«مەملەكەتتىك كىرىستەر كوميتەتى كولەڭكەلى ەكونوميكاعا قارسى كۇرەس شەڭبەرىندە پاتەردى زاڭسىز جالعا بەرۋشىلەردى انىقتاۋ جۇمىستارىن جالعاستىرۋدا. ۆەدومستۆو قىزمەتكەرلەرى ءارتۇرلى مەملەكەتتىك اقپاراتتىق جۇيەلەردىڭ دەرەكتەرى مەن باسقا اقپارات كوزدەرىن پايدالانادى. بۇل پيك مالىمەتى, سانالى ازاماتتار مەن كورشىلەردەن تۇسكەن اقپارات بولۋى مۇمكىن» دەدى ءا.سۇلەيمەنوۆ.
الدىن الا جاسالعان قورىتىندى بويىنشا, قازىرگى ۋاقىتتا 3 جانە ودان دا كوپ پاتەرگە مەنشىك قۇقىعى بار, الايدا دارا كاسىپكەر رەتىندە تىركەلمەگەن جانە ءتيىستى سالىقتار تولەمەگەن 20 مىڭنان استام تۇلعا انىقتالعان. ولاردىڭ اراسىندا 10-نان استام پاتەرگە مەنشىك قۇقىعى بار 150 تۇلعا بار, بۇدان باسقا ءبىر تۇلعانىڭ يەلىگىندە ءبىر تۇرعىن ءۇي كەشەنىندە 65 پاتەرى بار ەكەن.
جوعارىدا كەلتىرىلگەن دەرەكتەر جالعا بەرىلۋىنە ەگجەي-تەگجەيلى تالداۋ جۇرگىزىلەتىن قاشىقتىقتان مونيتورينگ جاساۋ ارقىلى الىندى.
جالپى, 2019 جىلدىڭ 5 اي ىشىندە جۇرگىزىلگەن جۇمىس ناتيجەلەرى بويىنشا دارا كاسىپكەر رەتىندە 7 403 جەكە تۇلعا تىركەلدى, بۇل بىلتىرعى جىلمەن سالىستىرعاندا 22%-عا نەمەسە 1320 جەكە تۇلعاعا كوپ. سالىقتىق ءتۇسىم سوماسى 37 %-عا ءوستى جانە 7 252,1 ملن. تەڭگەنى قۇرايدى نەمەسە 1 951,3 ملن.تەڭگەگە كوپ.
سۇلەيمەنوۆتىڭ ايتۋىنشا, جەكە تۇلعالاردىڭ دا, سونداي-اق زاڭدى تۇلعالاردىڭ دا دارا كاسىپكەر رەتىندە تىركەلمەستەن جىلجىمايتىن م ۇلىكتى «جالعا» بەرۋگە قۇقىعى بار ەكەنىن اتاپ وتكەن ءجون.
دك اشۋ ءۇشىن, جەكە تۇلعا سالىق ورگانىنا نە بولماسا e-license سايتى ارقىلى قىزمەتتىڭ باستالۋى تۋرالى حابارلاما ەلەكتروندى تۇردە جىبەرەدى. سونداي-اق, ون كۇن ىشىندە سالىق رەجيمىن انىقتاۋى قاجەت.
2018 جىلدىڭ باسىنان باستاپ پاتەنت نەگىزىندەگى سالىق رەجيمىن قولداناتىن دك ءۇشىن سالىق مولشەرلەمەسى, اتاپ ايتقاندا پاتەردى جالعا بەرۋشىلەر ءۇشىن 2%-دان 1% -عا دەيىن تومەندەدى. بيۋدجەتتى ەسەپتەۋدىڭ مۇنداي سحەماسى جالدامالى ەڭبەكتى پايدالانبايتىن جانە تابىسى جىلىنا 3 528 اەك-تەن اسپايتىن جەكە تۇلعالار ءۇشىن قولجەتىمدى. ماسەلەن, ەگەر جالعا بەرۋدەن تۇسەتىن تابىس ايىنا 100 000 تەڭگەنى قۇراسا, تيىسىنشە, سالىق سوماسى 1000 تەڭگەنى قۇرايدى.
ەگەر ءسىز بىرنەشە پاتەردى جالعا بەرسەڭىز جانە, مىسالى, پاتەردى جيناۋ ءۇشىن جالدامالى جۇمىسشىلارىڭىز بولسا, وندا ءسىز جەڭىلدەتىلگەن دەكلاراتسيانى قولدانا الاسىز. بۇل كەزدە سالىق مولشەرلەمەسى 3% قۇرايدى, تولەم جارتى جىلدا ءبىر رەت تابىستى الۋ فاكتىسى بويىنشا جۇرگىزىلەدى.
2019 جىلعى 1 قاڭتارىنان باستاپ قازاقستاندا بىرىڭعاي جيىنتىق تولەم (بجت) ەنگىزىلگەن, ونى دارا كاسىپكەر رەتىندە تىركەلمەستەن كاسىپكەرلىك قىزمەتتى جۇزەگە اسىراتىن جەكە تۇلعالار تولەۋگە قۇقىعى بار. مۇنداي جەكە تۇلعالارعا تۇرعىن ءۇيدى جالعا بەرەتىندەردى جاتقىزۋعا بولادى.
بجت تولەۋشىلەردىڭ تابىس كولەمى 1 175 اەك-تەن اسپاۋعا ءتيىس ەكەندىگىن ەستە ساقتاۋ كەرەك.
2019 جىلى بىرىڭعاي جيىنتىق تولەمنىڭ اي سايىنعى مولشەرى:
Ø 1 اەك - رەسپۋبليكالىق ماڭىزى بار قالالاردا, استانادا جانە وبلىستىق ماڭىزى بار قالالاردا تۇراتىن جەكە تۇلعالار ءۇشىن (2 525 تەڭگە);
Ø 0,5 اەك - باسقا ەلدى مەكەندەردە تۇراتىن جەكە تۇلعالار ءۇشىن (1 263 تەڭگە) قۇرايدى.
بجت-ءدى ەكىنشى دەڭگەيلى بانكتەر ارقىلى «ازاماتتارعا ارنالاعان ۇكىمەت» مەملەكەتتىك كورپوراتسياسىنىڭ بانك شوتىنا تولەۋگە بولادى.
ەگەر دك رەتىندە تىركەلمەي پاتەردى جالعا بەرسە, جالعا بەرۋدەن تۇسكەن تابىس م ۇلىكتىك تابىس رەتىندە قاراستىرىلادى. ياعني, جىلجىمايتىن م ۇلىكتى جالعا بەرۋدەن تۇسكەن قاراجاتقا قر سالىق كودەكسىمەن «سالىق اگەنتى» دەپ تانىلمايتىن تۇلعالارعا جەكە تۇلعا رەتىندە 10% مولشەرلەمەسى بويىنشا سالىق سالىنادى. بۇل رەتتە مۇنداي جەكە تۇلعالارعا مەملەكەتتىك كىرىستەر ورگاندارىنا جتس بويىنشا دەكلاراتسيانى (240.00 نىسانى) 31 ناۋرىزعا دەيىن تاپسىرادى جانە ەسەپتىلىك جىلىنان كەيىنگى جىلدىڭ 10 ساۋىرىنە دەيىن سالىق تولەيدى.
وسىعان بايلانىستى, مەملەكەتتىك كىرىستەر كوميتەتى تۇرعىن ءۇيدى جالعا بەرەتىن ازاماتتاردى سالىقتىق مىندەتتەمەلەرىن ءوز ەركىمەن ورىنداۋعا شاقىرادى.
