«تۇرعىندارىمىزدى قولايلى قوعامدىق كولىكپەن قامتاماسىز ەتۋ ماقساتىندا جاڭا «Shymkent Bus» اۆتوبۋس پاركىن سالتاناتتى تۇردە اشتىق. ساپالى قوعامدىق كولىك ماسەلەسى – ءبىزدىڭ نازارىمىزداعى ماڭىزدى ماسەلە. ءبىز بۇل سۇراقتى جۇيەلى تۇردە شەشۋدەمىز. ەلباسى نۇرسۇلتان ءابىش ۇلىنىڭ تاپسىرماسىنا سايكەس ۇكىمەتتىڭ قولداۋىمەن شىمكەنت قالاسى «قازاقستان دامۋ بانكى-ليزينگ» اق-نىڭ ارنايى باعدارلاماسى ارقىلى بيىل قالامىزعا وتاندىق «سارىارقا اۆتو پروم» كومپانياسىنان جاڭا, زاماناۋي 1000 اۆتوبۋس ساتىپ الدى. 160 اۆتوبۋس بۇگىننەن باستاپ قالا كوشەلەرىنە شىعادى, 140 اۆتوبۋس شىلدە ايىندا جەتكىزىلىپ, قالعان 700 اۆتوبۋس جىل سوڭىنا دەيىن مارشرۋتتارعا شىعاتىن بولادى. وسى كولىكتەر xالقىمىزدىڭ يگىلىگى ءۇشىن قىزمەت ەتىپ, شىمقالا كوركەيە بەرسىن», دەدى قالا اكىمى.
ەلىمىزدەگى بىرەگەي جوبا رەتىندە جۇمىسىن باستاعان اۆتوبۋس پاركىندە جمس, سەرۆيستىك ورتالىق, اۆتوجۋ قىزمەتى بار. جاتاقحانا, مەدپۋنكت جانە جۇرگىزۋشىلەرگە ارنالعان اسحانا دا قاراستىرىلعان.
تاعى ءبىر قۋانىشتى جاڭالىق – شىمكەنتكە قازاقستاندا قۇراستىرىلعان 300 جاڭا اۆتوبۋس جەتكىزىلدى. ولار سالقىنداتقىشتارمەن, پاندۋستارمەن, بەينەكامەرالارمەن, جولاۋشىلار اعىنىنىڭ داتچيكتەرىمەن, GPS-ترەكەرلەرمەن جابدىقتالعان. جولاۋشىلاردىڭ جالپى سىيىمدىلىعى – 56 ادام, اۆتوبۋس ۇزىندىعى – 8,5 مەتر.
سالتاناتتى جيىندا شاھار باسشىسى اۆتوبۋستاردىڭ مۇمكىندىكتەرىمەن تانىستى. قالا كۇنىنە وراي №138, 153 باعىتتا قاتىنايتىن سۋ جاڭا اۆتوبۋستار قالا تۇرعىندارىنا قىزمەت كورسەتە باستادى.
شىمكەنت
