«2008 جىلدان بەرى ءداستۇرلى تۇردە وتكىزىلىپ كەلە جاتقان الەۋمەتتىك باستامالار مەن جوبالار جارمەڭكەسىندە, اسىرەسە, باستاماشىل توپتار ارنايى تىركەلمەي-اق ءوزىنىڭ باستامالارىن, جوبالارىن جۇزەگە اسىرۋعا مۇمكىندىك الادى. جارمەڭكەگە قاتىسۋ جاس تاڭدامايدى, وعان بالادان ەرەسەكتەرگە دەيىن ءوزىنىڭ جوباسىن ۇسىنا الادى. ولار جەرگىلىكتى جەردەگى وزدەرى كورىپ وتىرعان الەۋمەتتىك جاعدايلاردى جاقسارتۋعا تالپىنادى» دەيدى وبلىستاعى «گرين» ازاماتتىق اليانسى» قق تورايىمى دينارا وتەباەۆا. جارمەڭكەگە 7 اتالىم بويىنشا كوپتەگەن وتىنىشتەر ءتۇستى. سونىڭ ىشىندە ءتورت جوبا 500 مىڭ تەڭگەنىڭ سەريفيكاتىنا يە بولدى. جارمەڭكەدە ءبىرىنشى رەت اۋىلداعى ۇكىمەتتىك ەمەس ۇيىمدار الەۋەتىن ارتتىرۋعا ماڭىز بەرىلدى. جارمەڭكە اياسىندا سالالىق باسقارمالاردىڭ ۇەۇ وكىلدەرىمەن كەزدەسۋى, رەسپۋبليكالىق ۇەۇ وكىلدەرىنىڭ قاتىسۋىمەن سۇحبات الاڭى ۇيىمداستىرىلدى.
ۇزدىك دەپ تانىلعان باستامالار مەن جوبالار يەسىنە سەرتيفيكاتتى وبلىس اكىمىنىڭ ورىنباسارى مارات جۇندىباەۆ تاپسىردى. قازىلار القاسى الەۋمەتتىك باستامالار مەن جوبالار جارمەڭكەسىنىڭ 7 جەڭىمپازىنا 200 مىڭ تەڭگەنىڭ سەرتيفيكاتىن, ال جەرگىلىكتى قوعامداستىقتار ماسەلەلەرىن شەشۋگە باعىتتالعان ۇزدىك 4 الەۋمەتتىك جوباعا 500 تەڭگەنىڭ سەرتيفيكاتىن تاپسىردى. «اۋىل ۇەۇ الەۋەتىن كوتەرۋ» نوميناتسياسى بويىنشا 8 جوباعا 500 تەڭگەنىڭ ميني-گرانتى تاپسىرىلدى. سونىمەن قاتار ەكى شاعىن گرانتتى بيزنەس-قوعامداستىق تاپسىردى.
سەرتيفيكات العان جوبالاردىڭ اراسىندا جۇمىسسىزدىقپەن كۇرەسۋ, اۋىل سپورتىن كوتەرۋ, اۋرۋ بالالارعا كومپيۋتەر ۇيرەتۋ سەكىلدى وزەكتى پروبلەمالار قامتىلعان.
