ايماقتار • 20 ماۋسىم، 2019

اتىراۋلىقتاردىڭ ءومىر ءسۇرۋ ۇزاقتىعى جوعارىلادى

140 رەتكورسەتىلدى

ادام كاپيتالىن دامىتۋ ساياساتىنىڭ باعىت-باعدارى مەملەكەت باسشىسىنىڭ ۇلىقتاۋ راسىمىندە سويلەگەن سوزىندە ايرىقشا ايتىلدى. ەلىمىزدى تابىسقا باستايتىن باعىتتاردىڭ قاتارىندا ادىلەتتى الەۋمەتتىك ساياسات تا بار. بارلىق تۇرعىنعا ساپالى مەديتسينالىق قىزمەت كورسەتۋدى قامتاماسىز ەتۋ جونىندەگى پرەزيدەنت تاپسىرماسى مۇنايلى ايماقتا قالاي جۇزەگە اسپاق؟

سوڭعى ەكى جىلدا اتىراۋدا ءولىم-ءجىتىم كورسەتكىشى تومەندەدى. ال ءومىر ءسۇرۋ ۇزاقتىعى – 73،22 جاسقا جەتىپ، بۇرىنعى دەڭگەيدەن ءبىراز ءوستى. سونىڭ ىشىندە انالار ءولىمىنىڭ 52 پايىزعا ازايعانى حالىق دەنساۋلىعىن جاقسارتۋعا باعىتتالعان شارالاردىڭ ناتيجەسىز ەمەس ەكەنىن كورسەتەدى. وبلىستىق دەنساۋلىق ساقتاۋ باسقارماسىنىڭ باسشىسى مانشۇك ايمۇرزيەۆا: «مەديتسينالىق مەكەمەلەردى قازىرگى زامانعى تەحنولوگيامەن قامتاماسىز ەتۋ جۇمىسى جالعاسىن تابۋدا. بيىل جەرگىلىكتى بيۋدجەتتەن ارنايى قارجى قارالىپ، اۋداندىق اۋرۋحانالارعا جىلجىمالى مەديتسينالىق كەشەن، ناركوزدى تىنىس الۋ اپپاراتى، تسيفر­لى رەنتگەن، فەتالدى مونيتور اپپاراتتارى سەكىلدى باسقا دا زاماناۋي قۇرال-جابدىقتار ساتىپ الىندى. وڭالتۋ جانە مەدبيكەلىك كۇتىمدى دامىتۋ، فتيزيوپۋلمونولوگيالىق ساناتوري اشۋ دا بيىلعى جوسپاردا بار. ءتورت اۋداندا ەرەكشە بالالاردى وڭالتۋعا ارنالعان بولىمدەر اشىلادى»، دەيدى.

مەديتسينالىق مەكەمەلەردىڭ جاڭا جابدىقتارمەن تولىعۋى قاشاندا نازاردا. بۇگىندە اتىراۋداعى ەمدەۋ ۇيىمدارىندا سوڭعى ۇلگىدەگى قۇرال-جابدىقتاردىڭ قاتارى كوپ. كۇنى كەشە وبلىستىق پەريناتال­دىق ورتالىققا تاعى ءبىر جاڭا اپپارات الىندى. ەلباسىنىڭ بيز­نەس­تىڭ الەۋمەتتىك جاۋاپكەرشى­لىگى تۋرالى تاپسىرماسى اياسىندا «ەكسونموبيلقازاقستانينك» كومپانياسى وكپەگە جاساندى جەلدەتۋ جاساۋ قۇرىلعىسىن سىيعا تارتتى. وبلىستىق دەنساۋلىق ساقتاۋ باسقارماسىنىڭ ءبولىم باسشىسى گۇلنافيس تاڭباەۆانىڭ ايتۋىنشا، پەريناتالدىق ورتالىقتا ورتا ەسەپپەن ايىنا 160 وتا جاسالادى. ەندى وتا كەزىندە وكپەنى جاساندى جەلدەتەتىن قۇرىلعى دايىن تۇرادى، بۇل ءوز كەزەگىندە انا مەن بالا دەنساۋلىعىنا وڭ ىقپال ەتەتىن جايت. جالپى، مۇنايلى ايماقتا ءىرى وندىرىستىك كاسىپورىندار دەنساۋلىق ساقتاۋ مەكەمەلەرىنە ءجيى دەمەۋشىلىك كورسەتەدى. مىسالى، جوعارىدا اتال­عان ءبىر عانا كومپانيا بۇعان دەيىن شالا تۋعان نارەستەلەردى كۇتىپ-باعۋ جاب­دىعىن، قۇرساقتاعى ءسابيدىڭ جاع­دايىن باقىلايتىن فەتالدى مونيتورلار مەن 11 جەدەل جاردەم كولىگىن سىيعا تارتقان. 

