سالتاناتتى شاراعا سالا ارداگەرلەرى, قىزمەت بابىندا قازا تاپقان پوليتسيا قىزمەتكەرلەرىنىڭ وتباسى مۇشەلەرى, جاس قىزمەتكەرلەردىڭ اتا-انالارى دا قاتىستى.
قازاقستان رەسپۋبليكاسى ىشكى ىستەر ءمينيسترى ەرلان تۇرعامباەۆتىڭ بۇيرىعى وقىلىپ, ۇزدىك سالا قىزمەتكەرلەرىنە مەدالدار, وفيتسەرلىك پوگوندار, ماقتاۋ قاعازدارى مەن العىس حاتتار تاپسىرىلدى. سونداي-اق وڭىردە ۇزدىك قىزمەتىمەن كوزگە تۇسكەن 1319 قىزمەتكەرىن وبلىستىق دەپارتامەنت باستىعى ءوز بۇيرىعىمەن ماراپاتتادى.
- حالىق سىزدەردەن جوعارى كاسىبي بىلىكتىلىكتى, ادالدىق پەن ءتاپتىپتى كۇتەدى. قۇقىقتىق ءتارتىپتىڭ مىزعىماس ساقشىسى, حالىققا بەرگەن انتتارىڭىزعا ادال بولىڭىزدار, - دەدى دەپارتامەنت باستىعى ماقسۇدحان ءابلازىموۆ ءوز
تاۋەلسىزدىك جىلدارىندا باتىس قازاقستان وبلىسى بويىنشا پوليتسيانىڭ 32 قىزمەتكەرى قىزمەت بابىندا ءجۇرىپ قازا تاپقان ەكەن. ارىپتەستەرى بۇل جولداستارىن ەشقاشان ەسىنەن شىعارمايدى. دەپارتامەنت باسشىلارى, ارىپەتستەرى بۇل جولى دا قازا بولعان ساقشىلاردىڭ وتباسىنا اقشالاي سىيلىق, گۇل ۇسىنىپ, قۇرمەت كورسەتتى.
مەملەكەت باسشىسىنىڭ جارلىعىمەن اسا قاۋىپتى قىلمىسكەرلەردى ۇستاپ, ۇيىمداسقان قىلمىسكەرلەردىڭ جولىن كەسكەن باتىسقازاقستاندىق 75 پوليتسيا قىزمەتكەرى جوعارى مەملەكەتتىك ناگرادالارعا يە بولدى.
