رۋحانيات • 19 ماۋسىم، 2019

قىز جىبەك شاكىرتتەرىمەن اق جايىققا كەلدى

166 رەتكورسەتىلدى

قازاقستاننىڭ حالىق ءارتىسى، تەاتر جانە كينو مايتالمانى مەرۋەرت وتەكەشەۆا نۇر-سۇلتان قالاسىنداعى قازاق ۇلتتىق ونەر ۋنيۆەرسيتەتىندە ءوزى ۇستازدىق ەتەتىن اكتەر شەبەرلىگى جانە رەجيسسۋرا كافەدراسى ستۋدەنتتەرىن ەرتىپ، باتىس قازاقستان وبلىسىنا كەلدى. ۋنيۆەرسيتەت ستۋدەنتتەرى قويعان «Sol bir kez» اتتى مۋزىكالىق سپەكتاكلى حاديشا بوكەەۆا اتىنداعى باتىس قازاقستان وبلىستىق تەاترىنىڭ ساحناسىندا انشلاگپەن ءوتتى.

شىعارماشىلىق ساپارمەن تۋعان توپىراعىنا كەلگەن ونەر جۇلدىزىن باتىس قازاقستان وبلىسىنىڭ اكىمى عالي ەسقاليەۆ قابىلداپ، قۇرمەت كورسەتتى. ءوڭىر باسشىلارى كەلەر جىلى ايگىلى «قىز جىبەك» ءفيلمىنىڭ تۇسىرىلگەنىنە 50 جىل بولاتىنىن ەسكە الىپ، ساحنا قايراتكەرىنىڭ باستامالارىن ارقاشان قولدايتىنىن ايتتى.

ايتا كەتەيىك، مەرۋەرت قاراتايقىزىنىڭ شاكىرتتەرىنەن قۇرالعان توپ العاش رەت الىس ساپار-گاسترولگە شىعىپ، ورال تەاترىنىڭ كاسىبي ساحناسىندا تۇڭعىش رەت ونەر كورسەتىپتى.

- ءبىزدى قۇشاق جايا قارسى الىپ، قۇرمەت كورسەتىپ جاتقان وبلىس باسشىلارىنا، كورەرمەن قاۋىمعا مىڭ دا ءبىر راحمەت ايتامىن. بۇل ءبىزدىڭ تۇڭعىش ساپارىمىز. ءوزىمنىڭ باۋلىعان بالالارىم نەبارى ەكىنشى كۋرستا بولسا دا گاسترولگە شىعىپ، ويىن كورسەتكەنىنە قۋانىشتىمىن. بۇل بالالار ونەردى وتە سۇيەدى، كۇن سايىن دايىندالىپ، ۋنيۆەرسيتەتتەن شىقپايدى. دەمالىستا دا، مەيرام كۇندەرى دە تىنىم تاپپايدى. ونەردىڭ جولى قيىن جول ەكەنىن قازىردەن سەزىنىپ ءجۇر. بولاشاقتى ۋاقىت كورسەتەدى عوي. ءبىزدىڭ بالالاردىڭ «ءوز الدىمىزعا تەاتر اشساق» دەگەن دە ارمانى بار، - دەيدى مەرۋەرت وتەكەشوۆا.

استانالىق ونەر ۋنيۆەرسيتەتتەرى شاكىرتتەرىنىڭ تىرناقالدى تۋىندىسىن ورالدىق كورەرمەن وتە جىلى قابىلدادى. ءبىر سىنىپتا وقىپ، جاستىق شاقتىڭ بال قىزىعىن بىرگە كەشكەن ءبىر توپ جاستىڭ ءومىرىن سۋرەتتەيتىن كوڭىلدى قويىلىم اسەم انگە، ادەمى قيمىل-قوزعالىسقا تولى ەكەن.

مەرۋەرت وتەكەشوۆا مەن 17 شاكىرتى باتىس قازاقستان وبلىسىنىڭ قازتالوۆ پەن جاڭاقالا، كورشىلەس اتىراۋ وبلىسىنىڭ يندەر جانە ماحامبەت اۋداندارىن ارالاپ، قويىلىم كورسەتپەك.


باتىس قازاقستان


سوڭعى جاڭالىقتار

تارالىم ءھام قارالىم

100 • بۇگىن، 06:55

تارحان تەكتى رەداكتور

100 • بۇگىن، 06:40

ءجۇز جىل

100 • بۇگىن، 06:27

ۇشقىر ويلار ۇشقىندارى

100 • بۇگىن، 06:11

ۇلكەن جولدىڭ ۇزىكتەرى

100 • بۇگىن، 05:58

ينۆەستيتسيا – دامۋ داڭعىلى

ايماقتار • بۇگىن، 05:49

ارىماس ابىروي

رۋحانيات • كەشە

كونەدەن كەلگەن كونەك

رۋحانيات • كەشە

ۇقساس جاڭالىقتار