي ءبىتىمى ءاربىر ساتتە سىنالىپ وتىرادى.
«بۇل بۇكىل ءومىرى ەمەس, ءومىرىندەگى ءبىر كەزەڭ. بوكسقا قالاي كەلدى, ومىرىندە قانداي قىزىق وقيعالار بولدى. بۇل جوباداعى ەڭ باستىسى – سيدنەيدەگى وقيعا. كارتينادا وسى ماسەلەلەر كوتەرىلەدى», دەيدى رەجيسسەرى مۇرات بيدوسوۆ.
كەيىپكەرلەردى تاڭداعاندا تەك اكتەرلىك شەبەرلىگى ەمەس, سپورتتىق دايىندىعى دا ەسكەرىلگەن. ماسەلەن, باستى ءرول بەكزاتتى جاس اكتەر سامات ازىمقۇلوۆ وينايدى. ول 2006-2007 جىلدارى كيكبوكستان جاستار اراسىندا ەكى رەت قازاقستان چەمپيونى بولعان.
«بۇل ءبىر ادامنىڭ ءومىرى, ءبىر ادامنىڭ تاعدىرى. جالپى, وسى فيلم ارقىلى بەكزات اعامىزدى قايتا ءتىرىلتىپ, ارتىمىزدان ءوسىپ كەلە جاتقان جاستاردىڭ سپورتقا دەگەن قۇلشىنىسىن ارتتىرساق جانە تيتتەي دە بولسىن ءبىر پاتريوتتىق سەزىم ۇيالاتا الساق, ارمانىمىزدىڭ ورىندالعانى دەپ بىلەمىن», دەيدى اكتەر سامات ازىمقۇلوۆ. ۇيىمداستىرۋشىلاردىڭ ايتۋىنشا, فيلم جالپى پروكاتقا كۇزدە شىعادى. ارتىنشا «حابار» ارناسىنان بىرنەشە سەريادان تۇراتىن تەلەحيكايا كورسەتىلەتىن بولادى.
