وتىرىس وبلىس اكىمى وڭداسىن ءورازاليننىڭ توراعالىعىمەن ءوتىپ, وعان وڭىردەگى قۇقىق قورعاۋ ورگاندارىنىڭ باسشىلارى قاتىستى.
پروكۋراتۋرانىڭ مالىمەتىنشە, وسى جىلدىڭ باسىنان بەرى اقتوبە وبلىسىندا قىلمىس 15 % ازايعان.
وبلىس اكىمى قۇقىق قورعاۋ ورگاندارى ۇيلەسىمدىرەك ءارى ءتيىمدى ءوزارا ارەكەت ەتسە ناتيجە جاقىسىراق بولار ەدى دەپ اتاپ ءوتتى. سونىمەن بىرگە, ءوڭىر باسشىسى الاياقتىقپەن, قالتا جانە مال ۇرلىقتارىمەن, بۇزاقىلىقپەن ( سونىڭ ىشىندە كوڭىل كوتەرۋ ورىندارىندا) كۇرەستى كۇشەيتۋدى تاپسىردى. بۇدان باسقا, ءوڭىر باسشىسى ۇرلانعان زاتتاردى ساتىپ الاتىن جانە وتكىزەتىن نۇكتەلەردى جويۋدىڭ پارمەندى شارالارىن قابىلداۋدى تالاپ ەتتى.
وڭداسىن ورازالين سونداي-اق, بەيالەۋمەتتەندىرۋدىڭ, سونىڭ ىشىندە قىلمىستىڭ قايتالانۋىن ەسكەرتۋ ماقساتىندا بۇرىنعى سوتتالعانداردى جۇمىسقا ورانلاستىرۋدىڭ ماڭىزدىلىعىن اتاپ ءوتتى. جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ باسشىسى قايرات وتاروۆتىڭ مالىمەتىنشە, جىل باسىنان بەرى جۇمىسپەن قامتۋ ورگاندارىنا باس بوستاندىعىنان ايىرۋ ورىندارىنان بوساپ شىققان جانە پروباتسيا قىزمەتىندە ەسەپتە تۇرعان 273 ادام جۇمىس ىزدەپ كەلىپتى.
ولاردىڭ 129-ى ەندىگى جۇمىسقا ورنالاسقان, تاعى 24 ادام مەملەكەت ەسەبىنەن قىسقا مەرزىمدى كاسىبي وقىتۋدان ءوتىپ جاتىر. 113 ادام ۇسىنعان جۇمىستاردان باس تارتقان.
وڭداسىن ورازالين «ەڭبەك» ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋ باعدارلاماسىن پايدالانا وتىرا بۇرىنعى سوتتالعانداردى كاسىپكەرلىككە تارتۋ مۇمكىندىگىن اتاپ ءوتىپ, وسى باعىتتاعى جۇمىستاردى كۇشەيتۋدى تاپسىردى.
«ماقساتتى توپتار اراسىندا وسى سۇراق بويىنشا ءتۇسىندىرۋ, اقپاراتتىق جۇمىستاردى كۇشەيتۋ قاجەت. ولاردى جۇمىسپەن, ادال ەڭبەكاقىمەن قامتۋ – قىلمىستىڭ قايتالانۋىنىڭ الدىن الۋعا جاقس»,- دەدى ءوڭىر باسشىسى.
