باسقارما باسشىسى ۆيدەوجازباسى ارقىلى ارىس قالاسىنداعى توتەنشە جاعدايعا بايلانىستى بوگەن سۋ قويماسىنا قاتىستى تاراعان قاۋەسەتتى جوققا شىعارادى. «ارىس ارناسىنان سەكۋندىنا 47 تەكشە مەتر سۋ شارۋالاردى اعىنسۋمەن قامتاماسىز ەتۋگە بوساتىلىپ جاتىر. بوگەن سۋ قويماسىنا بايلانىستى ەشقانداي دا قاۋىپ جوق. وسىندا تۇركىستان وبلىسى «Nur Otan» پارتياسى فيليالى توراعاسىنىڭ ءبىرىنشى ورىنباسارى نۇرماحان جولداسوۆ پەن وتىرار اۋداندىق توتەنشە جاعدايلار باسقارماسىنىڭ ماماندارى تولىعىمەن بوگەن سۋ قويماسىن كورىپ شىقتى. بوگەن سۋ قويماسىنا قاتىستى ەشقانداي دا قاۋىپ ءتونىپ تۇرعان جوق», دەدى ن. بادراقوۆ.
ايتا كەتەيىك, بۇگىن تۇركىستان وبلىسىنىڭ ارىس قالاسىنداعى اسكەري ءبولىمنىڭ قويماسىندا جارىلىس بولدى.
