پارلامەنت جوعارعى پالاتاسىنىڭ باسشىسى بۇقارالىق اقپارات قۇرالدارىنىڭ وكىلدەرىنە ءوسىپ-وركەندەۋ مەن يگىلىك جانە مىقتى دەنساۋلىق تىلەدى, بىلىكتىلىگى جانە ءوز ءىسىن ادال اتقاراتىنى ءۇشىن العىس ايتتى.
توراعا تاياۋدا رەسپۋبليكالىق بۇقارالىق اقپارات قۇرالدارىنىڭ باسشىلارىمەن كەزدەسىپ, وسى سالانى دامىتۋدىڭ جاھاندىق كورىنىستەرى مەن قازاقستاندىق جۋرناليستيكانىڭ وزەكتى ماسەلەلەرىن تالقىلاعان بولاتىن.
«ءبىزدىڭ ەلىمىزدە ءوزىن-ءوزى رەتتەيتىن ۇيىمدار تۋرالى وتە جاقسى زاڭ بار. سالانىڭ ءوزىن-ءوزى رەتتەۋى ءۇشىن زاڭدا اسا ماڭىزدى تەتىكتەر بار. جۋرناليستەردىڭ كاسىبي قوعامدىق ۇيىمى قۇرىلۋى جانە سول ارقىلى سالالىق مۇددەلەر قورعالۋى كەرەك. بۇل اسا ماڭىزدى جۇمىس. زاڭنىڭ بارلىق تالاپتارى بويىنشا قۇرىلعان كاسىبي ۇيىم عانا مەملەكەتتىك بىرقاتار مىندەتتەردى الا الادى جانە ءوز ماسەلەلەرىن ءوزى رەتتەي الادى», - دەدى سەنات باسشىسى.
د.نازارباەۆا سەناتتا تىركەلگەن جۋرناليستەرگە العىس حات تاپسىردى جانە سەنات الداعى جىلى پالاتا جۇمىسىنىڭ ماتەريالدارى بويىنشا ۇزدىك جۋرناليستىك زەرتتەۋ بويىنشا بايگە وتەتىنىن اتاپ ءوتتى.
