توپتىق ويىنداردا وتكەن باسەكە وتە تارتىستى بولدى. «جۇيرىكتەن جۇيرىك وزار جارىسقاندا» دەمەكشى, ءوز توبىنان شىققان جەڭىمپازدار تاعى دا ءوزارا سىنعا ءتۇستى. ءۇشىنشى ورىن ءۇشىن بولعان باسەكەدە شيەلىلىكتەر قىزىلوردا كومانداسىن ايقىن باسىمدىقپەن ەڭسەرىپ, جۇلدەلى ورىنعا تابان تىرەسە, اقتىق سىندا بايىرعى قارسىلاستار بايقوڭىر كومانداسى مەن جاڭاقورعان اۋدانىنىڭ ارداگەرلەرى الاڭعا شىقتى. ءوتكەن جىلعى تۋرنيردە دە وسى ەكى كوماندا فينالدا كەزدەسكەن ەدى, وندا جاڭاقورعاندىقتارعا ءساتتىلىك سەرىك بولىپ, باس جۇلدەنى يەمدەنگەن بولاتىن. ال بۇل جولى كۇشەيتىلگەن قۇراممەن كەلگەن كوسمودروم وفيتسەرلەرى جەڭىسكە جەتىپ, بىلتىرعى كەتكەن ەسەسىن قايتاردى. اسىرەسە كەزىندە وبلىس قۇراماسىنىڭ ساپىندا بولعان قۋانىش راقاتوۆ سىندى بەلگىلى سپورتشىنىڭ ويىنىنا كورەرمەندەر ءتانتى بولدى. سونداي-اق قىزىلوردالىق ارداگەر-ۆولەيبولشى سابىر جاڭبىروۆتىڭ قيمىلى كوز ءسۇيسىنتتى. جاڭاقورعاندىق ويىنشىلار ءابدىبەك ابىلسەيىتوۆ, جۇماحان نۇرتازاەۆ, سامات سوپبەكوۆ, ءشادىبەك ناكيپوۆ, شيەلى اۋدانىنىڭ بەلدى ويىنشىلارى وتەپ ءابدىرامانوۆ, ەلتاي سەرىكباەۆ, باتىر پازىلبەكوۆتىڭ دە شەبەرلىكتەرى ەشكىمنەن كەم تۇسكەن جوق.
نۇرماحان ەلتاي
قىزىلوردا
