قازاقستان • 18 ماۋسىم، 2019

اقش جانە قازاقستاننىڭ اتوم ەنەرگەتيكاسى سالاسىنداعى ارىپتەستىگىنە 25 جىل تولدى

180 رەت كورسەتىلدى

اقش-تىڭ قازاقستانداعى توتەنشە جانە وكىلەتتى ەلشىسى ۋيليام ح. موزەر وسىدان ءبىراز بۇرىن كۋرچاتوۆ قالاسىنداعى قر ۇلتتىق يادرولىق ورتالىعىنىڭ نىساندارىنا بارىپ قايتقان ەدى.

كۋرچاتوۆ قالاسىنا جۇمىس ساپارىنىڭ ءبىرىنشى كۇنى اقش ەلشىسى ۋيليام ح. موزەر «بايكال-1» زەرتتەۋ رەاكتورلارى  كەشەنىندە بولدى. اتوم ەنەرگەتيكاسىن دامىتۋ سالاسىنداعى جانە يادرولىق قارۋدى تاراتپاۋ ماسەلەلەرىن شەشۋدەگى قازاقستاندىق-امەريكالىق ىنتىماقتاستىق شەڭبەرىندەگى جوبالاردى جۇزەگە اسىرۋ بارىسىمەن تانىستى.   

اتاپ ايتقاندا، بن-350 رەاكتورىنىڭ پايدالانىلعان يادرولىق وتىنىن تاسىمالداۋ جانە ساقتاۋ جونىندەگى بىرەگەي جوبانى ىسكە اسىرۋ، وبەكتىلەردىڭ فيزيكالىق قاۋىپسىزدىگىن قامتاماسىز ەتۋ ناتيجەلەرى تۋرالى دا اڭگىمە قوزعالدى. سونداي-اق زەرتتەۋ رەاكتورلارىن تومەن بايىتىلعان وتىنعا كونۆەرسيالاۋ بويىنشا اعىمداعى جۇمىستارمەن تانىستى.

بۇدان كەيىن دوڭگەلەك ۇستەل وتىرىسىندا اقش ەلشىسى ۋيليام ح. موزەر اقش جانە قازاقستان ۇيىمدارىنىڭ اتوم ەنەرگەتيكاسىن دامىتۋ جانە تاراتپاۋ ماسەلەلەرىن شەشۋ سالاسىنداعى 25 جىلدىق قىزمەتىنىڭ ناتيجەلەرىنە جوعارى باعا بەرسە، ۇلتتىق يادرولىق ورتالىقتىڭ باس ديركتورى ەرلان باتىربەكوۆ ىنتىماقتاستىقتىڭ الداعى ۋاقىتتا دا جالعاساتىنىنا سەنىمدىلىك ءبىلدىردى. سونداي-اق سىناق پوليگونىندا ورنالاسقان «تاجىريبە الاڭى» مەن «دەگەلەڭ» الاڭدارىنا جۇمىس ساپارى ءوتتى.  

راۋشان نۇعمانبەكوۆا،


كۋرچاتوۆ

 


سوڭعى جاڭالىقتار

ۇقساس جاڭالىقتار