ء ىس-شاراعا ماڭعىستاۋ وبلىستىق سوتىنىڭ سۋدياسى گۇلاجار باقىتجانوۆا جانە اۋداندىق سوتتاردىڭ سۋديالارى, ماڭعىستاۋ وبلىسىنىڭ كاسىپوداقتار ورتالىعىنىڭ توراعاسى كيىكباي جاۋلين, ەڭبەك ينسپەكتسياسى باسقارماسى, «اتامەكەن» كاسىپكەرلەر پالاتاسى وڭىرلىك فيليالى, مەكەمە وكىلدەرى, مەدياتورلار قاتىستى.
-دوڭگەلەك ۇستەل بارىسىندا سپيكەرلەر ەڭبەك داۋلارىن شەشۋ بارىسىنداعى سوت تاجىريبەسى, كەلىسۋ كوميسسياسىندا ءوتىنىشتى قاراۋ كەزىندەگى وزەكتى ماسەلەلەر, كورپوراتيۆتىك داۋلاردى قاراۋ بارىسىنداعى سوت پراكتيكاسى, ەڭبەك قىزمەتىنە بايلانىستى جازاتايىم وقيعالاردى تەرگەپ-تەكسەرۋ كەزىندەگى تۋىندايتىن سۇراقتار تاقىرىبىندا باياندامالار وقىدى. سونداي-اق, ءىس-شارادا ورتا جانە شاعىن كاسىپكەرلەرگە قاتىستى ەڭبەك داۋلارى, جۇمىسكەردى باسقا جۇمىسقا اۋىستىرۋ, تارتىپتىك جازانى قولدانۋ, ەڭبەك داۋلارى بويىنشا تاتۋلاسۋ پروتسەدۋرالارى تۋرالى قۇندى اقپاراتتار تالقىعا سالدى, دەيدى ماڭعىستاۋ وبلىستىق سوتىنىڭ ءباسپاسوز مامانى نۇرشات وتەۋليەۆا.
دوڭگەلەك ۇستەلدە ءسوز العان اقتاۋ قالاسىنىڭ №2 سوتىنىڭ سۋدياسى كانزيبا رىسقاليەۆا قازاقستان رەسپۋبليكاسى ازاماتتىق پروتسەستىك كودەكسىندەگى تاتۋلاستىرۋ راسىمدەرىنە توقتالىپ, ءوڭىر بويىنشا تالاپ قويۋشىلار كوپ جاعدايدا بۇرىنعى جۇمىسىنا قايتا ورنالاستىرۋ, بوس جۇرگەن كۇندەرىنە ەڭبەكاقى ءوندىرۋ, جۇمىس بەرۋشىنىڭ ەڭبەك ەتۋ كەزىندە كەلتىرگەن مورالدىق جانە ماتەريالدىق زيانىنا وتەماقى ءوندىرۋ تۋرالى تالاپتارمەن جۇگىنەتىندىگىن اتاپ ءوتتى.
ودان ءارى مەدياتور مۋسا نۇرجانوۆ وڭىردەگى كاسىپوداقتار ۇيىندە تاتۋلاستىرۋ ورتالىعى مەن مەدياتسيا كابينەتى جۇمىس جاسايتىندىعىنا توقتالىپ, ءىس جۇزىندە ەڭبەك داۋلارى تاراپتار تاراپىنان كەلىسسوزدەر ارقىلى, ەڭبەك داۋىن شەشۋ كوميتەتىنە, سوتقا جۇگىنۋ ارقىلى جانە ت.ب. جولدارمەن شەشىلۋى مۇمكىن ەكەندىگىن اتاپ ءوتتى.
سونداي-اق, ول ەڭبەك داۋلارىنا قاتىستى مەدياتسيا ءراسىمى ۇجىمداعى پسيحولوگيالىق شيەلەنىستى, قىزمەتكەر مەن جۇمىس بەرۋشىنىڭ اراسىنداعى جانجال مەن قاقتىعىس كۇشەيۋىن ازايتاتىنىن, كومپانيانىڭ بەدەلىن ساقتاۋعا مۇمكىندىك بەرەتىنىن, ۇجىم جانە كاسىپورىننىڭ داۋلارىن رەتتەۋ راسىمدەرىنىڭ شىعىندارىن ازايتاتىندىعىنا توقتالدى.
دوڭگەلەك ۇستەل سوڭىندا قاتىسۋشىلار ۇسىنىستارىن ورتاعا سالىپ, وي-پىكىرلەرىمەن ءبولىستى.
