سپورت • 18 ماۋسىم، 2019

لەپسىدەگى جاس ورەندەردىڭ جارىسى

169 رەت كورسەتىلدى

بۇل كۇندەرى الماتى وبلىسى الاكول اۋدانىنىڭ لەپسى اۋىلىندا «قازاق باتىرلارى» جوباسى اياسىندا بوكستان ەلىمىزدىڭ ماقتان تۇتار ازاماتتارى – بەيجىڭ وليمپياداسىنىڭ قولا جۇلدەگەرى قانات يس­لام جانە الەم مەن قۇر­لىق چەمپيونى، ازيا ويىندارىنىڭ جە­ڭىمپازى جانىبەك ءالىمحان­ ۇلى­نىڭ جۇلدەسى ءۇشىن رەس­پۋب­­ليكالىق تۋرنير وتۋدە.

«قازاق باتىرلارى» جوباسى بەلگىلى كاسىپكەر، قازاقتىڭ اتىمتاي جومارتى باۋىرجان وسپانوۆتىڭ باستاماسىمەن 2016 جىلى قولعا الىنعان بولاتىن. سول كەزدەن بەرى جىل سايى­ن لەپسى اۋىلىندا ورنالاسقان سپورتتاعى دارىندى بالالارعا ارنالعان مەكتەپ-ينتەرناتتا جەتىسۋ وڭىرىنەن شىققان اتاقتى سپورتشىلاردىڭ قۇرمەتىنە ءتۇرلى جارىستار ۇيىمداستىرىلىپ كەلەدى. بۇل كۇندەرى جوڭعار الا­تاۋى بوكتەرىندە ءوتىپ جاتقان ايتۋلى تۋرنير جوعارىدا ەسىم­دەرى اتالعان قازاقتىڭ جۋان جۇدىرىقتى جىگىتتەرىنە ارنالسا، الداعى اپتالاردا باسقا دا سپورت تۇرلەرى بويىنشا باسەكەلەردىڭ شىمىلدىعى تۇرىلەدى.

اتاپ ايتساق، 15-18 ماۋسىم ارالىعىندا گرەك-ريم كۇرە­سىنەن نۇرباقىت تەڭىزباەۆ پەن دەمەۋ جادىراەۆتىڭ جۇلدە­سى ءۇشىن جارىستىڭ جالاۋى جەل­بىرەيدى. ەكەۋى دە ەل سپورتىنا ەلەۋلى ەڭ­بەك سىڭىرگەن ازامات. نۇرباقىت تە­ڭىزباەۆ – بەي­جىڭ وليم­پيا­دا­سىنىڭ كۇمىس جانە 2009 جىلعى الەم چەمپيو­ناتىنىڭ قولا ءجۇل­دەگەرى. دەمەۋ وسىدان ەكى جىل بۇ­رىن پاريجدەگى ءدۇ­نيەجۇزىلىك دو­دانىڭ اقتىق سىنىندا بەلدەسىپ، كۇمىس مەدالدى موينىنا ءىلدى.

18-21 ماۋسىم كۇندەرى ەركىن كۇ­رەس شەبەرلەرى بوز كىلەمگە شى­­عادى. رەسپۋبليكامىزدىڭ ءار وڭىرىنەن جينالعان بالعىن با­لۋاندار وليمپيا ويىندارى مەن الەم چەمپيوناتىنىڭ قولا جۇلدەگەرى، ازيا ويىندارىنىڭ جەڭىمپازى ماۋلەن مامىروۆ ءجا­نە دۇنيەجۇزىلىك دودادا ءۇشىنشى ساتىعا تابان تىرەگەن داۋرەن جۇ­ما­­عازيەۆتىڭ جۇلدەسى ءۇشىن تالاسادى.

ال 25-28 ماۋسىم ارالىعىندا دزيۋدوشىلاردىڭ دوداسىن تاما­شالايمىز. جارىس جولىنا شىعاتىن جاس ورەندەر وليم­پيادا دا اسقان شەبەرلىك تانىتىپ، جۇلدەگەرلەر ساناتىنا قوسىلعان ايدىن سماعۇلوۆ پەن اسحات جىتكەەۆ جانە الەم چەمپيوناتىنىڭ ءفيناليسى ازا­مات مۇقانوۆتىڭ جۇلدەلەرىن ساراپقا سالادى.

– ەلىمىزدەگى «ZHERSU» دەپ اتالاتىن ىرگەلى كورپورا­تسياسىنىڭ باقىلاۋ كەڭەسىنىڭ توراعاسى باۋىرجان وسپانوۆ جەتىسۋ وڭىرىنەن شىققان ايگىلى سپورتشىلارعا قۇرمەت كورسەتۋ ماقساتىندا وسىنداي باستامانى قولعا العاندا، بارلىعىمىز ول ۇسىنىستى قۋانا-قۋانا قابىل­دادىق. بيىل سول تۋرنير ءتورتىنشى رەت وتكىزىلىپ وتىر. ايتۋلى جا­رىستىڭ دەڭ­گەيى ۋاقىت وزعان سايىن ار­تىپ كەلەدى. ءسوز ورايى كەلگەندە، وسى باعىتتا بىزگە ۇنە­مى قولداۋ كورسەتىپ جۇرگەن با­ۋىرجان كەڭەسبەك ۇلىنا، الا­كول اۋدانىنىڭ اكىمى الىبەك جاقانباەۆقا، الماتى وبلىستىق سپورت باسقارماسىنىڭ باستىعى نۇرباقىت تەڭىزباەۆقا زور ريزاشىلىعىمىزدى بىلدىرگىمىز كەلەدى. قازىرگى كەزدە لەپسىدەگى سپورت-ينتەرناتتا وقىپ جۇرگەن جاس ورەندەردىڭ بارلىعى دا كەلەشەكتى سول اعالارى سەكىلدى بيىك شىڭداردان كورىنۋدى ارماندايدى. ال ءوز شاكىرتتەرىمىزگە دۇرىس باعىت-باعدار بەرىپ، سول بەلەستەرگە جەتەلەۋ – ءبىزدىڭ باس­تى پارىزىمىز، – دەيدى لەپ­سىدەگى سپورت-ينتەرناتتىڭ ديرەكتورى سەرجان وماروۆ.

سوڭعى جاڭالىقتار

نار نارىمبەتوۆ ەدى...

قازاقستان • كەشە

«وميكرون» شتامى وقشاۋلايدى

كوروناۆيرۋس • كەشە

پورترەتتەگى پاراسات

ەلباسى • كەشە

ۇقساس جاڭالىقتار