جالپى, ءححى عاسىردا, جاھاندىق قاۋىمداستىق دامۋدىڭ جاڭا بەلەستەرىن باعىندىرىپ جاتقان كەزەڭدە دامىعان ەلدەردىڭ بارلىعى مەملەكەتتىڭ باستى بايلىعى, العا ءسۇيرەيتىن لوكوموتيۆى ادام ەكەنىن, ەلدىڭ ازاماتتارى ەكەنىن جاقسى ءتۇسىندى. سول ءۇشىن جالپى حالىقتىڭ دەڭگەيىن كوتەرۋگە, ادامي كاپيتالدىڭ ساپاسىن ارتتىرۋعا تىرىسىپ جاتىر. وسى ورايدا, قاسىم-جومارت توقاەۆتىڭ سوزىندە بيلىكتىڭ باستى ميسسياسى حالىقتىڭ جاعدايىن جاقسارتۋ ەكەنى ايقىن ايتىلدى. ياعني, الەۋمەتتىك جاعدايدى كوتەرۋ, تابىستى ارتتىرۋ, باسپانا سالۋ, الەۋمەتتىك ادىلەتتىلىك ورناتۋ, ءبىلىم بەرۋ مەن دەنساۋلىق ساقتاۋ سالاسىن دامىتۋ, ەڭ اياعى اۋىز سۋمەن قامتۋ سىندى ماسەلەلەردىڭ كەز كەلگەنى بەلگىلى ءبىر دارەجەدە ازاماتتاردىڭ جالپى دەڭگەيىن كوتەرۋگە اسەر ەتەتىنى انىق.
بۇگىنگى تاڭدا قازاقستانداعى 14-29 جاس ارالىعىنداعى جاستاردىڭ سانى 4 ميلليون شاماسىندا. ولاردىڭ ساۋاتتىلىق دەڭگەيى 99,8 پايىزعا تەڭ. مەن ءوزىم دە ەكى ۇل ءوسىرىپ وتىرعان انامىن. جاس ۇرپاق ءاربىر وتباسىنىڭ عانا بولاشاعى ەمەس, ەلدىڭ دە بولاشاعى دەپ سانايمىن. بالالارىمىزدىڭ جان-جاقتى جەتىلگەن ازامات بولعانىن قالايمىن. سول سەبەپتى پرەزيدەنتتىڭ سوزىندە وسى جاستار ماسەلەسى ەرەكشە اتالعانىنا كوڭىلىمىز تولدى.
ءاربىر جاس ازامات ارمان-ماقساتىنا ءوز ەلىندە ءجۇرىپ قول جەتكىزىپ, كەڭ-بايتاق ەلىنىڭ دامۋىنا ۇلەسىن قوسۋعا ءتيىس. بۇل باعىتتا ەلىمىزدە ءبىرشاما جۇمىستار اتقارىلىپ كەلدى, الداعى ۋاقىتتا ول جالعاسا بەرەتىنىن دە مەملەكەت باسشىسى ايتتى. ماسەلەن, بيىلعى جىل جاستار جىلى دەپ جاريالاندى. «جاستار – ەل تىرەگى» جوباسىن, «جاس كاسىپكەر» بيزنەس باستاماسىن دامىتۋ باعدارلاماسى جۇزەگە اسىرىلۋدا. ەندى جۇمىسقا ورنالاستىرۋ باعدارلامالارى دايىندالماق, «پرەزيدەنتتىڭ كادرلىق رەزەرۆى» جاساقتالماق. جاستاردى قولداۋ – ەلدى دامىتۋعا جۇمسالعان ەڭ باستى ينۆەستيتسيا, ەڭ ءتيىمدى ينۆەستيتسيا. كەز كەلگەن ەلدىڭ دامۋىنا جاستار ساياساتىنىڭ دۇرىس ايقىندالۋى ەرەكشە ىقپال ەتەدى. جوعارىدا ايتىلعان شارالار ەلىمىزدىڭ تۇراقتى دامۋىنا ۇلكەن ۇلەسىن تيگىزەتىنى ءسوزسىز.
دينارا اقىنبەكوۆا,
ەكونوميكا عىلىمدارىنىڭ كانديداتى
