قور بولعان «جيىرما بەس»…
سارسەنبى, 20 ناۋرىز 2013 1:33
ۇرىنىڭ ءتۇرى كوپ. پاتەر توناۋشىلار, قالتاعا تۇسۋشىلەر, مال ۇرلاۋشىلار… سولاردىڭ ءبىرىن شىمكەنت قالاسىنىڭ پوليتسيا قىزمەتكەرلەرى ۇستادى. جاستارى جالىنداعان 25-كە ەندى جەتكەن بۇل ەكى جىگىت كولىك توناۋدى كاسىپ ەتىپتى. سوڭعى ەكى جىلدىڭ ىشىندە 50-دەن استام كولىكتى توناعان. ەكەۋى دە بۇرىن ۇرلىق جاساعاندارى ءۇشىن سوتتى بولعان.
وسى ۋاقىتقا دەيىن قولعا تۇسپەي جۇرگەندەرىنە قاراعاندا,
سارسەنبى, 20 ناۋرىز 2013 1:33
ۇرىنىڭ ءتۇرى كوپ. پاتەر توناۋشىلار, قالتاعا تۇسۋشىلەر, مال ۇرلاۋشىلار… سولاردىڭ ءبىرىن شىمكەنت قالاسىنىڭ پوليتسيا قىزمەتكەرلەرى ۇستادى. جاستارى جالىنداعان 25-كە ەندى جەتكەن بۇل ەكى جىگىت كولىك توناۋدى كاسىپ ەتىپتى. سوڭعى ەكى جىلدىڭ ىشىندە 50-دەن استام كولىكتى توناعان. ەكەۋى دە بۇرىن ۇرلىق جاساعاندارى ءۇشىن سوتتى بولعان.
وسى ۋاقىتقا دەيىن قولعا تۇسپەي جۇرگەندەرىنە قاراعاندا, بۇل ەكى قۋ «جورىققا» وتە تىڭعىلىقتى دايىندالىپ, ناقتى جوسپارمەن كىرىسەتىن سياقتى. ولار, الدىمەن اۆتوتۇراقتاردا نەمەسە جولدىڭ بويىندا يەسى جوق قاراۋسىز تۇرعان قىمبات شەتەلدىك كولىكتەردى اڭدىپ ءجۇرىپ, تەرەزەسىن سىندىرىپ, ىشىندەگى قۇندى زاتتار مەن اقشانى الىپ كەتىپ وتىرعان. ال ۇرلانعان زاتتاردى قالاداعى بازارلارعا ساتىپ, ءوز قاجەتتەرىنە جاراتقان.
سول سياقتى, وتكەن اپتادا شىمكەنتتىك ءتارتىپ ساقشىلارىنىڭ قولىنا تۇسكەن 25 جاستاعى تاعى ءبىر ۇرى تەك اككۋمۋلياتور ۇرلاۋعا ماشىقتانىپتى. ءيا, كولىكتى وت الدىراتىن كاپوت ىشىندەگى كادىمگى اككۋمۋلياتور. ۇستىمىزدەگى جىلدىڭ 9 اقپانىندا, پوليتسيا بولىمىنە 28 جاستاعى تۇرعىن ارىزدانعان. ول ءوز ارىزىندا, بەلگىسىز بىرەۋدىڭ ەسىگىنىڭ الدىندا تۇرعان «ۆاز-2107» اۆتوكولىگىنىڭ كاپوتىن اشۋ ارقىلى, اككۋمۋلياتورىن ۇرلاپ كەتكەنى تۋرالى جازعان. وسىدان ءبىر تاۋلىك وتكەن كەزدە, وسى تەكتەس ارىزبەن قالانىڭ تاعى ءبىر تۇرعىنى ارىزدانعان. ارىزدا «ۆاز-2101» ماركالى اۆتوكولىگىن ازىق-ت ۇلىك دۇكەنىنىڭ جانىنا قويىپ كەتكەندە, بەلگىسىز ازامات ونىڭ دا اككۋمۋلياتورىن ۇرلاپ كەتىپ, قىلمىس ورنىنان ءىزىن سۋىتقانىن ايتقان. جەدەل ىزدەستىرۋ ءىس-شاراسى كەزىندە, شىمكەنت قالاسىنىڭ تۇرعىنى ۇستالدى.
ال كەلەسى ءبىر قاراقشىلىق توپ جانارماي بەكەتتەرى مەن پاتەر توناۋدى قولاي كورىپتى. كۇدىكتى رەتىندە ۇستالعان قىزىلوردا وبلىسىنىڭ ەكى جاپ-جاس تۇرعىنى از عانا ۋاقىتتىڭ ىشىندە 4 قاراقشىلىق, ونىڭ بىرەۋى جانار-جاعارماي بەكەتى جۇمىسشىسىن ولتىرۋمەن اياقتالعان, سونىمەن قاتار, توناۋ جانە 8 پاتەر ۇرلىعىن جاساپ ۇلگەرىپتى. بۇل ەكى كۇدىكتىنىڭ دە جاس شاماسى سول 25-تە. مۇندايدا «وت بولاتىن, شوق بولاتىن, بار بولاتىن, جوق بولاتىن, جىن دا, پەرى جيىرما بەس» جاستىڭ وسىلايشا تەمىر توردىڭ ار جاعىندا قور بولعانى-اي دەمەسكە لاجىڭ جوق.
ورالحان ءداۋىت,
«ەگەمەن قازاقستان».
وڭتۇستىك قازاقستان وبلىسى.
