2019 جىلدىڭ باسىنان باستاپ ورالدىق «BANEM» قۇرىلىس كومپانياسى «اقجايىق» فۋتبول كلۋبىن ءوز قامقورلىعىنا العان بولاتىن. مىنە, باس دەمەۋشى جاقىندا «استانا سپورت ستروي ي ك» كومپانياسىمەن كەلىسىمگە قول قويدى. ەندى ورال قالاسىندا «اقجايىق» ستاديونىنىڭ توزىعى جەتكەن جاساندى توسەنىشى جاڭاراتىن بولدى.
- قازىرگى تاڭدا «اقجايىق» ستاديونىنىڭ توسەنىشىن اۋىستىرۋعا قاجەتتى بارلىق قۇجات رەتتەلدى. شىلدە ايىنىڭ 1-كۇنىنەن باستاپ ستاديون جوندەۋ جۇمىستارىنا بايلانىستى جابىلادى. الاڭعا سوڭعى ۇلگىدەگى جاساندى گازون توسەلەدى, - دەيدى كلۋبتىڭ ءباسپاسوز حاتشىسى تۇگەلباي بيسەن.
جاڭارتۋ ستاديوننىڭ كارىز جانە سۋارۋ جۇيەلەرىن دە قامتىماق.
ايتا كەەتيىك, قازاقستان نارىعىندا 2007 جىلدان بەرى جۇمىس ىستەپ كەلە جاتقان «استانا سپورت ستروي ي ك» كومپانياسى نەگىزىنەن سپورت نىساندارىن جوندەۋ جانە اباتتاندىرۋ ىسىمەن اينالىسادى. بۇعان دەيىن ولار نۇر-سۇلتان قالاسىنداعى «استانا ارەنا», قىزىلوردا قالاسىنداعى عاني مۇراتباەۆ اتىنداعى ستاديونداردا جوندەۋ جۇمىسىن جۇرگىزگەن.
ال رەسپۋبليكادا باتىس قازاقستان وبلىسىنىڭ نامىسىن قورعاپ جۇرگەن اقجايىق فۋتبول كلۋبى ەل بىرىنشىلىگىنىڭ ءبىرىنشى ليگاسىندا ونەر كورسەتەدى. 10 تۋردان كەيىن تۋرنير كەستەسىندە 6 ورىندا كەلە جاتىر.
باتىس قازاقستان
