قوعام • 18 ماۋسىم، 2019

ۇبت: 20-30 ماۋسىم ارالىعىندا تەستىلەۋگە 117 مىڭنان استام تۇلەك قاتىسادى

168 رەت كورسەتىلدى

پرەمەر-مينيستر ا. ءماميننىڭ توراعالىعىمەن وتكەن ۇلتتىق بىرىڭعاي تەستىلەۋدى وتكىزۋگە دايىندىق بارىسى تۋرالى ۇكىمەت وتىرىسىندا ءبىلىم جانە عىلىم ءمينيسترى ا. ايماعامبەتوۆ بايانداما جاسادى.

قر بعم مالىمەتتەرىنشە، 2019 جىلى ۇبت 16-شى رەت وتكىزىلمەك. 2004 جىلدان بەرى تەستىلەۋگە 1 ملن 775 مىڭ ادام قاتىسقان.

ءبىلىم جانە عىلىم ءمينيسترى حابارلاعانداي، بيىل دا ۇبت فورماتى وزگەرگەن جوق.

«بيىلعى 20-30 ماۋسىم ارالىعىندا ۇبت 169 پۋنكتىدە وتكىزىلەدى. ۇبت-عا جالپى سانى 117 242 ادام قاتىسادى، ونىڭ ىشىندە بيىلعى مەكتەپ بىتىرۋشىلەر 96 380 نەمەسە تۇلەكتەردىڭ جالپى سانىنان 71،6%، 20 862 – وتكەن جىلدارداعى مەكتەپتەر مەن كوللەدجدەردىڭ تۇلەكتەرى»، — دەدى ا. ايماعامبەتوۆ.

ءبىلىم جانە عىلىم ءمينيسترى ۇبت وتكىزۋ تەحنولوگياسىنىڭ ساقتالۋىن قاداعالاۋ ءۇشىن وڭىرلەرگە قر بعم وكىلدەرى جىبەرىلگەنىن حابارلادى. تەستىلەۋ ماتەريالدارى وڭىرلەرگە قۇپيالىلىعىن ساقتاي وتىرىپ جەتكىزىلدى. رەسپۋبليكالىق اپەللياتسيالىق كوميسسيا جانە ۇبت وتكىزىلەتىن ءاربىر پۋنكتتە اپەللياتسيالىق كوميسسيا قۇرىلدى.

«بارلىق اۋديتوريالار ۇيالى بايلانىستى باسەڭدەتەتىن قۇرىلعىلارمەن جانە بەينەكامەرالارمەن 100% قامتاماسىز ەتىلدى. ۇبت وتكىزىلەتىن پۋنكتىلەردە بەينەترانسلياتسيا جاسايتىن مونيتورلار ورناتىلدى. جىلدام اقپارات الماسۋ ءۇشىن ءبىلىم مينيسترلىگى مەن ۇلتتىق تەستىلەۋ ورتالىعىنىڭ call-ورتالىقتارى جۇمىس ىستەيدى»، — دەدى ا. ايماعامبەتوۆ.

سونىمەن قاتار، ءبىلىم جانە عىلىم ءمينيسترى بيىل ۇبت-ءتى جەتىلدىرۋگە باعىتتالعان بىرقاتار شارالار قابىلدانعانىن ايتتى.

ءبىرىنشى. بيىلدان باستاپ ۇبت اقىلى نەگىزدە وقۋعا تۇسكىسى كەلەتىندەر ءۇشىن جىلىنا 4 رەت وتكىزىلەدى. بۇل مەكتەپ وقۋشىلارىنىڭ پسيحولوگيالىق قىسىمىن تومەندەتىپ، ماۋسىمدا وتەتىن ۇبت-عا ازىرلەنۋلەرىنە مۇمكىندىك بەردى.

ەكىنشى. ءوز بەيىنى بويىنشا اقىلى وقۋعا تۇسەتىن كوللەدج تۇلەكتەرى ۇبت تاپسىرۋدان بوساتىلادى.

ءۇشىنشى. حالىقارالىق سەرتيفيكاتتارى بار جانە شەت ءتىلىن بىلەتىنى راستالعان تۇلعالار «شەت ءتىلى» ءپانى بويىنشا تەستىلەۋدەن بوساتىلادى. ولارعا اۆتوماتتى تۇردە ەڭ جوعارعى بالل – 40 بالل بەرىلەدى. ۇبت-عا قاتىساتىن بالالاردىڭ ىشىندە ولاردىڭ سانى – 708.

ءتورتىنشى. ءاربىر تۇلەككە ۇبت سەرتيفيكاتىمەن قاتار، اقپاراتتىق پاراق بەرىلەدى. وندا ءبىلىم بەرۋ باعدارلامالارى توبىنىڭ ءتىزىمى، بيىل بولىنگەن گرانتتار سانى، وتكەن جىلعى كونكۋرس ناتيجەلەرى كورسەتىلەدى. بۇل تۇلەككە ءوزىنىڭ بولاشاق ماماندىعىن سانالى تۇردە تاڭداۋىنا مۇمكىندىك بەرەدى.

بەسىنشى. بيىل ءبىلىم بەرۋ گرانتتارى ءبىلىم بەرۋ باعدارلامالارىنىڭ توپتارى بويىنشا بەرىلەدى. جوو-عا الىنعان كەزدە وقۋعا ءتۇسۋشى ودان ءارى وقۋى ءۇشىن ناقتى ءبىلىم بەرۋ باعدارلاماسىن تاڭدايدى.

جالپى، ا. ايماعامبەتوۆتىڭ ايتۋىنشا، ۇبت وتكىزۋگە بارلىق دايىندىق جۇمىستارى اياقتالعان. مينيسترلىك جاو-مەن جانە قۇقىق قورعاۋ ورگاندارىمەن بىرلەسىپ، تەسىتىلەۋ وتكىزۋ ءتيىستى دەڭگەيدە قامتاماسىز ەتىلەدى.

سوڭعى جاڭالىقتار

تاريحي نىساندار جاڭعىرتىلۋدا

قازاقستان • بۇگىن، 13:05

بۇگىن – ەڭبەك كۇنى

قازاقستان • بۇگىن، 09:20

شەكتەن شىققان احۋال جوق

ايماقتار • كەشە

اتىراۋدا ەگىز ۇل امان-ەسەن تابىلدى

ايماقتار • 25 قىركۇيەك، 2020

اتىراۋدا جول بويىندا تراكتور اۋدارىلدى

ايماقتار • 25 قىركۇيەك، 2020

شىعىستا جازۋشى ءمۇسىنى تۇعىرعا قوندى

رۋحانيات • 25 قىركۇيەك، 2020

ۇقساس جاڭالىقتار