ايماقتار • 20 ماۋسىم، 2019

ماڭعىستاۋلىق تۇلەكتەردىڭ العاشقى لەگى ۇبت تاپسىرۋدا

144 رەتكورسەتىلدى

جالپى وڭىردە 20-ماۋسىمدا ءبىلىم سىناعىنىڭ ءبىرىنشى كەزەڭى باستالادى. وبلىس بويىنشا ۇبت 4 پۋنكتە وتكىزىلەدى. بۇل تۋرالى وڭىرلىك كوممۋنيكاتسيالار قىزمەتى الاڭىندا وتكەن بريفينگتە ماڭعىستاۋ وبلىسى ءبىلىم باسقارماسىنىڭ باسشىسى سەيداليەۆ اسقار ءابي ۇلى مالىمدەدى.

ولار - اقتاۋ قالاسى، ش.ەسەنوۆ ۋنيۆەرسيتەتىنىڭ عيماراتىندا، جاڭاوزەن قالاسىنداعى 19-مەكتەپتە، سونداي-اق، ماڭعىستاۋ اۋدانى، ب.جۇماليەۆ ورتا مەكتەبى عيماراتىندا جانە بەينەۋ اۋدانىنداعى كۇيكەن ورتا مەكتەبىندە.  تەست وتەتىن ورتالىقتار سالقىنداتقىش، مەتالل انىقتايتىن جانە ۇيالى تەلەفوننىڭ دىبىسىن تۇنشىقتىرعىش قۇرالدار، تۇلەكتەر ءۇشىن سۋ بەرەتىن قۇرىلعىلارمەن تولىقتاي جابدىقتالعان. بارلىق ورتالىقتاردا جەرگىلىكتى پوليتسيا وكىلدەرى مەن دەنساۋلىق ساقتاۋ قىزمەتكەرلەرى قىزمەت ەتەتىن بولادى. 3 ساعات 50 مينۋتقا سوزىلاتىن ءبىلىم سىناعىنا وبلىس بويىنشا 5596 مەتكەپ ءبىتىرۋشىنىڭ 4298-ءىى قاتىسۋعا نيەت بىلدىرگەن.  ESENOV UNIVERSITY بازالىق فاكۋلتەتىنىڭ دەكانى، قابىلداۋ كوميسسياسىنىڭ جاۋاپتى حاتشىسى قايىربەك ماكۋلوۆتىڭ ايتۋىنشا، بيىلعى سىناقتىڭ ەڭ باستى ەرەكشەلىگى وسى جىلدان باستاپ جىلىنا 4 مارتە وتكىزىلەدى. وسىعان دەيىن قاڭتار-ناۋرىز ايلارىندا وتكەن سىناق قورىتىندىسىمەن ءبىتىرۋشى اقىلى وقۋ ورىنىنا تاپسىراتىن بولسا، وسى ماۋسىمداعى سىناق اقىسىز وقۋعا تۇسۋگە مول مۇمكىندىك بەرمەك. جالپى، سوڭعى ۇبت تامىز ايىندا وتەدى. بارلىق پۋنكتەردى جەرگىلىكتى ءبىلىم ءبولىم  باسشىلارى، قوعامدىق مەكەمە جانە بۇقارالىق اقپارات وكىلدەرىنەن قۇرىلعان  كوميسسيا باقىلايدى.

-بيىل 4 پۋنكتە 4 قىزمەتكەرىمىز باقىلاۋدى جۇزەگە اسىراتىن بولادى. ولار رەسپۋبليكادان كەلگەن مينيسترلىك وكىلدەرىمەن بىرىگىپ ۇبت كەزىندە قۇقىق بۇزۋشىلىق جانە باسقالاي تارتىپسىزدىكتەر ورىن الماۋىن قاداعالايدى. الدىڭعى جىلدارى سىناق ۋاقىتىندا ورەسكەل ءتارتىپ بۇزۋشىلىقتار تىركەلگەن ەمەس، دەدى ماڭعىستاۋ وبلىسىنىڭ ءبىلىم سالاسىنداعى باقىلاۋ دەپارتامەنتىنىڭ باسشىسى ومىرزاق ەسبولات.

ادەتتەگىشە 5 پاننەن تۇراتىن سىناق وبلىستا  29 ماۋسىمدا قورىتىندىلانادى. ال، 30 ماۋسىمدا تۇلەكتەر اپپەلياتسياعا قاتىسا الادى. رەسپۋبليكا بويىنشا 117 مىڭ وقۋشى التىن ۇيا مەكتەپتەرىنەن تۇلەپ ۇشسا، قاتارىندا 159 ماڭعىستاۋلىق «التىن بەلگى» يەگەرى بار. مەملەكەتتىك گرانتتىڭ تاپسىرىسى قازىرگى تاڭدا 66556 قۇراپ وتىر. ونىڭ 51085 ءى باكالاۆريات، 2312 دوكتورانتۋراعا تۇسەتىن ۇمىتكەرلەرگە جانە 11085 ءى ماگيستراتۋراعا نيەتتىلەرگە ارنالعان.

ماڭعىستاۋ وبلىسى



سوڭعى جاڭالىقتار

التىن وردانىڭ اق تاڭى

رۋحانيات • كەشە

كۇلكى كەرۋەنى № 23

رۋحانيات • كەشە

جاڭعىرعان جامبىل ءوڭىرى

ايماقتار • كەشە

رۋحاني راۋىشتەگى تارتۋ

ايماقتار • كەشە

ۇقساس جاڭالىقتار