گ.ن.ابدىقالىقوۆا پرەزيدەنت ق.ق.توقاەۆتىڭ 12 ماۋسىمدا قازاقستان رەسپۋبليكاسىنىڭ پرەزيدەنتى قىزمەتىنە كىرىسۋىنىڭ رەسمي راسىمىندە ايتقان سوزدەرىنە نازار اۋداردى.
«ءبىز كونسترۋكتيۆتىك, تەڭدەستىرىلگەن, كوپ باعىتتى سىرتقى ساياسي قادامىمىزدى جالعاستىرامىز. الەمدىك ارەنادا ۇلتتىق مۇددەلەردى نىق ىلگەرىلەتەتىن جانە قورعايتىن بولامىز. ەلدىڭ سىرتقى ساياسي قىزمەتى ەلگە, ۇلتتىق بيزنەسكە, ءاربىر ازاماتقا ناقتى پايدا اكەلەدى», دەدى ول.
سونداي-اق ول مەملەكەت باسشىسى حالىقارالىق قارجى ينستيتۋتتارىمەن ىنتىماقتاستىققا ماڭىزدى ءمان بەرەتىندىگىن اتاپ ءوتتى.
«ءبىز تۇڭعىش پرەزيدەنت - ەلباسى ن.ءا. نازارباەۆتىڭ 2015 جىلى ۇلىبريتانياعا ساپارى بارىسىندا جاسالعان احقو, ەقدب جانە The City UK بريتاندىق ۇيىمدار قاۋىمداستىعى اراسىنداعى ءوزارا تۇسىنىستىك تۋرالى ءۇش جاقتى مەموراندۋمدى جۇزەگە اسىرۋدى جوعارى باعالايمىز», دەدى گۇلشارا ابدىقالىقوۆا.
كەزدەسۋ بارىسىندا ەقدب-مەن ىنتىماقتاستىقتىڭ ءبىر قاتار وزەكتى ماسەلەلەرى تالقىلاندى. 26 جىلدان اسا ۋاقىت ىشىندە 7,5 ملرد ەۋرو سوماسىنا 246 جوبا قارجىلاندىرىلدى. 2015 جىلدان باستاپ «بيزنەستەگى ايەلدەر» بىرلەسكەن باعدارلاماسى جۇزەگە اسىرىلۋدا, جالپى سوماسى 26,1 ملرد تەڭگەگە 20 مىڭ اۋىلدىق جەرلەردە ايەلدەر باسقاراتىن شاعىن جانە ورتا بيزنەس سۋبەكتىلەرىنە قارىز بەرىلدى. 2017 جىلى «بيزنەستەگى ايەلدەر» ەكىنشى باعدارلاماسى ىسكە قوسىلدى, ول 100-دەن استام كاسىپكەر ايەلدەر ءۇشىن كاسىپكەرلىك ماسەلەلەرى بويىنشا كونسالتينگتىك قىزمەتتەر كورسەتۋدى, كوۋچينگ وتكىزۋدى كوزدەيدى.
تاراپتار ىنتىماقتاستىقتى دامىتۋدىڭ اعىمداعى سەرپىنىنە قاناعاتتانۋشىلىق ءبىلدىردى جانە ينكليۋزيۆتى دامۋ مەن ايەلدەردىڭ ەكونوميكالىق مۇمكىندىكتەرىن كەڭەيتۋ بويىنشا جوبالاردى ىسكە اسىرۋ ماسەلەلەرىن تالقىلادى.
بىرلەسكەن جۇمىستىڭ ناتيجەسىندە 2018 جىلى گەندەرلىك شەكتەۋلەرى بار تىزبەدەن جۇمىستىڭ 96 ءتۇرىن الىپ تاستاۋ مۇمكىندىگى تۋدى, وسىلايشا ايەلدەرگە رۇقسات ەتىلمەگەن جۇمىستاردىڭ سانى شامامەن 30%-عا قىسقارتىلدى. بۇل بىرىنشىدەن, ايەلدەرگە بۋلدوزەر, گرەيدەر جانە لوكوموتيۆ ءماشينيسى, اسفالتبەتونشى, مەتالل قۇيۋشى, قازانشى, تيەۋ ماشيناسىنىڭ ءماشينيسى, كرانشى, مەحانيك جانە ەلەكتريك جانە ت.ب. سياقتى اقىلى جۇمىس ورىندارىن الۋعا مۇمكىندىك بەردى. ەكىنشىدەن, ايەلدەر ەڭبەك نارىعىنىڭ گەندەرلىك نەگىزىندە ءبولىنۋىن قىسقارتا وتىرىپ, جىلدام ءوسىپ كەلە جاتقان جانە جوعارى اقى تولەنەتىن سەكتورلاردا جۇمىس ىستەۋ مۇمكىندىگىنە قول جەتكىزدى.
كەزدەسۋدە سونداي-اق جاسىل تەحنولوگيالار سالاسىندا ايەلدەردىڭ قاتىسۋىمەن عىلىمي زەرتتەۋلەردى دامىتۋ ماسەلەلەرى تالقىلاندى.
