بۇل كەزدەسۋگە 30-دان استام ادام جەڭىل دەنە جاراقاتىن العان تۇرمىستىق داۋ سەبەپ بولدى. وقيعانى تەكسەرۋمەن, سونداي-اق كەن ورنىنداعى ەڭبەكتى ۇيىمداستىرۋ ماسەلەلەرىمەن اتىراۋ وبلىسى اكىمىنىڭ ءبىرىنشى ورىنباسارى باستاعان ۆەدومستۆوارالىق كوميسسيا اينالىسادى.
«بۇل ماسەلە ءتۇرلى ەڭبەك جاعدايى سالدارىنان تۋىندادى. تشو باسشىلىعى دا, بارلىق مەردىگەرلەر دە شەشۋى ءتيىس جۇيەلىك ماسەلە. ءبىز ءوز تاراپىمىزدان بارىنشا قولداۋ كورسەتۋگە دايىنبىز. ينۆەستورلار مىنانى ءتۇسىنۋى كەرەك - ەلىمىزدىڭ اۋماعىندا جۇمىس ىستەپ جاتقان كەزدە زاڭنامانى ساقتاۋى ءتيىس, سونداي-اق ادامداردىڭ نامىسىنا تيەتىن مورالدىق-ەتيكالىق نورمالاردى ەسكەرگەنى ءجون. تاياۋ ۋاقىتتا جوبانىڭ بارلىق قاتىسۋشىلارىمەن كەزدەسۋ وتكىزەمىز. وعان كومپانيانىڭ بارلىق ءبىرىنشى باسشىلارى قاتىسادى, وسى ماسەلەلەردى شەشەمىز. ەڭ باستىسى - ەڭبەك جاعدايى بارلىعىنا بىردەي بولۋى كەرەك», دەدى نۇرلان نوعاەۆ.
«تەڭىزشەۆرويل» جشس باس ديرەكتورى يمەر بوننەر ءوز كەزەگىندە اتالمىش جاعدايدى رەتتەۋ جانە بولاشاقتا مۇنداي كەلەڭسىزدىكتەرگە جول بەرمەۋ ءۇشىن كومپانيا قولدان كەلگەنىن ىستەيتىنىن ايتتى.
«ءبىز جەرگىلىكتى اتقارۋشى جانە قۇقىققورعاۋشى ورگاندارعا شيەلەنىستى تەز رەتتەۋگە كومەكتەسكەنى ءۇشىن العىس ايتامىز. ءوز تاراپىمىزدان Cسەر كومپانياسىمەن, سونداي-اق باسقا دا مەردىگەر ۇيىمدارمەن جۇمىس جۇرگىزەمىز», دەدى يمەر بوننەر.
جينالىستان كەيىن وبلىس اكىمى Cسەر كومپانياسىنىڭ جۇمىسشىلارىمەن كەزدەستى.
«ءبىز وبلىس اكىمىنىڭ ءبىرىنشى ورىنباسارى باستاعان ۆەدومستۆوارالىق كوميسسيا قۇردىق. ول تەڭ ەڭبەك جاعدايىن قامتاماسىز ەتۋ ماسەلەسىمەن اينالىسادى. سىزدەر كوميسسيانىڭ قۇرامىنا ءوز وكىلدەرىڭىزدى قوسساڭىزدار بولادى. مەنىڭ ارىپتەستەرىم نومىرلەرىن قالدىرادى. جاعدايدى جاقسارتۋ بويىنشا ءوز ۇسىنىستارىڭىزدى ايتىڭىزدار. سىزدەردىڭ جۇمىس كەستەلەرىڭىزدە ەشقانداي وزگەرىس بولمايدى, جۇمىس قالىپتى رەجىمدە جالعاسا بەرەدى», دەدى نۇرلان نوعاەۆ.
