قوعام • 20 ماۋسىم، 2019

ىنتىماعى جاراسقان ەلدىڭ ىرىسى مول

144 رەتكورسەتىلدى

كەشە نۇر-سۇلتان قالاسىنداعى ۇلتتىق اكادەميالىق كىتاپحانادا قازاقستان حالقى اسسامبلەياسى عىلىمي-ساراپتامالىق كەڭەسىنىڭ كەڭەيتىلگەن وتىرىسى ءوتتى.

وتىرىسقا ءبىلىم جانە عىلىم، مادە­نيەت جانە سپورت، اقپارات جانە قوعامدىق دامۋ مينيسترلىكتەرىنىڭ وكىلدەرى، قحا مەن عىلىمي-ساراپ­تامالىق كەڭەس مۇشەلەرى، ءوڭىر­لەردىڭ عىلىمي-ساراپتامالىق توپتارى­نىڭ باسشىلارى، جوو رەكتورلارى، اسسامبلەيا كافەدرالارىنىڭ مەڭگەرۋ­شىلەرى جانە جاستار ۇيىمدارىنىڭ وكىلدەرى قاتىستى.

القالى جيىندا قازاقستان حالقى اسسامبلەياسى توراعاسىنىڭ ورىنباسارى جانسەيىت تۇيمەباەۆ مەملەكەت باسشىسى قاسىم-جومارت توقاەۆتىڭ سايلاۋالدى باعدارلاماسىندا كورسە­تىل­گەن نەگىزگى باعىتتارعا توقتالىپ، قوعام­دىق بىرلىك پەن ىشكى ساياسي تۇراق­تىلىقتى ساقتاۋ مەن ۇلتارالىق قاتى­ناستاردى رەتتەۋدىڭ ءتيىمدى تەتىكتەرى تۋرالى ءسوز قوزعادى.

– بۇگىنگى تاڭدا قازاقستان حالقى اسسامبلەياسى ساياسي تۇراقتىلىقتىڭ، ەتنوسارالىق جانە كونفەسسياارالىق كەلىسىمنىڭ، ەل تىنىشتىعى مەن بىرلىگىنىڭ ۇيىتقىسى بولىپ وتىر. تەك ىنتىماعى جاراسقان ەلدىڭ عانا ىرىسى مەن تابىسى مول بولماق. اسسامبلەيا قوعامداعى ءتۇرلى وزگەرىستەرگە، ۋاقىت تالابىنا سايكەس جۇمىس ىستەۋى ءتيىس. بۇل باعىتتا جاڭا تاسىلدەر مەن ادىستەر قاجەت. عىلىمي-ساراپتامالىق كەڭەستىڭ باستى مىندەتى وسى دەپ بىلەمىن. اتالعان كەڭەس الدىمەن قوعامداعى پروتسەستەردى تەرەڭ ۇعىنىپ، جاڭا ترەندتەر مەن سىن-قاتەرلەردى انىقتاۋ كەرەك. ول ءۇشىن ناقتى پراكتيكالىق ۇسىنىستاردى ازىرلەپ، ساياسي جاعدايلارعا بولجام جاساۋ ماڭىزدى. ەكىنشىدەن، عالىمدار مەن ساراپشىلاردىڭ قوعامدىق-ساياسي الاڭىن قۇرۋ كەرەك. رەسمي ءباسپاسوز بەتتەرىندە عانا ەمەس، الەۋمەتتىك جەلىلەردە دە انىق ءارى ۇعىنىقتى ءتۇسىندىرۋ جۇمىستارىن جۇرگىزۋ ماڭىزدى، – دەدى ج.تۇيمەباەۆ.

كەلەلى كەڭەس بارىسىندا قحا عىلىمي-ساراپتامالىق كەڭەسى­نىڭ ءتورايىمى، الەۋمەتتانۋ عىلىمدا­رىنىڭ دوكتورى ايگۇل سادۋاقاسوۆا قازىرگى كەزدەگى قازاقستان حالقىنىڭ بىرەگەيلىگى مەن بىرلىگى: دامۋ ۇردىستەرى تاقىرىبىندا بايانداما جاسادى. ال «ەكونوميكالىق زەرتتەۋلەر ينستيتۋتى» اق باسقارما توراعاسىنىڭ ورىنباسارى، ەكونوميكا عىلىمدارىنىڭ دوكتورى شاحاربانۋ جاقىپوۆا قوعامنىڭ ەتنوالەۋمەتتىك قۇرىلىمى تۋرالى ەگجەي-تەگجەيلى ايتىپ بەردى.

قۇرامىندا 52 عالىم بار عىلىمي-ساراپتامالىق كەڭەستىڭ ماقساتى – قوعامدى الاۋىزدىقتان ساقتاۋ، حالىق ساناسىنا دەموكراتيالىق قۇندىلىقتاردىڭ ءدانىن ەگۋ، جاس­تاردى وتانسۇيگىشتىككە تاربيەلەپ، ەتنوسارالىق قاتىناستاردى نىعايتۋ. جينالعان قاۋىم وسى باعىتتا ات­قارىلاتىن جۇمىستاردى جان-جاق­تى تالقىلاپ، ورتاعا ءوز پىكىرلەرىن تاس­تادى.

سوڭعى جاڭالىقتار

ەگەمەندىكتەر ەلگە شىقتى

قازاقستان • بۇگىن، 11:19

ەلوردا ورتالىعىندا اۆتوكولىك ورتەندى

قازاقستان • 15 قاراشا، 2019

ءباسپاسوز ءرولى – باستى ماسەلە

ادەبيەت • 15 قاراشا، 2019

قازاقستانعا شەتەلدىك بانكتەر كەلەدى

ەكونوميكا • 15 قاراشا، 2019

قوستاناي فيلارمونياسىنا 75 جىل تولدى

رۋحانيات • 15 قاراشا، 2019

جاڭا ۇلگىدەگى كولىكتەر

قوعام • 15 قاراشا، 2019

ۇقساس جاڭالىقتار