بەينەۋ اۋدانىنداعى تۋىستارىنان قۇرالعان 2 ىزدەستىرۋ توبىمەن 23 ماۋسىم كۇنى ساعات «گازەل» اۆتوكولىگى قاراساي سايىنىڭ «داۋقارا» مولاسىنىڭ ماڭىنان تابىلعان.
جالپى جوعالعان ازاماتتار تۋرالى اقپارات 23.06.2019 جىلى بەينەۋ اۋدانىنىڭ توتەنشە جاعدايلار بولىمىنە ءتۇستى. تۇسكەن حابارلاما بويىنشا بەينەۋ اۋدانى اكىمىنىڭ تاپسىرماسىنا سايكەس, ماڭعىستاۋ وبلىسىنىڭ اكىمدىگىنە تىكۇشاق جۇمىلدىرۋعا سۇرانىس بەرىلىپ, بەينەۋ اۋدانىنىڭ تجب باستىعىمەن, «اكيماتسەرۆيس» مكقك باسشىسىمەن جانە «بەينەۋ ورمان جانە جانۋارلاردى قورعاۋ جونىندەگى» مم باستىعىمەن جەدەل ىزدەستىرۋ توبى قۇرىلىپ, 24 ماۋسىم كۇنى «ۋاز» اۆتوكولىگىمەن ىزدەستىرۋ جۇمىستارىنا شىقتى. سول كۇنى كەشكە جوعالعان ازاماتتىڭ بىرەۋى بەينەۋ اۋىلىنان شامامەن 180 شاقىرىمداي جەردەگى اتىراۋ وبلىسى جىلىوي اۋدانىنىڭ اۋماعىندا ورنالاسقان جەلتاۋ تاۋىنداعى شولاباي مولاسىنىڭ ماڭىنان ءتىرى تابىلسا, ەكىنشى ازاماتتىڭ ءولى دەنەسى تابىلدى.
ازاماتتىڭ دەنساۋلىق جاعدايى ناشارلاپ قالعانىن ەسكەرىپ, بورانقۇل اۋىلىنىڭ ورتالىق اۋرۋحاناسىنا جەتكىزىلدى جانە دارىگەرلىك كومەك كورسەتىلىپ اۋرۋحاناعا جاتقىزىلدى, قازىرگى تاڭدا ۇيىنە جىبەرىلدى.
قاراساي سايىنىڭ «داۋقارا» مولاسى مەن جەلتاۋ تاۋىنداعى شولاباي مولاسىنىڭ ارا قاشىقتىعى شامامەن 25-30 شاقىرىمدى قۇرايدى.
جوعالعانداردىڭ تابىلۋىنا بايلانىستى اۆيوتەحنيكا جۇمىلدىرۋدىڭ قاجەتتىلىگى بولماعان.
