ايماقتار • 17 ماۋسىم، 2019

«شەلل قازاقستان» كومپانياسى اقتاۋداعى زياتكەرلىك مەكتەپتە كۇن جۇيەلەرىن ورناتپاق

178 رەت كورسەتىلدى

2019 جىلى «شەلل قازاقستان» كومپانياسى مەن نازارباەۆ زياتكەرلىك مەكتەپتەرىنىڭ «كۇن ەنەرگياسى – مەكتەپتەرگە» جوباسىنىڭ ەكىنشى كەزەڭى باستالادى.

بيىل ورال، الماتى، اتىراۋ جانە اقتاۋ قالالارىنداعى نازارباەۆ زياتكەرلىك مەكتەپتەرىنە كۇن جۇيەلەرىن ورناتۋ جوسپارلانۋدا.

العاشقى بولىپ اقتاۋ قالاسىنداعى زياتكەرلىك مەكتەپ جوباعا ەنەتىن بولادى. ماۋسىم ايىندا «شەلل قازاقستان» كومپانياسى اتالمىش جۇيەلەردى ىسكە قوسىپ، ءبىلىم ورداسى پايدالاناتىن 25-30% جۋىق ەلەكتر قۋاتىن ۇنەمدەۋ كوزدەلۋدە. جوبانىڭ سالناتتى اشىلۋى  استانا كۇنى قارساڭىندا 2019 جىلدىڭ 6 شىلدەسىنە جوسپارلانۋدا.

«شەلل» الەمدىك  مۇنايگاز برەندىنىڭ «كۇن ەنەرگياسى – مەكتەپتەرگە» اتتى پيلوتتىق جوباسى 2018 جىلدىڭ 1 جەلتوقسانىندا نۇر-سۇلتان قالاسىندا وتكەن «نازارباەۆ زياتكەرلىك مەكتەپتەرى» دەربەس ءبىلىم بەرۋ ۇيىمىنىڭ 10-جىلدىق مەرەيتويىنا ارنالعان « ۇلى دالا مۇراگەرلەرى» فورۋمىندا تانىستىرىلدى.

قازاقستان رەسپۋبليكاسىنىڭ تۇڭعىش پرەزيدەنتى – ەلباسى نۇرسۇلتان نازارباەۆپەن وتكەن كەزدەسۋدە «شەلل» كومپانياسىنىڭ قازاقستانداعى وكىلدىلىگىنىڭ باسشىسى وليۆە لازار كونتسەرننىڭ وسى سىندى مەكتەپتىك جوبالارى جاڭارتىلعان ەنەرگيا كوزدەرىن الۋ جانە جاسىل ەنەرگەتيكاعا كوشۋگە ۇلكەن سەپتىگىن تيگىزەتىنىڭ اتاپ ءوتتى.

«كۇن ەنەرگياسى – مەكتەپتەرگە» پيلوتتى جوبا «نازارباەۆ زياتكەرلىك مەكتەپتەرى» دەربەس ءبىلىم بەرۋ ۇيىمى، «شەلل» كومپانياسى مەن نۇر-سۇلتان قالاسىنىڭ اكىمدىگى جانە ەنەرگەتيكا مينيسترلىگى اراسىنداعى ىنتىماقتاستىق جونىندەگى مەموراندۋم اياسىندا جۇزەگە اسىرىلادى.

«شەلل» –دىڭ العاشقى كۇن ەنەرگياسىن ەل استاناسىندا ورنالاسقان فيزيكا-ماتەماتيكالىق باعىتتاعى مەكتەپ 2018 جىلى پايدالانا باستادى. مۇندا قۋاتتىلىعى 100 كۆت/ساعات فوتوەلەكترلىك پانەلدەرىمەن جابدىقتالعان ارناۋلى تۇراقتار ورناتىلدى.

شەلل مەن زياتكەرلىك مەكتەپتەر اراسىنداعى ىنتىماقتاستىق وقۋشىلاردىڭ ەكولوگيالىق ويلاۋىن دامىتىپ، جاسىل ەنەرگەتيكامەن تانىستىرۋ ارقىلى عىلىمي جوبالارمەن اينالىسۋعا موتيۆاتسيا بەرەدى.


ماڭعىستاۋ وبلىسى


سوڭعى جاڭالىقتار

قيلى-قيلى تاعدىرلار

تاريح • كەشە

ءبىر شاڭىراقتان – ءۇش مايدانگەر

رۋحانيات • 08 مامىر، 2021

قازاق دەگەنىمىز – باۋىرجان...

رۋحانيات • 08 مامىر، 2021

505-ءشى تۇرمەنىڭ تۇتقىندارى

تاريح • 08 مامىر، 2021

اسكەري ينجەنەرلەر ۇستاحاناسى

وقيعا • 07 مامىر، 2021

ۇقساس جاڭالىقتار