ارىس قالاسىنداعى توتەنشە جاعدايعا بايلانىستى حالىقتى قاۋىپسىز جەرگە كوشىرۋ بارىسىندا باتىر ۇلاندارىمىز قاڭعىعان وق پەن جارىقشاقتاردان ساقتانا ءجۇرىپ قاراپايىم ادامگەرشىلىك قاعيدالارىنىڭ وزىق ۇلگىسىن كورسەتە ءبىلدى. بۇل – وبەكتيۆكە ىلىككەن ءبىر عانا سۋرەتتى ءدالەل. وقيعا ورنىنان جەتكەن جۇزدەگەن فوتوسۋرەت پەن بەينەكادرلاردا ساربازداردىڭ ايەلدەر مەن بالالاردى, قارت كىسىلەردى كەۋدەسىمەن قورعاپ, ەۆاكۋاتسيالاعان ساتتەرى ارىستاعى قانداستارىمىزدىڭ جاعدايىنا الاڭداپ, ىشتەي دۇعا قىلىپ, كوز جاستارىن شىلاعان تالاي وتانداستارىمىزدىڭ ريزاشىلىعىن تۋعىزدى.
ءىىم تج كوميتەتىنىڭ ءباسپاسوز قىزمەتى مىنا سۋرەتتە ايەل ادامدى ماشيناعا كوتەرىپ مىنگىزۋدە بىرەۋى تىزەرلەپ ارقاسىن توسىپ, قالعاندارى قولتىعىنان دەمەپ جاتقان شىمكەنت قالاسى توتەنشە جاعدايلار دەپارتامەنتىنىڭ ءورت سوندىرۋشىلەرى ابىلاي باباحان, بەكسۇلتان يبادۋللا, ۇسەن قازىبەك, ەلدار قىرىقباەۆ ەكەنىن حابارلادى. ولار ارىس قالاسىنان شىمكەنتتەگى ەۆاكۋاتسيالاۋ بەكەتىنە كەزەكتى توپتى اتتاندىرۋدا.
بۇل سۋرەت ءورت ءسوندىرۋشىلەردىڭ جاۋىنگەرگە ءتان ەرلىك ىستەرىمەن قاتار, كىسىلىكتىڭ, كىشىلىكتىڭ دالەلى رەتىندە تاريحتا قالارى انىق.
