تاعايىنداۋ • 24 ماۋسىم، 2019

اقتوبە قالاسىنا جاڭا اكىم تاعايىندالدى

141 رەتكورسەتىلدى

بۇگىن اقتوبە قالاسىنا جاڭا اكىم تاعايىندالدى. پرەزيدەنت اكىمشىلىگىنىڭ جانە اقتوبە قالالىق ءماسليحاتتىڭ كەلىسىمى بويىنشا وبلىس اكىمى وڭداسىن ءورازاليننىڭ وكىمىمەن بۇل قىزمەتكە ماۆر ابدۋللين كىرىستى.

جاڭا اكىمدى  قالا اكتيۆىنە ارنايى تانىستىرعان ايماق باسشىسى ونىڭ الداعى جۇمىسىنا ساتتىلىك تىلەي وتىرىپ، قىزمەت بارىسىندا  ەلباسى بەكىتكەن باعدارلامالاردى ساپالى جۇزەگە اسىرۋ قاجەتتىگىن ايتتى.

- قالادا تۇرعىن ۇيمەن قامتۋ، كوپ بالالى انالاردىڭ الەۋمەتتىك جاعدايىنا وڭدى ىقپال ەتۋ، ەكولوگيالىق جاعدايدى قالىپقا كەلتىرۋ بويىنشا، جۇيەلى جۇمىستار جۇرگىزىلۋدە. قالا تۇرعىندارىمەن اۋىزبىرشىلىكتە جۇمىس جاسايدى دەپ  سەنەمىن، جاڭا اكىم وسى باعىتتاعى جۇمىستاردى جەدەلدەتىپ، ساپالى تۇردە اتقارۋ قاجەت، -دەدى وڭداسىن ورازالين.

ماۆر  ەرعالي ۇلى ابدۋللين 1973 جىلى تۋعان. باتىس قازاقستان اۋىل شارۋاشىلىعى ينستيتۋتىن ەكونوميست-مەنەدجەر ماماندىعى بويىنشا بىتىرگەن. ويىل اۋداندىق مادەنيەت ءبولىمىنىڭ مەڭگەرۋشىسى، ويىل اۋدانى اكىمىنىڭ ورىنباسارى، وبلىستىق اۋىل شارۋاشىعى باسقارماسى باسشىسىنىڭ ورىنباسارى، ويىل، العا اۋداندارىنىڭ اكىمى قىزمەتتەرىن اتقاردى.   

وبلىس اكىمى اقتوبە قالاسىن 3 جىل باسقارعان ءىلياس يسپانوۆتىڭ قالانىڭ دامۋىنا قوسقان ۇلەسىن، الەۋمەتتىك-ەكونوميكالىق جاعدايىن كوتەرۋگە اتسالىسقانى ءۇشىن العىسىن ءبىلدىرىپ، جاڭا قىزمەتىنە ساتتىلىك تىلەدى.

سوڭعى جاڭالىقتار

ارىماس ابىروي

رۋحانيات • كەشە

كونەدەن كەلگەن كونەك

رۋحانيات • كەشە

شىمبۇلاق شاڭعى ماۋسىمىن اشتى

قىسقى سپورت • كەشە

اتباسار

رۋحانيات • كەشە

ۇقساس جاڭالىقتار