«Egemen Qazaqstan» رەداكتسياسىندا اشىق رەكتورات ءوتتى

• 20 ماۋسىم، 2019

«Egemen Qazaqstan» رەداكتسياسىندا اشىق رەكتورات ءوتتى

381 رەت كورسەتىلدى

«Egemen Qazaqstan» گازەتىنىڭ رەداكتسياسىندا ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ رەكتورات جينالىسى ءوتتى. «اشىق رەكتورات» فورماتىنداعى جيىنعا ۋنيۆەرسيتەت پرورەكتورى ديحان قامزابەك ۇلى، «Egemen Qazaqstan» رەسپۋبليكالىق گازەتى» اق باسقارما توراعاسى دارحان قىدىرالى، ۋنيۆەرسيتەتتەگى فاكۋلتەت دەكاندارى، عالىمدار مەن رەداكتسيا قىزمەتكەرلەرى قاتىستى.

امانگەلدى قۇرمەت

جيىندا ديحان قامزابەك ۇلى بۇل شارانىڭ مامان دايارلاۋشىلار مەن جۇمىس بەرۋشىلەر اراسىنداعى بايلانىستى نىعايتۋعا وراسان زور سەپتىگىن تيگىزەتىندىگىن اتاپ ءوتىپ، گازەتتىڭ 100 جىلدىق مەرەيتويىمەن قۇتتىقتادى. ءوز كەزەگىندە باسىلىم باسشىسى رەداكتسيا قۇرامىنىڭ جاسارعانىن، قىزمەتكەرلەردىڭ ورتاشا جاسى 31 ەكەندىگىن، باسىلىمدا ل.گۋميلەۆ اتىنداعى ەۋرازيا ۇلتتىق ۋنيۆەرسيتەتىن بىتىرگەن كوپتەگەن ماماندار قىزمەت ەتىپ جاتقانىن، رەداكتسياعا اتالعان وقۋ ورنىنىڭ ستۋدەنتتەرى وندىرىستىك تاجىريبەدەن ءوتۋ ءۇشىن كوپتەپ كەلەتىنىن اتاپ ءوتتى. سونىمەن قاتار، باسىلىمىنع عاسىرلىق مەرەيتويىنا بايلانىستى ءتۇرلى شارالار ۇيىمداستىرىلىپ جاتقانىن، الداعى ۋاقىتتا ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىمەن بىرلەسىپ عىلىمي كونفەرەنتسيا وتكىزۋ جوسپارلانعانىن ايتتى.

ال، فيلولوگيا عىلىمدارىنىڭ دوكتورى، پروفەسسور نامازالى وماشەۆ «Egemen Qazaqstan» گازەتىنىڭ ەل تاريحىنداعى ءرولىن ايىرىقشا اتاپ ءوتىپ، جاقىندا عانا جارىق كورگەن «ءجۇز جىلدىق جىلناما» اتتى جيناقتىڭ ماڭىزدىلىعىنا توقتالدى. بۇل جيناق 1919 جىلدان 1976 جىلعا دەيىنگى ارالىقتا باسىلىمدا جارىق كورگەن ماتەريالداردان قۇرالعان بولاتىن. ءوز كەزەگىندە تاريح فاكۋلتەتىنىڭ دەكانى تىلەگەن سادىقوۆ اتالعان جيناقتىڭ زەرتتەۋشىلەر ءۇشىن باعالى دەرەك كوزى بولاتىنىن ايتتى.

جيىن جۋرناليستيكا جانە ساياساتتانۋ فاكۋلتەتىنىڭ قىزمەتى مەن جوسپارلارىنا ارنالدى. فاكۋلتەت دەكانى قايرات ساق قازىرگى تاڭدا جۋرناليستەر مەن PR ماماندارىن دايارلاۋدىڭ وزەكتى ماسەلەلەرىنە، سالاداعى ترەندتەرگە، فاكۋلتەتتەگى جاڭا باستامالارعا توقتالدى. وقىتۋشىلار ناقتى سالالارعا ماماندانعان جۋرناليستەر دايارلاۋ باعىتىندا اتقارىلىپ جاتقان جۇمىستاردى دا تىلگە تيەك ەتتى. اتاپ ايتقاندا فاكۋلتەتتە سپورت جۋرناليستەرىن، اسكەري جۋرناليستەردى دايارلاۋ ماسەلەسىنە كوڭىل ءبولىنىپتى. سونىمەن قاتار، ينتەرنەت جۋرناليستيكا ماسەلەسىنە دە ايىرىقشا نازار اۋدارىلعان.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز