تاراپتار ساۋدا-ەكونوميكالىق ءوزارا ءىس-قيمىلدىڭ وزەكتى ماسەلەلەرى بويىنشا پىكىر الماستى. اۋىل شارۋاشىلىعى ونىمدەرىن ساتۋ كولەمىن ارتتىرۋ كەلەشەگى تالقىلاندى. قازاقستاندىق ءونىم ەكسپورتىن ەو-تا ىلگەرلەتۋگە ەرەكشە كوڭىل ءبولىندى.
قر پرەمەر-ءمينيسترى اسقار مامين ەۋروپالىق وداقتىڭ قازاقستاننىڭ اسا ءىرى ساۋدا جانە ينۆەستيتسيالىق سەرىكتەستەرىنىڭ ءبىرى ەكەنىن اتاپ ايتتى. قر-نىڭ سىرتقى ساۋدا اينالىمىنىڭ 40%-دان استامى ەو-قا تيەسىلى. 2018 جىلى ەكىجاقتى ساۋدا اينالىمى 26%-عا ارتتى. بۇگىندە قازاقستاندا ەۋروپالىق قاتىسۋمەن 4 مىڭنان استام كومپانيا تىركەلگەن, 2 مىڭنان ارتىق بىرلەسكەن كاسىپورىندار بار. تاۋەلسىزدىك جىلدارى قازاقستان ەكونوميكاسىنا بارلىعى $125,1 ملرد ەۋروپالىق ينۆەستيتسيا تارتىلعان.
«ينۆەستيتسيالىق ىنتىماقتاستىقتى ارتتىرۋ بويىنشا جۇمىس ىستەۋ قاجەت», - دەدى اسقار مامين, يندۋستريالاندىرۋ, اگروونەركاسىپتىك كەشەن, ترانزيتتىك-كولىك الەۋەتى, قارجى سەكتورى سالالارىنداعى زور الەۋەتتى اتاپ ءوتىپ.
قر ۇكىمەتىنىڭ باسشىسى ەلىمىزدە ينۆەستيتسيالىق احۋالدى جاقسارتۋ بويىنشا بەلسەندى جۇمىستار جۇرگىزىلىپ جاتقانىن ايتتى, جەمىستى ءوزارا ءىس-قيمىلدى جالعاستىرۋعا قىزىعۋشىلىقتى جانە ەكونوميكانىڭ بارلىق سەكتورلارىندا ساۋدا-ساتتىق بايلانىستارىن دامىتۋ بويىنشا تىعىز ىنتىماقتاستىق ورناتۋعا ازىرلىكتى جەتكىزدى.
ءوز كەزەگىندە, ديپلوماتيالىق ميسسيالار باسشىلارى قازاقستاندا بيزنەستى جۇرگىزۋ ءۇشىن قولايلى جاعدايلار تۋدىرۋ بويىنشا جۇمىستاردىڭ وڭ ديناميكاسىن اتاپ ءوتتى. قر-داعى ەو وكىلدىگىنىڭ باسشىسى سۆەن-ولوۆ كارلسسون ەلدەردىڭ جولعا قويىلعان ەكىجاقتى بايلانىستارى جانە قر ۇكىمەتىنىڭ بەلسەنە تارتىلۋى قولدا بار الەۋەتتى پايدالانۋ ارقىلى ينۆەستيتسيالىق ىنتىماقتاستىقتى نىعايتۋعا قوسىمشا سەرپىن بەرەتىنىنە سەنىم ءبىلدىردى.
تالقىلاۋعا گەرمانيا, فرانتسيا, لاتۆيا, گرەكيا, نيدەرلاندى, اۆستريا, فينليانديا, بەلگيا, شۆەتسيا, پولشا, يتاليا, حورۆاتيا ەلشىلەرى, ۇلىبريتانيا, يسپانيا, ليتۆا, ماجارستان, بولگاريا, رۋمىنيا, سلوۆاكيا, چەحيا, ەستونيا وكىلدەرى, ءىرى الەمدىك كومپانيالار باسشىلارى قاتىستى.
