وعان قوستاناي, رۋدنىي قالالارى مەن اۋدانداردا تۇراتىن قولونەرشىلەر, سۋرەتشىلەر شاقىرىلىپ, ولاردىڭ جاساعان ءتۇرلى بۇيىمدارىنىڭ كورمەسى وتكىزىلدى. اعاشتان ءتۇيىن تۇيەتىن اعاش شەبەرى تاڭاتقان بوجاقوۆتىڭ ەسىمى رەسپۋبليكاعا تانىمال. ول نەگىزىنەن حالقىمىز قولدانعان ىدىستاردى جاسايدى.
«بۇگىنگى ۇرپاقتىڭ جالپى اعاشتان جاسالعان ىدىستاردان تۇسىنىگى بولعانىمەن, قاي ىدىستى قانداي اعاشتان جاساۋ كەركتىگىن, ولاردىڭ تەحنولوگيالارى تۋرالى بىلە بەرمەيدى. اتالار مۇراسىن ۇمىتۋعا بولمايدى. مىسالى, قىمىز قۇياتىن توستاعان, كەسە, ساپىراتىن شومىشتەردىڭ بىرنەشە ءتۇرى بولعان. بۇگىنگى زاماناۋي قۇرالداردى پايدالانا وتىرىپ, اعاش ىدىستاردى جاڭعىرتىپ, جەتىلدىرە تۇسۋگە تالپىنامىن» دەيدى تاڭاتقان اعاي. كورمەگە قازاقتىڭ قۇراق كورپەشەلەرىنىڭ, قورجىندارىنىڭ ءتۇر-ءتۇرى,تەرىدەن تىگىلگەن بۇيىمدارى, سونىمەن قاتار ورىس, ۋكراين حالقىنىڭ اسىل تاستان جاسالعان اشەكەيلەرى, اعاشتان ويعان كارتينالارى دا كورەرمەنگە رۋحاني اسەر بەردى.
«مەنى اتالارىمىزدىڭ تەرىنى وڭدەگەنى, ودان ءتۇرلى تۇرمىستىق بۇيىمدار جاساعانى تاڭقالدىرادى. ولار قانداي تەحنولوگيا قولدانعان؟ قازىر شەبەرلەر ولاردى جەتىلدىرىپ جاسايدى. قامشى, اتتىڭ ەر-تۇرمانى ۇمىتىلىپ كەتسە نە بولادى؟ ولار بۇگىنگە دەيىن تۇرمىستا وتە قاجەتتى زاتتار ەمەس پە؟ سول ءۇشىن وسىنداي فەستيۆالدەر ءوتۋى كەرەك. قولونەرشىلەر ەڭبەگى باعالانسا قۇبا قۇپ» دەيدى ليساكوۆ قالاسىنداعى بيىلعى مەكتەپ تۇلەگى مۇحامەتجان قادىرحانوۆ.
فەستيۆال كورىگىن ليساكوۆ قالاسىنداعى «ەتنوستيل» ءانسامبلى قىزدىردى.
ليساكوۆ قالاسى
قوستاناي وبلىسى
