بايقاۋ «باتىس قازاقستان وبلىسىندا ازاماتتىق سەكتور الەۋەتىن ارتتىرۋ بويىنشا كەشەندى شارالاردى ۇيىمداستىرۋ جانە وتكىزۋ» جوباسىن ىسكە اسىرۋ شەڭبەرىندە باتىس قازاقستان وبلىسى اكىمدىگى ىشكى ساياسات باسقارماسىنىڭ مەملەكەتتىك الەۋمەتتىك تاپسىرىسى بويىنشا وتكىزىلەدى. بايقاۋدىڭ ماقساتى – قوعامنىڭ نەمەسە قوعامنىڭ جەكەلەگەن الەۋمەتتىك توپتارىنىڭ الەۋمەتتىك ماڭىزدى پروبلەمالارىن شەشۋگە ىقپال ەتۋ, مەملەكەتتىك ورگاندار مەن ازاماتتىق قوعام وكىلدەرى اراسىنداعى ءوزارا ءىس-قيمىلدىڭ تيىمدىلىگىن ارتتىرۋ, جەرگىلىكتى ءوزىن-ءوزى باسقارۋدى جانە جەرگىلىكتى قوعامداستىقتا ءوزىن-ءوزى رەتتەۋدى دامىتۋ.
ءبىز وسى بايقاۋ ارقىلى وڭىردەگى ۇكىمەتتىك ەمەس ۇيىمداردىڭ كاسىبي جانە شىعارماشىلىق ءوسۋىن ىنتالاندىرىپ, وبلىستاعى الەۋمەتتىك ماسەلەلەردى شەشۋدە ۇەۇ, مەملەكەتتىك جانە كوممەرتسيالىق قۇرىلىمداردى, بۇقارالىق اقپارات قۇرالدارىن بىرىكتىرگىمىز كەلەدى. سونداي-اق باتىس قازاقستان وبلىسىنداعى اسا ماڭىزدى الەۋمەتتىك جوبالاردى انىقتاپ, قولداۋدى كوزدەيمىز, - دەيدى ايبولات شامۇرات ۇلى.
بايقاۋ ەلباسى جولداۋلارى, «بەس الەۋمەتتىك باستاما», «الەۋمەتتىك قامقورلىق» جاڭا الەۋمەتتىك ساياساتى, «رۋحاني جاڭعىرۋ», « ۇلى دالانىڭ جەتى قىرى» باعدارلامالارىندا كورسەتىلگەندەي قازاقستان رەسپۋبليكاسىنىڭ الەۋمەتتىك-ەكونوميكالىق دامۋىنىڭ باسىمدىقتارىن ەسكەرە وتىرىپ, جەرگىلىكتى قوعامداستىق مۇددەلەرىن جانە ۇەۇ الەۋەتىنىڭ, باتىس قازاقستان وبلىسىندا جۇمىس ىستەيتىن باستاماشىل توپتاردىڭ مۇمكىندىكتەرىن ەسكەرە وتىرىپ وتكىزىلمەك. ۇيىمداستىرۋشىلاردىڭ ايتۋىنشا, بۇل جوبالارعا جالپى كولەمى 2 500 000 تەڭگە گرانت رەتىندە بولىنەدى.
گرانتتار ءبىلىم بەرۋ, عىلىم, اقپارات, دەنە شىنىقتىرۋ جانە سپورت سالاسىنداعى ماقساتتارعا قول جەتكىزۋ, ازاماتتاردىڭ دەنساۋلىعىن ساقتاۋ, سالاۋاتتى ءومىر سالتىن ناسيحاتتاۋ, قورشاعان ورتانى قورعاۋ, جاستار ساياساتى مەن بالالار باستامالارىن قولداۋ, وتباسىلىق-دەموگرافيالىق جانە گەندەرلىك ماسەلەلەردى شەشۋگە جاردەمدەسۋ, حالىقتىڭ الەۋمەتتىك تۇرعىدان وسال توپتارىن قولداۋ, جەتىم بالالارعا, تولىق ەمەس جانە كوپ بالالى وتباسىلارداعى بالالارعا كومەك كورسەتۋ, حالىقتى جۇمىسپەن قامتۋدى قامتاماسىز ەتۋگە جاردەمدەسۋ, ازاماتتار مەن ۇيىمداردىڭ قۇقىقتارىن, زاڭدى مۇددەلەرىن قورعاۋ, مادەنيەت پەن ونەردى دامىتۋ, تاريحي-مادەني مۇرانى قورعاۋ, قوعامدىق كەلىسىمدى جانە جالپىۇلتتىق بىرلىكتى نىعايتۋ سەكىلدى سان-سالالى جوبالارعا بەرىلەدى. بايقاۋعا قاتىسۋ ءۇشىن ۇسىنىستار 30 ماۋسىمعا دەيىن قابىلدانباق.
باتىس قازاقستان
