وتىرىستا قر تۇڭعىش پرەزيدەنتى – ەلباسى نۇرسۇلتان نازارباەۆ باستاماشى بولعان «تسيفرلىق قازاقستان» مەملەكەتتىك باعدارلاماسىن ىسكە اسىرۋ بارىسى جانە مەملەكەت باسشىسى قاسىم-جومارت توقاەۆتىڭ ەل ەكونوميكاسىن تسيفرلاندىرۋدى جەدەلدەتۋ جونىندەگى تاپسىرمالارىن ورىنداۋ ماسەلەسى قارالدى.
تاۋ-كەن كەشەنى, وڭدەۋ ونەركاسىبى, اگروونەركاسىپتىك سەكتوردا تسيفرلاندىرۋدى ەنگىزۋ بويىنشا قابىلدانىپ جاتقان شارالار تۋرالى قر يندۋستريا جانە ينفراقۇرىلىمدىق دامۋ ءمينيسترى ر. سكليار, قر اۋىل شارۋاشىلىعى ءمينيسترى س. وماروۆ, قر تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى ا. جۇماعاليەۆ, ەنەرگەتيكا ۆيتسە-ءمينيسترى ءا. ماعاۋوۆ باياندادى.
تاۋ-كەن مەتاللۋرگيا كەشەنى جانە وڭدەۋ ونەركاسىبى سالاسىندا 200-گە تارتا تسيفرلىق جوبالار جۇزەگە اسىرىلىپ جاتىر, ونىڭ ىشىندە 12 مودەلدىك تسيفرلىق فابريكا قۇرىلعان. اگروونەركاسىپتىك كەشەندە ەلەكتروندى ساۋدا الاڭىن, مال شارۋاشىلىعى مەن وسىمدىك شارۋاشىلىعىندا ءونىمدى تاڭبالاۋ جانە قاداعالاۋ جۇيەسىن ەنگىزۋ, تسيفرلىق فەرمالار قۇرۋ, مەملەكەتتىك قىزمەتتەردى اۆتوماتتاندىرۋ بويىنشا تسيفرلىق جوبالار قولدانىلۋدا. وتىن-ەنەرگەتيكا كەشەنىندە «زياتكەرلىك كەن ورىندارى», «تسيفرلىق كەنىش» اقپاراتتىق جۇيەلەرى, مۇنايدى ەسەپكە الۋ, بىرىڭعاي ەلەكتروەنەرگەتيكالىق جۇيە رەجيمدەرىن باسقارۋدى اۆتوماتتاندىرۋ ەنگىزىلىپ جاتىر.
ەكونوميكا سالالارىندا تسيفرلاندىرۋدى ەنگىزۋ ەسەبىنەن ونىمدىلىكتىڭ جىل سايىنعى ءوسىمىن 2-10%-عا, كەن ورىندارىنداعى ءوندىرۋ ءوسىمىن — 3% ارتتىرۋ, وندىرىستىك شىعىنداردى 10-20% قىسقارتۋ, اوك-تە دالمە-ءدال ەگىنشىلىكتى قولدانۋ ەسەبىنەن ونىمدىلىكتى 25-50% ۇلعايتۋ كۇتىلۋدە.
وتىرىستىڭ قورىتىندىسىن شىعارا وتىرىپ, قر پرەمەر-ءمينيسترى اسقار مامين تسيفرلىق كۇن ءتارتىبىنىڭ ماڭىزدىلىعىن ايتا وتىرىپ, ەكونوميكا سالالارىندا تسيفرلىق شەشىمدەردى ەنگىزۋ جۇمىسىن كۇشەيتۋدى تاپسىردى.