پرەزيدەنت قاسىم-جومارت توقاەۆ: «ءبىز مۇعالىمدەر مەن دارىگەر­لەردىڭ مارتەبەسىن كوتەرەتىن جاڭا زاڭدار قابىلدايمىز. ولاردىڭ قۇقىعىن قورعاپ، ماتەريالدىق جاع­دايىن جاقسارتۋ ءۇشىن ءتيىستى قولداۋ كورسە­تەمىز»، دەدى. مەملەكەت تاراپىنان بيۋدجەتتىك سالا قىزمەتكەرلەرىنە كور­سەتىلەتىن قولداۋ شارالارىنىڭ اياسى كەڭەيەتىنى ايماقتاعى مامان­داردىڭ دا ەرتەڭگە دەگەن سەنىم­دەرىنە، ادال جۇمىس ىستەۋگە دەگەن قۇلشىنىستارىنىڭ ارتۋىنا وڭ ىقپالىن تيگىزەرى انىق. ال جەرگىلىكتى دەڭگەيدە قانداي جۇمىستار اتقارىلادى؟ وبلىستىق دەنساۋلىق ساقتاۋ باسقارماسىنىڭ باسشىسى مانشۇك قۇدايبەرگەنقىزى ۋچاسكەلىك مەديتسينا قىزمەتكەرلەرىنىڭ ەڭبەك-ا­قى­سىن 20 پايىزعا ءوسىرۋ كوزدە­لىپ وتىرعانىن ايتادى. بيىل اۋىل­دارداعى مەديتسينالىق مەكەمەلەردى قارجىلاندىرۋعا 6 949،2 ملن تەڭگە بولىنگەن. جىل سوڭىنا دەيىن 5 امبۋ­لاتوريالىق-ەمحانا ۇيىمى، 1 اۋرۋحا­نا پايدالانۋعا بەرىلەدى. 2025 جىلعا دەيىن وبلىستا 29 اۋىلدىق امبۋلاتوريالىق ەمحانا ۇيىمى مەن ءبىر اۋرۋحانا سالۋ جوسپارلانعان. مۇنىڭ ءبارى شالعايداعى اۋىل تۇر­عىندارىن ساپالى، قولجەتىمدى مەديتسينالىق قىزمەتپەن قامتاماسىز ەتۋگە باعىتتالعان شارالار. دەن­ساۋ­لىق ساقتاۋ ۇيىمدارىندا ءبىر دارىگەرگە جۇكتەلگەن جۇمىس اۋقىمىن ازايتۋ قول­عا الىنۋدا. تالاپ بويىنشا ءبىر دارىگەرگە بەلگىلەنگەن ادام سانى 1700-دەن اسپاۋى ءتيىس، ال ايماقتا بۇل دەڭگەيگە قول جەتكىزۋ ءۇشىن ءالى 88 جالپى تاجىريبەلى دارىگەر قاجەت. جاسىراتىنى جوق، اتىراۋدا دارىگەر تاپشىلىعى ماسەلەسى كۇن تارتىبىنەن تۇسپەي كەلەدى. قازىردىڭ وزىندە الىستاعى اۋىلدار 30 مەديتسينا مامانىنا مۇقتاج. وبلىس اكىمى نۇرلان نوعاەۆ جىل باسىندا يندەر اۋدانىنا بارعان ءىسساپار بارىسىندا: «مەديتسينا سالاسىنا تاپشى مامانداردى الدىرايىق جانە ولار مىندەتتى تۇردە باسپانامەن قامتاماسىز ەتىلۋى كەرەك. جەرگىلىكتى بيلىك مەديتسينا قىزمەتكەرلەرىنە بارلىق جاعدايدى جاساۋعا دايىن» دەپ اتاپ وتكەن بولاتىن. وسى پروبلەمانى شەشۋ ماق­ساتىندا وبلىستىق اكىمدىك تاراپىنان ناقتى شارالار قولعا الىندى. بيىل ەلىمىزدەگى مەديتسينالىق وقۋ ورىن­دارىنىڭ 214 تۇلەگى اتىراۋعا جۇ­مىس­قا كەلەدى دەپ كۇتىلۋدە. دەمەك، اۋرۋ­­حانالاردىڭ اق حالاتتىلارمەن تو­لىق قامتىلاتىن كۇنى دە الىس ەمەس.

 

اتىراۋ

سوڭعى جاڭالىقتار

تولەم الۋعا – Telegram-بوت

قوعام • بۇگىن، 08:05

پەتروپاۆل كارانتينگە جابىلدى

ايماقتار • بۇگىن، 08:00

قارجى حالىققا باعىتتالادى

ۇكىمەت • بۇگىن، 07:53

قۇپتارلىق قادام

پارلامەنت • بۇگىن، 07:47

مەشىتتە بەتپەردە تسەحى اشىلدى

ايماقتار • بۇگىن، 07:35

ەلگە پايداسى تيگەن ادام جاقسى

پارلامەنت • بۇگىن، 07:30

ءىشىنارا شەكتەۋ ەنگىزىلدى

كوروناۆيرۋس • بۇگىن، 07:30

اۋدان ءومىرىنىڭ ايناسى

ايماقتار • بۇگىن، 07:27

ارمان الاسارماسىن

رۋحانيات • بۇگىن، 07:22

ديقان ديزەلدى تومەن باعاعا الادى

ەكونوميكا • بۇگىن، 07:11

كوروناۆيرۋسسىز قوستاناي

ايماقتار • كەشە

ۇقساس جاڭالىقتار