نورۆەگيانىڭ سىرتقى ىستەر ءمينيسترى ينە ەريكسەن سورەيدەمەن وتكەن كەزدەسۋ بارىسىندا قازاقستان مەن نورۆەگيا ساياسي, دانەكەرلىك, يادرولىق قارۋدى تاراتپاۋمەن قارۋسىزدانۋ سالاسىنداعى ىنتىماقتاستىقتى نىعايتۋعا نيەتتى ەكەنى اتاپ ءوتىلدى. نورۆەگيا ءمينيسترى قازاقستاننىڭ جاھاندىق يادرولىق قاۋىپسىزدىگىنە قوسقان زور ۇلەسىن اتاپ ءوتتى. سۇحباتتاسۋشىلار نورۆەگيانىڭ قارجىلىق قاتىسۋىمەن وسكەمەن قالاسىنداعى ءۇلبى مەتاللۋرگيالىق زاۋىتىندا اەحا تومەن بايىتىلعان ۋران وتىنىنىڭ بانكىن قۇرۋ جانە ەكى ەلدىڭ يراننىڭ يادرولىق باعدارلاماسى بويىنشا بىرلەسكەن كەشەندى ءىس-قيمىل جوسپارىن ىسكە اسىرۋعا قاتىسۋى ايقىن مىسال بولىپ تابىلاتىن يادرولىق قاۋىپسىزدىك سالاسىنداعى ءوزارا ارەكەتتەستىكتىڭ بار تاجىريبەسىن اتاپ ءوتتى.كەزدەسۋ بارىسىندا ساۋدا-ەكونوميكالىق ىقپالداسۋدى نىعايتۋ تۇرعىسىندا كولىكپەن لوگيستيكا, اۋىل شارۋاشىلىعى مەن مەديتسينا سالالارىندا يگى پەرسپەكتيۆالار بار ەكەنى اتالىپ ءوتتى.
سىرتقى ىستەر مينيسترلەرىنىڭ ورىنباسارلارى دەڭگەيىندە اعىمداعى جىلدىڭ قاراشا ايىندا نۇر-سۇلتاندا كەزەكتى ءسىم-ارالىق كونسۋلتاتسيالار وتكىزۋ تۋرالى ۋاعدالاستىققا قول جەتكىزىلدى.
ورتالىق ازياداعى جاعداي تۋرالى ايتا وتىرىپ, تاراپتار اۋعانستاندى تۇراقتاندىرۋعا حالىقارالىق قوعامداستىقتىڭ ودان ءارى كومەك كورسەتۋىنىڭ ماڭىزدىلىعىن اتاپ ءوتىپ, ءوڭىر مەملەكەتتەرىنىڭ ءوزارا ءىس-قيمىلىنىڭ وڭ ديناميكاسىن اتاپ ءوتتى. مۇنداي قولداۋدىڭ مىسالى ەو, قازاقستان جانە وزبەكستاننىڭ قاتىسۋىمەن اۋعانستان ءۇشىن ۇشجاقتى ءبىلىم بەرۋ باعدارلاماسى بولىپ تابىلادى.
نورۆەگيا پارلامەنتىنىڭ سىرتقى ىستەر جونىندەگى تۇراقتى كوميتەتىنىڭ ءتورايىمى اننيكەن حاتفەلدپەن وتكەن كەزدەسۋدە ەكى جاقتى ىنتىماقتاستىقتى نىعايتۋداعى پارلامەنتتىك ديپلوماتيانىڭ ەرەكشە ءرولى اتاپ ءوتىلدى. كەزدەسۋ بارىسىندا سۇحباتتاسۋشىلار ەۋرازياداعى ديالوگتى نىعايتۋدىڭ جانە ءۇ.ج. 23-24 قىركۇيەكتە نۇر-سۇلتاندا وتەتىن ەۋرازيالىق پارلامەنتتەرى سپيكەرلەرىنىڭ 4-ءشى كەزدەسۋدىڭ ماڭىزدىلىعىن اتاپ ءوتتى. نورۆەگيالىق پارلامەنتاريدىڭ نازارىنا قازاقستاننىڭ تۇڭعىش پرەزيدەنتى - ەلباسى نۇرسۇلتان نازارباەۆتىڭ ءۇ.ج. ساۋىردە بەيجىڭدە وتكەن «ءبىر بەلدەۋ, ءبىر جول» حالىقارالىق ىنتىماقتاستىق 2-ءشى فورۋمىندا ۇسىنعان «ءۇش ديالوگ» تۋرالى باستاماسى جانە بۇل ديالوگتاردى ورناتۋ بويىنشا قازاقستان سىرتقى ىستەر ءمينيسترلىنىڭ كۇش-جىگەرىمەن قولعا الىنعان اقپارات جەتكىزىلدى.
